Sidee koonfurta Soomaliya looga soo dhaweeyey
Ubaxyadii Nabadda ee SOFIHA u dirtay?
Qore: Cawaale Jaamac Salaad
Bosaso, somalia
jamnaf87@hotmail.com
Hay’adda Lagu magacaabo SOFIHA oo ah Hay’ad
Swedish ah oo fadhigeedu yahay Sweden ayaa waxay dalka Somaliya ka furtay
xafiiskeedii u qaabilsanaa shaqada ay ka waddo Somaliya waxayna xarunta uga
dhigtay Magaalada Boosaaso , Hay’adda SOFIHA waxa si weyn looga bartay
deegaamada Soomaliya waxana lagu qadariyaa Billadaha ay bixisay ee ay siisay
labadii hogaamiye ee kala hogaaminayey garabyaddii isku hayey Puntland iyo
Isimadii hormuudka ka ahaa Nabadaynta ee kala ahaa Suldaan Siciid C/salaam iyo
Boqor Cismaan Maxamuud Buur madow . Hay’addani waxay ku caanbaxday u Ololaynta
Nabadda iyo raadinta Jawi Nabadeed oo lagu soo hirto Soomaliya oo dhan.
![](sep71.jpg)
Hay_addaSOFIHA oo shacabka Garoonka Nabadda
kulahadlaysa
![](sep72.jpg)
Kooxda Elman oo kufaraxsan Farriinta Nabadda iyo Ubaxyada
koonfur loo diray
![](sep73.jpg)
Rag iyo dumar farobadan oo fadhiya Tarabuunka oo Dhegaysanaya Dhambaalada
SOFIHA
![](sep74.jpg)
Shacabkii oo haysta Astaamihii Nabadda iyo halkudhigyadii SOFIHA |
SOFIHA waxay ka shaqaysaa Adkaynta Nabadda Demoqraadiyadda ,waxbarashada iyo
Horumarka , waxay Dalka Soomaliya timid waqtigii lagu jiray Dedaalka Nabadaynta
ee Puntland , isla waqtigaasna waxay isu xilqaantay in ay raadiso Hab wanaagsan
oo looga gudbi karo Herdankii Siyaasadeed iyo Kala qaybsanaantii Puntland . ee
sababay Nabad la’aanta iyo Xasillooni darrida .
Hadaba si loo gaadho Nabad taam ah waxay Hay’addu ku guulaysatay inay
Garabyadii Puntland isku hayey Miiska Nabadda soo wada fariisiso , markii
Nabadda lagu guulaystay ayey Buddhigayaashii Nabadda Puntland ee kala ahaa
labadii Hogaamiye iyo Isimadii Nabadda Horkacayeyba , Gudoonsiisay Billado
Dahab ah iyo Shahaadooyin sharaf .
Billadahan ay gudoonsiisay ayaa waxay ahaayeen kuwo si weyn loogu farxay markii
la arkay inay noqon karaan kuwo lagu dayan karo oo qof waliba isku deyi karo
inuu helo billado oo uu isla markaana Nabadda u ilaalinayo Billado
guddoonsiintan ayaa waxay ahayd mid aan Hore looga arag Afrika ,waxayna in
badan oo dadka Puntland ku dhaqan ku abuurtay inay u tartamaan Billadaha
Nabadda , waxayna bilaabeen inay SOFIHA la beeraan Ubixii Nabadda ee Puntland
lagu beeray waqtigii Heshiiskii Nabadda ee Puntland , Kaasoo Mirihii ka dhashay
ay Bulshada Puntland haatan guranayaan .
Hay’adda SOFIHA waxay bilowday markii laga joogay Heshiiska Muddo laba bilooda
ah inay qabato Kulamo wada Qiimayn ah oo ay ka qayb galeen Maamulka Puntland oo
ka kooban labadii garab ee heshiiyey iyo Bulshada qeybeheeda kala duwan sida
Ganacsatada , Dhallinyarada iyo Haweenkuba ay si wada jir ah u qiimeeyeen
Saamaynta Togan ee ay ku yeelatay dhinacyada Siyaasadda iyo Maamulka , Nabadda
iyo Xasilloonida , Dhaqaalaha ,Dhaqdhaqaaqa Ganacsiga iyo Arrimaha Bulshada .Waxaana
kulamadaasi ka soo baxay Natiijooyin wax ku ool ah oo laga soo saaray Qoraalo
dhaxal gal ah .
Hay’addu waxay u kuurgashay inay Nabaddii taam noqotay waxayna kormeer ku
samaysay oo ay goobjoog ka ahayd xafladdii isku darka labada ciidan iyo
tababarkii adkaynta Nabadda ee Booliiska Puntland loo furay .
Hay’addu intaasi kuma joojin dedaalkeedii Nabadda ee waxay sidoo kale u dirtay
Ubaxyadii Nabadda iyo Funaanado wata Astaamo nabadeed Koonfurta Soomaaliya si
ay Nabaddu halkaasi u gaarto oo loogu beero Ubaxayadaasi Nabadda wada , iyadoo
ugu dhiibtay Kooxda ELMAN oo Ciyaar saaxiibtinimo la yeelanaysay kooxaha ka
jira Deegaanada Puntland .
Ka dib markii ciyaartii aadka u xiisaha badanayd ee Naadiga ELMAN la yeeshay
Xulka Gobolka Bari taasoo ka dhacday Garoonka Kubadda Cagta ee Boosaaso oo ay
kasoo qeybgaleen kumanaan dad ah , waxaa halkaasi Khudbad ka jeediyey
Gebagebadii Ciyaarta Guddoomiyaha Hay’adda SOFIHA C/raxmaan Yuusuf Budul oo ay
hadalkiisa ka mid ahaayeen erayo farriimo Nabadeed ah wuxuun yiri “ waa kaa
Ubixii Nabadda ,gaarsiiya Koonfurta Dalka , kuna beera halkaas oo waraabiya ,
nagana geeya astaan Nabadeed , una sheega shacabka Soomaaliyeed ee xagaasi ku
dhaqan in SOFIHA billado dahaba ku bixinayso Nabadda , siinaysona cid walba oo
ka shaqaysa Nabadda .
SOFIHA waxay xaqiijisay qeyb weyn oo ka mid ah qorsheheedii u degsanaa ka dib
markii ay aragtay Himiladeedii ahayd in dadka Soomaaliyeed ku faanaan intaasoo
Billad nabadeed ayaan haysanaa , halka ay hore ugu faani jireen anaga reer
hebel ah intaasoo Hub ah ayaan hayasnaa .
Dadbadani waxay isweydiiyaan sida ay Hay’adda SOFIHA ku gaartay caanbaxaasi
intaas le’eg maadaama ay Dalka waqti yar joogtay , waxaana la sheegaa in
hay’addu aanay ka helin deeq bixiyayaasha Dhaqaale Ballaadhan ee ay iyadu
iskeeda si iskaa wax u qabso ah hawshan ku fulisay , waxaana dadku dhalliilaa
Diakonia iyo Live and peace oo iyagu aan marnaba Nabadda wax kaga guulaysan
iyagoo weliba ah kuwo isla Sweden ka hela Dhaqaale faro badan , balse aan Sida
SOFIHA u hindisin inay wax lagu faano usoo hooyaan Hay’adaha Ka diiwaan gashan
Dalkaasi Sweden oo ah Dalka saddexaad ee kaalmada adduunka bixiya .
Hadraawi sidii looga soo dhoweeyey Boosaaso...
Qore: Cawaale Jaamac Salaad
Bosaso, somalia
jamnaf87@hotmail.com
Faafin: SomaliTalk.com | Sept 8, 2003 |
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
Afeef: Aragtida qoraalka waxaa leh
qoraaga ku saxiixan |