I
SLAMABAD: Saraakiil ka socda Wasaaradda Arrimaha Dibadda ee
waddanka Ciraaq, ee dhawaan la magacaabay ayaa soo gaadhay waddanka Pakistan,
iyada oo dawladda Pakistan u fidin doonta Deeq waxbarasho oo la xidhiidha
Hawlaha Diblomasinimada, Machadka u qaabilsan Adeegidda Arrimaha Dibadda ee
waddankan Pakistan (Pakistan Foreign Service Academy institute), ayaa bixin
doona casharada, waa Xubnahii ugu horeeyey uguna tirada badna ee ka yimaadda
waddanka Ciraaq ee ku qaata waddankani Pakistan deeq waxbarasho oo sidani oo
kale ah kadib markii laga tuuray xukunka Madaxweynahii hore ee Ciraaq Saddam
Xuseen lix bilood ka hor, Codsiga deeqdan waxbarasho waxaa dawladda Pakistan
usoo gudbiyey Golaha dhawaan la magacaabay ee ciraaq ka taliya, waxaanu ku
yimid dedaal ay u galeen saraakiisha maraykanka ah ee ku sugan waddanka ciraaq.
Ka dib markii taalladii Saddam Xuseen lagu soo riday waddanka ciraaq,
Safaaradda Ciraaq ku lahayd Islamabad, waxay isku bedeshay xafiis
diblomasiyadeed, waxaana maamulka safaaradda si ku meel gaadh ah loogu dhiibay
ninkii isagu ahaa Safiir ku xigeenka, si kasta ha ahaate, barnaamijkan
waxbarasho ee dawladda pakistan ugu deeqayso kooxdan diblomasiyiinta ah ayaa
wuxuu iskugu jiri doona maaraynta Dhaqaalaha Caalamiga ah, (International
Economics management) Siyaasadda iyo xidhiidhka caalamiga ah,(Political and
international relations) Shuruucda Caalamiga ah (International Law) iyo
barashada ururada Caalamiga ah ( International Organizations), wuxuuna socon
doona muddo laba bilood ku siman, kooxdan waxaa safaro kala duduwan loo gayn
doona magaalooyin ka tirsan waddanka Pakistan, sida Xarunta Ganacsiga ee
Karachi, Lahore, Rawalpindi, Multan, Faisalabad, iyo magaalooyin kale.
RA'ISAL WASAARAHA MALESIA MAHATIR
MOHAMED OO HAWLGAB GALAY
Kulalumpur:- Boqorka Waddanka Malesia
Sirajuddin Putra Jamalullail ayaa u dhaariyey Cabdilaahi Badawi inuu noqdo
Ra,isal Wasaaraha Waddanka Malesia, Qasriga Madaxtooyada iyo warfaafinta ee
Magaalo Madaxda Kulalumpur, Awoodda uu mahatir Mohamed wareejinayo ka dib 22
sanno oo uu xukunka hayey waa mid aad iyo aad ugu muhiim ah bulshada Malesia
waayo 40%, dadka reer Malesia may dhalinin ama dunidaba may joogin markii
Mahatir uu xukunka la wareegay,
Mahatir Mohamed wuxuu xukunka waddanka Malesia hayey Nus ka dib intii ay
xornimada heshay waddanka Malesia, isaga oo ah hogaamiyayaasha ugu xukunka
dheera qaaradda Asia waxaa lagu xasuusan doona sidii uu malesia uga soo qaaday
dhulka una gaadhsiiyey dhaqalaheeda meesha ugu saraysa, waxaa kale oo Mahatir
si weyn loogu xasuusan doona Sida geesinimada leh ee aanu uga gaban inuu
yidhaahdo hadalada Maankiisa ku jira, wuxuu ahaa nin codkar ah oo aan la gabban
wuxuu ! is bido, isaga oo mar walba ka difaaca reer galbeedka dimuqradiyadooda,
gashaankana u adkeeya xukunkiisa waddanka malesia, Isaga oo xidhna Dhar Tunik
madow, iyo weliba dharka dhaqanka ee waddanka Malesia, wuxuu Ra,isal Wasaaraha
Cusub Mudane Cabdilaahi Badawi ballan qaaday inuu xukunka uu la wareegay si
fiican u gudan doono, Wariyayaasha ku sugan Magaalo Madaxda Kualalumpur ayaa
sheegaya in Bulshada Reer Malesia si kala duwan u turjumayaan Hawlgabnimada
Mahatir Mohamed, Qaarkood ayaa sheegaya inuu ahaa Geesi aan gabban malesia na u
horseeday barwaaqo iyo horumar, qaar ayaa leh wuxuu ahaa nin aan la isku
hallayn karayn iyaga oo farta ku fiiqaya Mu,maraadkii u u sameeyey Ra,isal
Wasaare Ku xigeenkiisi hore Anwar Ibrahim, qaarkoodna aabay ka aamuseen.
si kasta ha ahaate muddo hadda laga joogo dhawr todobaad markii u ka socday
shirkii dunida Islaamku Magaalada Kulalumpur ayaa wuxuu Mahatir Maxamed ka
jeediyey qudbad halkaasi ku sheegay in "Yuhuudu ay ahayd 12 milyan oo qof "
Mahatir wuxuu yidhi "6 Milyan waxaa xasuuqay reer Yurup" lixdii ! milyan e e
kale ee soo hadhay ayaa hadda waxay isticmaalayaan qaar kale inay dhiigooga iyo
maskaxdooda u daadiyaan loona adeegsanaya sidii islaamka cadow looga dhigi
lahaa" Hadalka Mahatir oo siyaabo badan loo fasilay wuxuu cadho weyn ku abuuray
guriga cad ee maraykanka oo Mahatir ka codsaday inuu raali gelin hadalkaa ka
bixyo iyo weliba dawlado badan oo reer yurub ah sida dawladda Germany,
Si kastaba ha ahaatee wuxuu Mahatir oo la weydiiyey siduu u arko xukunkan uu
ka degayo ka dib 22 sanno wuxuu yidhi "Maalintaydii waan qaatay, waa markii
siyaasiyiinta Reer Malesia ay iyaguna awooda qaban lahaayeen,", %60 dadka reer
malesia waa dadka asalkoogu iska leh waddanka ee la yidhaahdo Malayga, %40 ka
kalana waa chinese iyo hindi, usoo haajirtay dhulka. si kasta ha ahaate waxaa
bilawday hadda malesia saaxad cusub oo siyaasadeed iyo hogaamiye cusub, waxaa
la eegaba waa siduu uu mareeyo xukunka waddanka Malesia.
MOHAMED ABDI HASSAN (DIRIDHABA)
KARACHI, PAKISTAN.
diridhaba2001@hotmail.com
Afeef: Aragtida qoraalkan waxaa leh qoraaga ku saxiixan
Faafin: SomaliTalk.com | Nov 1, 2003
QORAALADII HORE EE DIRIDHABA