Waxaay madaxda Golaha Midnimada Mudullood iyo xubnihiisa dhamaan iyaga oo aad uga mabsuuday sida quruxda badan ee loo soo agaasimay shir ku dhex maray ururo soomaaliyeed ee isku bahaystay gole ay ugu magac dareen golaha samatabixinta Soomaliya kana dhacay degmada Balcad ee gobalka shabeelada dhexe shalay oo taariikhda ahayd 30/09/2003 loona doortay Gudoomiyaha golaha Mudane Muusa Sudi Yalaxow in ay ka digtoonaadaan in golahan maro waddooyinki caadada u ahayd habadhaqanki ururadi sidaa oo kale u abuurmay waddanka Soomaaliya gudihiisa iyo dibadiisa saddex iyo tobanaki sano ee u danbaysay ee waddankeena ku jiray jahwareer siyaasadeed iyo kala danbayn la’aan saamaysay nolasha ummadda Soomaaliyeed guuda ahaan.

Waxay GMM ka digayaan in uunan ururkaan ahaan mid ka saan qaaday dareen dhiifoon ee ku aadan in siyaasada ururada ku bahoobay golaha samatabixinta Soomaaliya arkeen Qatar ku soo fool leh ee wax u dhimo karto jiritaankooda siyaasadeed iyo gacan ku lahaanshaho danbe ee talo goynta arrimaha dalka iyo dadka Soomaaliyeed balsa ay ahaato mid ka ambaqaaday garasho garaad siyaasadeed ee ku soo kordhay ururadan ku bahoobay golahan ee ku aadan xaalada cakiran ee ka jirto waddanka guud ahaan iyo shir walbo oo lagu qabto waddanka dibadiisa in uunan ahayn mid ka tarjumi karo gaarista himilada ay tiigsanayaan ummadda Somaaliyeed oo ah in waddankeena dib ugu soo noqdo sharciga oo lagu dhaqmo iyo kala danbaynti lagu tuntay iyo in shaqsi, koox ,gobal kasto iyo reer kasto gaaraan xuquuqda ay leeyihiin si kalsooni, is xildhowr iyo ixtiraam la is dhaafsado ku jirto.

Waxay GMM siddoo kale baaq u soo jeedinayaan ururada kale ee Somaliyeed ee ku shirsan Dalka Kenya magaalada Nayroobi iyo ururadaan xagana jirin intana aan jiran in aynan abuuritaanka golahan u arkin cadowtooyo looga soo horjeedo iyaga balsa ay u arkaan tilaabo wacan oo horay loo qaaday ee ku aadan samata bixinta ummadda Soomaliyeed abuuri kartana in ay goor dhow timaado shir lagu qabto dalka gudihiisa kana madaxbanaan faragelin shisheeya loogana hadlo ayaatiinka ummadda sidi meel la isula dhiga lahaa guulna looga soo hoyn lahaa.

Mar kale waxaan golaha Samatabixinta Soomaaliyeed u soo jeedinaynaa in ay u dhaqaaqaan kordhinta wacyiga ururada ku bahoobay golahan ,horumarinta golaha dhisma ahaan dhinac walbo leh, doonista iyo ka shaqaynta balaarinta ururada ku bahoobay golahan iyo doonista in ay xiriir la sameeyaan cid kasto oo soomaaliya si ugu danbayn u abuurmo jawi abuuro karo soomaali oo gudaha dalkeeda ku shirto meelna isla dhigto aayatiinka waddankeena iyo dadkiisa.

Waxaan dhamaan ummadda Soomaaliyeed iyagana ugu baaqaynaa in ay golahan garab ku siiyaan tilaabada ay qaadeen si ay u noqoto mid loo dhamaado soona gabagabeyso dhibaato ummaddeena ku dabadheeraatay tan iyo inti reer walbo oo soomaaliyeed ku hamiyay in uu wiilkooda ku fadhiisto kursi ay qabiil ka danbeeyaan ama hogaamiyaha kursigaa ku fadhiisto u dhaqmo nidaam xumadi iyo qabiil ku dhaqanki xukuumadi aan ka gaddoodanay kursigana ka tuurnay ee uu hogaminayay madaxweyne Maxamed Siyaad Bare iyada oo badankeena aynan ku fikirayn in aan booskeedi ku beddelno xukuumad caadil ah oo dadka Soomaaliyeed sinaan,cadaalad iyo wax wada qeybsi ku dhaqdo.

Ugu danbeyn waxaan mar kale golaha Smatabixinta Soomaaliyeed u rajeynaynaa in uunan noqon mid ku tunto rajada ku soo noolaatay inta badan ummadda Somaaliyeed oo ah in laga badbaaday khatar ay gadaal kaga jiraan dalal shisheeyo oo doonayay in uunan waddankan mar kale dib ugu istaagin lugihiisa isaga oo ka maarmo faragalintooda siyaasadeed, dhaqaale iyo milatariba.

Gudoomiyaha ku Meelgaarka GMM

Xoghayaha guud ee Golaha Midnimada Mudulood

Abdallah Moalim Mahamud(siyaasi)

moallem10@hotmail.com

Faafin: SomaliTalk.com | October 2, 2003

Afeef: Aragtida qoraalkan waa mid u gaar ah qoraaga ku saxiixan

.. WARAYSIGII ABDULLAHI NUUR SALXAAN UU SIIYEY SOMALITALK

.. FOGAANTA U DHEXAYSA MAGAALOOYINKA SOOMAALIYA....