Roobkii Dayrta oo la waayay.

Roobkii Dayrta ee di, i jiray inta u dhaxaysa bilaha oktober iyo desember ayaa laga waayay gobollo badan oo Ogadenya ka mid ah, waxaana laga cabsi qabaa in gobolladaas ay macaluul ba, ani ka dhacdo, sidaas waxaa war-saxaafadeed ku sheegtay hay, adda Badbaadada Carruurta ee The Save Children UK.

Roobka Dayrta, oo lagu waday inuu billowdo bishii oktober, ayaan gobollo badan ilaa iyo hadda ka curanin, taasoo ka dhigan in dhibaatooyin waawayni ay gobolladaas ku soo fool-leeyihiin.

Meelaha ay dhibaatadu ku sii badan tahay waxay yihiin gobollada koonfureed ee Ogadenya, oo ay ku jirto Godey, waana gobolladii uu dhaawac xun ka soo gaadhay aabrihii 2000. Haddii aan toddobaadyada soo socda roob ka di, ina waxaa laga cabsanayaa inay ka dhacdo mid la mid ah dhibaatadii 2000 Ogadenya ka dhacday.

Roobka Dayrtu wuxuuna ka di, in toddoba ka mid ah sagaalka gobol ee Ogadenya ka kooban yahay, taasoo ka dhigan in dhibaato aan la qiyaasi karin ay la soo gudboonaan doonto dadwaynaha iyo xoolahaba haddii uu Jiilaalku u soo galo, iyadoon roobkii Dayrta la helin.

Sida ay warbixintu sheegtay roobka Dayrtu wuxuu ugu roon yahay dhinaca Jigjiga. Meelaha ugu darana waxaa ka mid ah gobolka Shinniile.

Hay, adda Badbaadada Carruurta ayaa sheegtay inay hadda quudiso dad ay tiradoodu gaadhayso 330.000 oo qof.

Abaarihii Ogadenya ka dhacay sannadihii 1999-2000 waxaa ku naf-waayay dad gaadhaya 100.000 oo qof, sida ay sheegtay Hay, adda Badbaadada Carruurta ee UK.

Caawimooyin xad-dhaaf ah ayaa Itoobiya lagu siiyaa abaaraha ka dhaca gobollada kala duwan ee hoos yimaadda, hase yeeshee caawimooyinkaasi ma gaadhaan dadkii loogu talagalay, taasoo keentay in dalalka deeq bixiyayaasha ah intooda badani ay ka caga-jiidayaan taageerada Itoobiya.

Hay, ada hawlaha bani, aadamnimada u qaabilsan dalka Maryaknka ee USAID ayaa dhawaan xukuumadda Itoobiya ka codsatay inay qaabkeeda maamul dib u-habayn ku samayso, si ay suuragal u noqoto in si wanaagsan loo maamulo kaalmooyinka la siiyo oo la gaadhsiiyo dadka tabaalaysan.

Jaamacada Baaxir daar oo laxidhay

Sida aanu ka soo xiganay wakaalada wararka Ogaadeenya ciidammada nabadsugida ee xukuumadda Meles Zenawi ay albaabada u xidhay jamaacadii ku taallay magaalda Baxardaar.

Jaamacadda Baxir-dara waxaa la xidhay, ka dib markii ay aradaydu isu diyaariyeen mudaharaad ay kaga soo horjeedeen qorshe ay dawlada EPRDFtu hirgelinayso iyo nolol xumida ay ardaydu ku jirto.

Ciidamada nabadsugida ee EPRDF ayaa u daatay xaruntii Jaamacadda, si ay uga hortegaan in ardaydu ay is-uruursadaan, taasoo keentay in ardaydii jaamacadduna ay xarunta jaamacadda ka cararaan oo ay ku xaroodaan kaniisad magaalada ku taalla, si ay uga badbaadaan jidhdil loo gaysto ama in xabsiga loo taxaabo.

Xukuumadda Meles Zenawi waxay argayda u argataa cadow xoog badan oo ka soo horjeeda, sidaas darteed waxay had iyo gore kula kacdaa falal bani, aadamnimada ka baxsan, sida jidhdil, xabsi, dil iyo xadgudubyo kale oo xaquuqal insaanka ka dhan ah.

Waxana la wada ogsoon yahay in 40 arday ay dawlada Wayaanuhu ku dishay bishii April ee sannadkii 2001 Jaamacadda Addis Ababa, oo iyaduna xidhnayd muddo sannad ka badan, ka dibna la furay iyada oo nabadgelyadeeda aad loo adkeeyay.

Dhinaca kale ugu yaraan 2400 oo arday ayaa iyagun bannaanbax ku sameeyay ka soo horjeedka wasaarada waxbarashada ee xukuumadda Itoobiya, kuwaasoo loo waayay fasallo ay wax ku bartaan iyo hooy ay seedaanba labadaba, waxaana bannaanbaxaas qasab ku kala kexeeyay ciidammada nabadsugidda ee Meles Zenawi, oo xabisga u taxaabay 7 ka mid ah ardaydii bannaanbaxaysay.

Shir wayn oo ay Jaaliyada Eritriya ee ku nool magaalda Minnesota ee carriga Maraykanku ay yesheen bishan toddobaadkii hore ayaa aad looga dhaleeceeyay dawlada Wayaanaha oo la sheegay inay rabto inay rayul caalamaka khaldo oo ay majaro habaabiyaan taariikhda wadanka Eritriya.

Shirkan waxaa soo qaban qabanqaabiyay laba nin oo ah hogaamiyayaasha dadka Eritriyaanka ah ee dhalashada Maryknaka haysta, oo la kala yidhaahdo Dr Braket iyo Mr. Dawit.

Labadan nin waxaay ka mid yihiin dadkii aadka ugu soo halgamay wadanka Eritriya markii uu xornimadiisa u dagaallamayay, waxayna halkaas ka jeediyeen warbixin ku saabsan mushikilka ka taagan xuduuda Itoobiya iyo Eritiye.

Warbixintaas, oo socotay muddo sadex saac ka badan, waxay ku saabsanayd eshiiskii Algers iyo go, aankii uu soo saraay guddiga soohdinta ee Ethio-Eritre.

Shirkaasuna waxa lagau soo gabagabeeyay baaq ay soo saartay Jaaliyada Minnesota ee Eritriya, kaasoo ah:

1. Inayna marab aqbalaynin fikrada kooxda budhcadda ah ee wayaanha oo ay taageerayaan shaciyada calaamiga ah iyo go’aanka ka soo baxay guddida soohdinta ee Ethio-Eritre.

2. Waxay shirkaas ugu mahad naqeen dawlada Eritriyaa, taasoo si fiican u difaacday qaranimada wadanka Eritriya.

3. Waxa kale oo ay isku raaceen in u qof waliba maaliin kasta u ugu deeqo 1 Dollar agoontii ay waalidiintood ay ku geeriyootay dagaalkii wadanka Eritriya lagaga xorayanayay gumaysiga Abasiniya.

Sida aanu ka soo xiganay shabakada Internetka ee Qoraxay Online Xog-hayaha guud ee Q/Midoobay ayaa gaarsiiyay Golaha Ammaanka in uu doonayo xil kordhin loo sameeyo ergeygiisa gaarlka ah ee u qaabilsan arrimaha Soomaaliya Winston Tubman.

Warqad uu u diray Golaha Ammaanka ayuu Kofi Annan ku sheegay in ilaa iyo dhamaadka 2004-ta Winston Tubman uu siihayo jagadiisa isagoo sheegay inuu kaalin weyn ka qaatay intii la magacaabay Tubman gacan siinta dib u heshiisiinta Soomaalida isagoo xiriiro la sameynaya kooxaha kala duwan ee Soomaaliyeed iyo dhinacyada ay arrinta Soomaaliya quseyso.

Ergeyga xog-hayaha guud ee Q/Midoobay u qaabisan Soomaaliya dalka Laybeeriya oo laf ahaanteeda dagaalo sokeeye ka jiraan ayaa isaguna gacan siiyay dadaalka IGAD dadaalka ay ugu jirto dib u heshiisiinta Soomaalida, waxaa la filayaa in ay ogolaadaan Golaha Ammaanka mudo kordhinta xilka Winston Tubman.

Golaha Ammaanka ee Q/Midoobay ayaa bishan ka doodaya isla markaana go'aan ka soo saaraya xaalado ka jira Qaarada Afrika oo horyaala Golaha, iyadoo uu bishaan gudoomiye u yahay golaha safiiirka Angola Imael AbraaoGaspar Martins.

Qaarada Afrika ayaa howlaha bishaan ee Golaha Ammaanka ugu badan waxyaabaha uu ka hadlayo inkastoo aysan ka marneyn Barriga dhexe iyo Afganistaan, wuxuu safiirka Angola sheegay in uu goluhu ka doodi doono xalaada Soomaaliya, Koongada dimuquraatiga ah Afrikada dhexe, Laybeeriya iyo Cote d'lvoire(Ivory Cost), wuxuu kaloo goluhu ka hadli doonaa xaalada Itoobiya iyo Ereteriya.

Xaalada Soomaaliya ayaa go'aano laga soo saari doonaa, kuwaas oo khuseen doona shirka Kenya ka socdo kooxaha Soomaaliyeed, xaalda hubka ku soo qulqulaya Soomaaliya iyo wakiilda Soomaaliya u jooga qaramada midoobay oo dib loofiirin doono.

C/Nuur Sh. Mohamed

raadioxoriyo@yahoo.com
radioxoriyo@ogaden.com 

Radio Xoriyo waxaad ka dhegaysan kartaa Mawjadda 19 MB ee dhererkeedu yahay 15670 KHZ, Maalmaha Talaadada iyo Jimcaha! 7: 30PM waqtiga Afrikada Bari

Copyright & Islaamku wuxuu ka qabo.... Akhri

 .... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com

Dhegeyso warkan oo Cod ah

 ...HALKAN KA BAAR WARARKII HORE EE XORIYO

....KAYDKA WARARKA RADIO XORIYO - NEWS ARCHIVE  

AFEEF: Afkaarta qoraalkaan waxaa leh gaarna ay u tahay Radio Xoriyo, kana tarjumimaayo aragtida SomaliTalk  

 
MAHURAAN: Waa buug dhowaan soo baxay GUJI...

XAAFID QUR'AAN Cabdul Fataax waa xaafid qur'aan Somali ah oo wacdaro muujiyey GUJI

BILICDA SOMALIYA
Luuq Ganaane, 1987
Waa wiil yar oo Somaliyed oo nayl yar dhabta kuwata xilli nabadana dhex jooga Bilicda dhulka Soomaaliya. Akhri