ISTANBUL: Waxaa qaraxweyn lala beegsaday Qunsuliyadda ingiriiska ee magaalada Istanbul iyo weliba Bangiga HSBC, dhimashada labada qarax ayaa la sheegaya inay kor u dhaafayso 25 qof, halka dhaawaca inta tiradooda la hayo ay gaadhays 390, qof, waxaa keliya uun ka soo wareegay muddo afar cisho ah markii laba qarax oo noocani oo kale ah lala beegsaday laba kiniisadood oo ay lahaayeen dadka Yuhuuda ah ee ku sugan magaalada Istanbul, Saraakiisha turkiga ee ku sugan magaalada Istanbul ayaa xaqiijiyey in Qunsulkii u fadhiyey waddanka Britain magaalada Istanbul uu ku jiro dad badan oo lalaayahay ka dib qaraxa dhacay, oo la sheegayo in labadan qaraxba ay ka danbeeyen naftooda hurayaal isku soo xidhay gawaadhi ay ka buuxan waxyaabo qarxa, dad goobjogayaal ahaa oo arkaayey labadan goobood ee qaraxu ka dhacay ayaa sheegaya in ay arkayeen gawaadhi xawaare sare ku socda oo duqeeyey gaydhadhka qunsuliyadda ingiriiska iyo weliba bangiga HSBC.