Gabaygan waxa tiriyey CabdilCasiis Ibraahin (Garaad-maal), waxanu jawaab u yahay gabaygii Maxamed Xirsi Guuleed ee Layga sugi maayo. Wuxu yidhi:

• 1. Hindistaye hadaan maxamadaw hadalyar kuusheego
• 2. Hotmaaylada warkaad galisay iyo hadal wanaagaaga
• 3. Amba waan ka helay maxamadow haabki maansadaŽe
• 4. Hayeeshee midh aan hiifaybaan ku hor dhigaayaaye
• 5. Hogaankeeda qabo oo abwaan hoosta ka xarriiqo
• 6.
• 7. Hanfad lama amaanee murtida hibo laguu siiye
• 8. Hadh ka roorr ilaah kaama dhigin fule hannaankiiye
• 9. Hidde waad u leedahay dagaal goobta lays helo e
• 10. Habrashada dadkii lagu yiqiin hayb lamaad galine
• 11. Ninse habari keentaba marbuu eray ka hoosaaye
• 12. Hilinkale ayaa uu bixiyo meel hawaawiya e
• 13. Hadaanse hagar laŽaan kuugu taxo hadallo taariikhle
• 14. Habsamaw rasuulkii markay aafo halakaysay
• 15. Hooygii ilaah laga diriyo Xaramka heelkiisa
• 16. Markii uu hijrada uugu baxay hayjaddiyo oonka
• 17. Meel ay hurgumo tallo iyo cuduro haaraaman
• 18. Markii uu hayaankii ku tagay hurimadii Daaba
• 19. Hujuunkii kadhacay ceelka Badar hiirta lagu reebay
• 20. Abu jahal halkii lagu diliyo hanadadiisii badh
• 21. Uxudii qilaaf lagu huq yidhi cadawgu heesaayay
• 22. Xamse eebadii lala helaan wali higoodaaye
• 23. Adna waad halmaamtaye adeer hoos u dhugo baydka
• 24.
• 25. Hirdamadan dhacaayee wakhtiga uunka halakeeyay
• 26. Baaruud hulcaysiyo rasaas haqab laŽaan buuxda
• 27. Madfac hawyidhaahdiyo jantiyo hoobiyiyo suuga
• 28. Kuwan samada haadiyo gantaal laga ho rgaynaayo
• 29. Kuwa badaha huursane Kuruus halisa soo tuura
• 30. Hootiyo gamuun laba afliyo waran haliilaaya
• 31. Inta weerar laynagu hayee huluc i waysaaqay
• 32. Inta habar gabawdiyo la dilay hooyo iyo aabo
• 33. Jeeroo nafloo huro inay tani hagaagayso
• 34. Oo hadhac qabaw lagu gamŽoo samo lahayruufo
• 35. Hami gaabka mooyee ninragi haabka muu galine
• 36. Adna waad halmaamtaye adeer hoos u dhugo baydka
• 37.
• 38. Haddaad hibatay goor ay askari taabka kugu haysay
• 39. Hanjabaad ku gaadhiyo jabkii idin hareereeyey
• 40. Imikaba hogaan buu sitaa hororki shaydaane
• 41. Hataq iyo god uu kugu riduu hooska qodayaaye
• 42. Hufaneey caqiidada inuu heerabuu rabiye
• 43. Huubiyo qadhaadhbuu la yahay haadka toosaniye
• 44. Adiguna hurdaad damacsantiyo hooy Cadiir badane
• 45. Hamigiinu wuu kala durkoo laba hir weeyaane
• 46. Had maad gacanta hoogaa misood hoos u soo noqotay?
• 47. Hadmaad tidhi inaan heero cadaw layga helimaayo ?
• 48. Hadmaad tidhi hagaag muu ahayn weerarkaan hidiyey?
• 49. Habar habar markay joogsatiyo hababka deegaanka
• 50. Ama hala la qaadiyo anaa maali jiray heego
• 51. Amba kuma hamoodeen inaan heegankeed gala e
• 52. Hayee shee halkaad gaysay buu hadalku joogaa e
• 53. Ha habaabin weedhaha, ilaah hadimo kaa dhawrye

  I  I  D  H  E  H

  GUJI HALKAN.......

   GABAYGAN KALA XIRIIR: abdibashir@hotmail.com