Dagaalo dhex maray Ciidanka Wadaniga Xoraynta Ogaadeenya iyo Ciidanka Gumaysiga Itoobiya.

Sida uu noo soo tabiyay wariyaha Radio Xoriyo ee ku sugan magaalada Nusdariiqa Maxamed Cabdi Nuur, waxuu dagaal ba,an ku dhexmaray badhtamihii Bishan aynu ku jiro ee Oktoobar Meeygaago oo aan sidaas uga fogayn Nusdariiqa Ciidamada dagaalyahamiinta Xoreeynta Ogaadeenya iyo ciidamada gumaysiga Itoobiya.

Dagaalkaas oo laysu adeegsaday noocyada hubka darandooriga u dhaca ee kala duwan ayaa waxaa ciidamada dulmiga waheshada ee gumaysiga Itoobiya lagaga dilay 10 Askari oo ay ku jireen Labo sargaal oo mid ka mid ah lagu magacaabi jiray Captan AYALE, oo ka mid ahaa saraakiisha ku can baxday dhibaatada ay dad weynaha u geystaan iyo waliba Labaxidigle kale oo aanan magaciisa helin waxaana halkaas lagaga dhaawacay 21 Askari oo kale.

Isla xiligaas dagaal ku dhex maray ciidamada Xoreeynta Ogadenya iyo ciidamada cadawga Itoobiya Karin-Cagaag oo u dhaw magaalada Goday waxaa Ciidamada cadawga Itoobiya lagaga adilay 3 Askari tiro kale oo aan lasoo xaqiijina waa lagaga dhawcay.

Sidoo kale Garoonka oo ka tirsan gobolka doolo dagaal ku dhexmaray ciidamada Itoobiya iyo ciidamada Jabhada wadaniga Xoreeynta Ogaadeenya ayaa waxaa ciidamada wayaanaha lagag dilay 4 Askari waxaana lagaga dhaawacay 7 Askari oo kale.

19/10/03 iska hor imaad dagaal oo ku dhex maray ciidamada dagaalyahaniinta Xoraynata Ogaadeenya iyo ciidamada cagajiidka Itoobiya meesha lagu magacaabo Jiiq waxaa ciidamada gumaysiga lagaga dilay 5 Askari waxaana laga dhaawacay 6 Askari oo kale.

Sida oo kale dagaal labada dhinac ku dhex maray Qorati oo ka tirsan Dagmada Ararso waxaa ciidamada gumaysiga lagaga dilay 1 Askari.

20/10/03 dagaal ay ku qaadeen dagaalyahamiinta wadaniga xoreeynta ogaadeenya ciidamo Itoobiyaan ah oo Laandheer ku sugnaa ayay kaga dileen 2 Askari waxayna kaga dhaawaceen 3 Askari oo kale.

Sida oo kale dagaal mir ah oo ay ciidamada xoreeynta Ogaadeenya ku qaadeen Xerada ciidanka gumaysiga Itoobiya ee dagmada Awaare ayaa waxay kaga dileen 2 Askari waxayna kaga dhaawaceen 5 Askari oo kale.

21/10/03, dagaal ku dhexmaray tuulada Gabagabo Labada dhinac ee Ciidamada Xoreeynta Ogaadeenya iyo ciidamada gumaysiga Itoobiya ayaa ciidamada gumaysiga lagaga dilay 3 Askari waxana lagaga dhaawacay 4 Askari oo kale.

26.10.03 dagaal dhabagal ah oo ay dagaalyahamiinta xoreeynta Ogaadeenya ku qaadeen ciidamo Itoobiyaan ah oo marayay Miir Xagaaf oo u dhaw magaalada Qoriile ee gobolka doolo ayaa waxaa ciidamada doolka ku jooga Ogaadeenya lagaga dilay 3 Askari tiro kale oo aan la xaqiijina waa lagag dhaawacay.

Dagaalada ay Ciidamada wadaniga Xoreeynta Ogaadenya ku hayaan ciidamada gumaysiga Itoobiya ayaa dhaawac culus oo khalkhal iyo jaha wareer ku abuuray u gaystay ciidamada xaqdarada iyo cadaadiska ku caanbaxay ee Itoobiya

Sida aanu ka soo xiganay wakaalda waraka Ogaadeenya Warbixin ku saabsan daraasaad lagu sameeyay geeddi socodka dawlada Itoobiya 12kii sano ee ugu danbeeyay, oo uu soo diyaariyay Macadka Iklingdhal oo ku yaalla wadanka Holland, ayaa si wayn loogaga hadlay dimuqraadiyada, xuquuqul insaanka, doorashooyinka iyo saxaafadda xorta ah ee Itoobiya.

Warbixintani waxay caddaysay in dawlada ka tilisa dalka Itoobiya ayna waxba kaga duwanayn xukuumadihii hore ee Xayle Salasi iyo Migistu Xayle Maryam, marka la eego dhinaca doorashooyinka. Sababatoo ah xukuumadihii Xayle Salase iyo Mingistu waxay sheegi jireen inay doorashooyinka la qabto 99% ku guulaysteen, xisbiga hadda Itoobiya ka taliyana wuxuu sheegaa inuu doorashooyinka 95% ku guulaysto.

Dhinaca xaquuqul insaanka waxay warbixintu ku tilmaantay heerka uu maraayo mid aan loo dul-qaadan karin. Dhinca saxafada xorta ah marka la fiiriyo warbixintu waxay sheegtay in xukuumada EPRDF ay oggolaansho saxaafadeed siisayay markii ay wadanka qabsatay 182 Jaraa,id oo todobaadle ah iyo 543 wargays oo maalin le,ah, waxaana hadda ka soo hadhay oo kaliya 19 Magazine iyo 74 wargays, taasoo macneheedu yahay in xukuumada EPRDF ay cadaadis wayn saaratay dhinaca saxaafada xorta ah.

Warbixintu waxay kaloo intaa ku dartay in aqoonyaniinta Itoobiya ay dawladaha reer galbeedka ah ee Itoobiya caawiya ka codsadeen inay ka fiirsadaan oo waliba u dhabba-galaan in dhaqaalaha ay bixiyaan aan loo adeegsanin dagaal lagu qaado dalalka dariska ah iyo cabudhinta dadka ka soo horjeeda xisbiga wadanka ka taliya.

Wargayska Reporter ayaa qoray bishan Okt, 28dii in sharikadaha ganacsiga ee u ururka TPLF uu leeyay lagu yeeshay lacag dayn ah oo gaadhaysa ilaa iyo 1 Bilyan oo Birr. Lacagta dulsaarka ah ee lagu leeyahay ayaa iyaduna gaadhays 170 Malyun oo Birr.

Baniga Dhexe ayaa gudoomiyaha sharkada EFRT Sibahat Nega ka codsaday in sharikadu ay lacagtaas si degdeg ah isga bixiso, haddii kale maxkamada lagu dacwaynayo.

Sharikadaha uu ururka TPLF la wareegay markii ay dawladii Dhergigu dhacaday waxaa ka mid ahaa Mesfin Engineering Construction, Rugta ganacsiga ee Gunau, Warshada Daawooyinka ee ADDIS, Warshada Sibidhka , Warshada Dharka iyo Wakaalda Gaadiidka ee Itoobiya, waxayna sharikadahaasi dalka soo gelin jireen faa’iidooyin badan oo kala duwan intii uuna ururka TPLF la wareegin.

Wariyaha magaalda Addis Ababa u jooga Wakaalada Wararka Ogadniya ayaa sheegaya in madaxwaynaha Ururka Wariyayaasha Itoobiya Kifle Mulat uu shir jaraa’id qabtay, kaasoo uu ku sheegay in dawlada Itoobiya xabsiga dhigtay suxufiyiin ay tiradoodu gaadhayso 127, wuxuu kaloo sheegay in dalka ay ka baxsadeen in ka badan 35 suxufi. Shirkan jaraa’id oo ay ka soo qayb galeen suxufiyiin caalami ah wuxuu Kifle Mulat intaas raaciyay in suxufiyiinta dalka ka baxsaday iyagana ciqaab kulul la marin lahaa haddii ay dalka sii joogi lahaayeen.

Xukuumada Meles Zenawi waxay ku caan baxday cabudhinta saxaafadda, waxaana si wayn loo ciqaabaa suxufiyiinta sida xorta ah wax u qora ee falanaqeeya siyaasada xukuumada.

sida aanu ka soo xiganay WWO waxa cirka isku shareeray qiimaha sonkorta ee magaalda Adis Ababa, kadib markii ay dawladawayaanahu xadkii Ogadaniya iyo Somaliya u dhaxeeyay. Qiimaha sonkorta waxaa circa kusii shareeray kadib markii ay xukuumada A.A. ay shati gaar ah usiisay shaqsiyaad gacan saar laleh dowlada TPLF kaganac siga sonkorta Itobiya, kuwaasoo kuguul daraystay in ay daboolaan baahida dadwaynaha.

Wararku waxay intaa ku darayaan in qiimaha sonkorta hadda kohor u ahaa 4 Birr halkii kilo meesha uu hada kayahay 12 Birr kiiladii, taas oo micnaheedu yahay in uu qiimaha sonkortu kordhay 300%,arintan oo ay dadwaynaha ku nool magaalda A.A ay aad ula yaabeeb.

Waxaana lawada Ogsoonyahay in ay dawlada wayaanhu uu musuqmaasuqu meel walba ka galay oo ay rabaan in xataa askartooda caadiga ahi ay mudo yar gudahood ku taajiraan oo ay hantida dad wayaha dhacaan iyaga oon wax dhib ah u soo marin.

Jeexidda xadka Itoobiya iyo Eritereya oo dib loo dhigay.

Calaamadaynta xadka dheer ee u dhexeeya Eritereya iyo Itoobiya aya la sheegay inayna sidii qorshuhu ahaa u dhici doonin, sidaas waxaan jamcihii soo dhaafay kasoo xigtay Qaramada Midoobey. Calaamadaynta xadka Itoobiya iyo Eritereya, oo hadda ka hor laba mar dib loo dhigay, ayaa haddana dib uga dhacday bishan oktober oo la rabay in la dhammeeyo, hase yeeshee Ergada Qaramada Midoobey u qaabilsan xallinta khilaafka xuduudda ee Itoobiya iyo Eritereya u dhexeeya ma ayna sheegin xilliga xadka la calaamadayn doono.

Wakiilka gaarka ah ee Ergada Joseph Legwail, ahna madaxa ciidamada Qaramada Midoobey ee nabad ilaalinta u jooga Itoobiya iyo Eritereya ayaa hadda ka hor sheegay inayna suuragal ahayn in bishan la calaamadeeyo xadka labadan dal kala qaybiya. Haddana waxaa jamcihii dib u dhiciddan sugay afhayeen Ergada u hadlay.

Itoobiya ayaa ku gacan saydhay go’aankii ka soo baxay Ergada Qaramada Midoobey ay u xilsaartay xallinta khilaafka xuduudeed ee Itoobiya iyo Eritereya, waxayna go’aanka Ergada diidday, ka dib markii magaalada Bademe la siiyay dalka Eritereya.

Dhoodi Danwaa
raadioxoriyo@yahoo.com
radioxoriyo@ogaden.com 

Radio Xoriyo waxaad ka dhegaysan kartaa Mawjadda 19 MB ee dhererkeedu yahay 15670 KHZ, Maalmaha Talaadada iyo Jimcaha! 7: 30PM waqtiga Afrikada Bari

Copyright & Islaamku wuxuu ka qabo.... Akhri

 .... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com

Dhegeyso warkan oo Cod ah

 ...HALKAN KA BAAR WARARKII HORE EE XORIYO

....KAYDKA WARARKA RADIO XORIYO - NEWS ARCHIVE  

AFEEF: Afkaarta qoraalkaan waxaa leh gaarna ay u tahay Radio Xoriyo, kana tarjumimaayo aragtida SomaliTalk  

 
MAHURAAN: Waa buug dhowaan soo baxay GUJI...

XAAFID QUR'AAN Cabdul Fataax waa xaafid qur'aan Somali ah oo wacdaro muujiyey GUJI

BILICDA SOMALIYA
Luuq Ganaane, 1987
Waa wiil yar oo Somaliyed oo nayl yar dhabta kuwata xilli nabadana dhex jooga Bilicda dhulka Soomaaliya. Akhri