|
Edna oo Puntland eedaysay siduu kornaylku u eedeeyey
 Cabdulwaaxid Khaliif
cabdulwaxid@hotmail.com
Ilaah baa mahadleh. Nabedgelyo iyo naxariis
Nabi Muxamed korkiisa ha ahaato.
Markii uu Nabigu (SCW)
Makkah furanayey ayaa la waydiiyey daarta uu Makka ka degi doono. Nabugu (SCW)
wuxuu yiri oo Caqiil ma nooga tagay daar? Micnaha Caqiil Binuu Abii Daalib
oo markaas gaal ahaa ayaa iibsaday daarihii ilmo C/Mudhalibkii muslimka ahaa
ee hijrooday.
Marka kornaylku ma uga
tagay Puntland ammaan iyo sharaf toona? Haddii isagii oo Puntland xukuma uu
BBC ka yiri Galdogob iyo Bacaadweyn oo Mudug ah waxaa godod ku leh
argagixiso sidoo kalana Shimbiraale ku sheegay meel aragagixiso. Warbaahinta
iyo afhayeenada kornaylku maxay arrintaas ka dhaheen? Inkastoo Edna iyadun
markeeda Puntland eedaysay iyadoo qiratay inaysan wax caddayn ah hayn, maxaa
iyada gooni looga rabaa?
Xabaal-qodayaal (qab-qablayaal)
iyo umulisooyin kee ku habboon inay wasiirro noqdaan? Dad baa ku caaya inay
umuliso ahayd. Anigu ma aqaan shahaado ay haysato laakiin sida mucaaradkeedu
sheegayaan waxaad mooddaa inay dhigeen booska kalkaalisada (nurse). Haweenay
umuliso ah ayaa ka shaqo fiican qab-qablayaasha usoo tagaan inay dad dilaan.
Umuliso wax bay caawisaa oo waxay isku daydaa haddii Ilaah la garab-galo
inay hooyo iyo ilmo kala badbaadiso marka waa qof usoo taagan caawimaad
halka dagaal-oogayaashu ay usoo taagan yihiin dil iyo burburin.
Waxaa jiray heshiiskii
Xudaybiya in Abuu Jandal (RC) oo ka soo fekaday Quraysh oo soo gaaray halkii
heshiiska. Markaas waxaa Quraysh u saxiixayey heshiiska aabbihiis oo markaas
mushrik ahaa. Odaygii wuxuu codsaday in heshiiska laga bilaabo in wiilkiisa
Makkah loo cesho. Marka Cumar Binu Khidaab (RC) baa isku deyey in Abuu
Jandal uu aabbihiis dilo isagoo seeftiisa ku soo dhowaynaya Abuu Jandal
laakiin Abuu Jandal ma fahmin taas ilayn hadduu aabbihiis dilo cidna mag uma
haysateen, labana isma waydiiseene. Cumar (RC) waxaa laga sheegaa inuu yiri
“danna Rajulu bi abiihi” oo ah ninku wuxuu ku bakhaylay aabbihiis. Marka
hadday Edna u turtay qoladeedii oo ay eeddii dusha ka saarto dad awal uu
hogaamiyahoodu horay u eedeeyey maxaa laga rabaa? Marka Puntland waxay
halaq-mareen u noqotay qab-qablayaasha waa sida Soomaalidu u dhahaan wixii
xunba xaawaa leh.
Maxaa Somaliland ka
hortaagnaa inay isku dayaan inay goosasho ka hadlaan ka hor 1998? Arrinta
ugu wayn waxay ahayd uma furnayn inay dhahaan Koonfur nabadgelyo ma leh
ilayn Puntland baa markaas ka nabad badnayde. Laakiin kadib doorashadii
kornaylka khaasatan markuu xoogga ku qabsaday Puntland waxay noqotay meel
Xamar ku siqaysa. Waa arrintaas waxaan u lahaa Puntlandeey ninkaan is-dhaafsha
oo bilaha ka harsan waqtigay qoondaysteen u sii dhiiba Maxamed Cabdi Xaashi
laakiin wali jawaab ma leh.
Marka is-bahaysiguu
sameeyey ka sokoow waakaas shirkii Nairobi ciidda lala galay. Waakaas uu C/Qaasim
ka dhigay madaxweyne. Marka waxaan sugnaa waa Puntland oo Xamar ku siqaysa.
Marka Edna u diiday qoladii inay eedda dusha ka saarto.
Seddex waxyaaloodba
eedaynta Edna waa ka macquulsantahay tan C/hi:
1. Edna waxay aqooni la
doonaysaa qabiilkeeda (Somaliland) halka uu kornaylku madaxweyne raadin
uu eedayntaas u soo jeediyey.
2. Edna waxay haysataa
raadraac oo kornaylkaa uga horreeyey.
3. Waxay eedda ka
leexisay qabiilkeedii oo waxay la aaday qabiil kale halka uu kornaylku
eedeeyey dadka Gaalkacyood.
“Laga baray laga badi”.
WQ. cabdulwaaxid Khaliif | cabdulwaxid@hotmail.com
AFEEF: Aragtida qoraalkan waxaa leh qoraaga ku
saxiixan
Faafin: SomaliTalk.com | Nov 1,
2003
QORAALADII HORE EE CABDULWAAXID
Wada-shaqayntu
Waa Furaha Guusha.. GUJI
| 
