Xeesha Dagaalka ee Col. Cabdullahi Yusuf?
Hashi M. Sagaar
hashisagaar@hotmail.com
DOOD KA BILAABATAY SOOMAALIDA DHEXDEEDA :
Maxaan isugu xumi la'nahay shareecada islaamka?
»
DOOD: Soomaaliya waxay tijaabisey
xorriyad (kahor 1884), kaddib waxaa lagu khasbay gumeysi ilaa 1960, kaddib
waxay tijaabisey dimoqraadiyad (1960-1969), kaddib xukun militari iyo
shuuciyad (1969-1991), kaddib dagaal ahli ah iyo dawlad la'aan. Ma tahay
hadda in loo noqdo xukunka iyo dastuurka Islaamka, qoraalka ku soo aadi
Halkan
»HOOYOOYINKII
HOYGA UU HORUMARKEENU KU JIRO
[Xiddig]
|
Kornaylka gobollada Puntland xoogga ku haysta una maamula sida qolkiisa
jiifka waa nin Soomaali oon dhami magaciisa taqaan, in badani fikir
guud ka
haysato, in koobanina taqaan fiicilladiisa hoose. Waxaa inta badani
taqaan
inuu yahay sarkaal sare ee ciidamadii qaranka Somaliyeed ee ilaa
50aadkii.
Waxaa hore loogu yiqiin odayga hadal adayg, dhiirranaan, afgaabni,
muuqaal
sami, iyo balwad laaan. Intaasi waxay ka dhigtay magaciisa caan,
waxayna
dadday ceebo badan ee Kornaylku dib ula soo baxay markii uu soo galay
saaxadda siyaasadda. Cabdulahi waa baddalay calamadihii hore, wuxuuna
ku
fasiray xeel dagaal.
Dhiirannaantii waxay isu beddeshay in Cabdullahi yiraahdo, aniga mooye
ma
cid kala madaxnimo mudan, sidii ka dhacday SSDF, hadda ka socota
Puntland.
Afgaabnimadii waxay dhashay in Cabdullahi markii uu hadlaba uu galo
gafaf
afka gacanta la saaro horta hebel soo reer hebel ma aha siduu u
hawastay
inuu ila tirsado, muuqaal samidii da iyo caafimaad baa ka daba timid.
Balwad laaantii waxaa baddalay been iyo aruursi wax alle iyo wixii
balwad
leh ama wax xada.
Waxaa ayaan taan dambe BBC-da laanta afka Somaliya laga sii daynay
warasiyo ku saabsan taariikhdii Somaliyeed. Cabdullahi waxaa lagu
waraystay
dhowr jeer. Waxaa Cabdullahi sheegay inuu Siyaad Barre ka diiday in
dawladdii shacabka ahayd (1867-1969) la cinqilaabo. Saraakaal sare ee
aad
loo ixtiraamo, markaasna Cabdullahi ka darajo sarreeyey ayaa sheegay in
Cabdullahi ula yimid fikir ah in dalka ay qabsadaaan. Waxaa ayana dad
badani
qabaan in saraakiisha xoogga dalka ay ahaayeen labo kooxood ee ku
tartamaysay la wareegga xukunta. Waxaa dadkaas wargalka ahi sheegayaan
in
Cabdullaahi iyo Caydiid isku koox ahaayeen, oo weliba Cabdullahi
qab-qable u
ahaa kooxdaas. (waa kooxdii lagala hormaray falka). Beenaha Cabdullahi
BBC-da ka sheegay waxaa mar hore beeniyey Gen. Caarre oo yiri kuma
jirin
raggii ka dambeeyey afganbigii la isku dayey ee 1978.
Beenta ballaaran ee Cabdullahi afka ku dhuftay waxay ahayd inuu yiri
waxaa
Mengistu ii xiray waxaan beeniyey in Galdogob iyo Ballanballe ay
Xabashi
leedahay. Waa run in Cabdullahi kaga dhiirraday Radio Kulmis 1982,
asagaoo
ka jawaabaya hadalladii ka soo yeeray wasiirkii arrimaha dibedda ee
markaas
Col. Gooshe Wolde. Waxaa diiddan mandiqa in Cabdullahi arrintaas loo
xiray
waayo ninka wax xira ama daaya Itoobiya wakhtigaas wuxuu ahaa Mengistu
asna
waxaa la xaqiijiyey inuu G. Wolde ku canaantay hadalkaas kuna amray
inuu
beeniyo.
Hadda maxaa loo xiray Kornaylka? Runtu waa in Cabdullahi Itoobiya
damacday
inay ka bedesho hoggaankii ururka, markay ogaatay inuu aad ugu dhow
yahay
hogaamiye Qadaafi oo markaas ay Menigiste xabbadu isugu jirtay,
maalgelinayeyna dagaalkii SSDF. Cabdullahi waa garan waayey inuusan
jabhadda
xukumi karin nin aysan Itoobiya doonayn. Waa tan maanta taagan, waxaa
Cabdullahi uusan garan karin inaan Somali yeeli karin dictaator ama
kornayl/jeneraal dambe ee isku wareejiya ilma adeertiis yiraahdana kii
i
diida tiirka geeya Gabayre tiirka gee = Hurre harkii toogta.
Ugu dambayn, Cabdullahi laguma aqoon lacag jacayl balwadna hadlkeed
daa,
waxaase uu taas ku beddeshay inuu arruursada waxa alle iyo wixii wax
xada
ama leh balwadaha keena in wax la xado. Haddii tuugu daacadnimo odayga
u
muujiyo Cabdullahi lagama yaabo inuu yirhaado, war kan waa la yaqaan oo
waa
tabbada xadee lacagta inooga qarsha. Waxaa maanta la ogsoon yahay inuu
Cabdullahi ugu jecelyahay oo uu weliba u dhiibo ilaha dhaqaalaha rag ku
caan
baxay shilin arrursi raqiisnimo ku dheehan tahay. Waa ragga ku hawlan
guryo
dhisadka iyo lacag xawilidda ayadoo maanta xaalkeeda la ogyahay waxay
ku
sugan yihiin dadweynaha Puntland. Tuugta waxaa Cabdullahi ka sii jecel
yahay
kuwa lacagta u baahan saacad kasta si ay nooftu ugu maaweeliyaan
maandooriye-yaal.
Maxaa keenay caalamadaha cusub ee Kornaylka? Jawaabtu waa inuu is yiri
gal
hawl uusan u lahayn fara-dhuu-dhuubni. Waxaa Cabdullahi lagula taliyey
inuu
madax Somaliyeed ku noqon karo inuu la yimaado calaamado cuusb sida
beenta,
oo ah tan hadda ku soo darsantay ceebihiise hore ee daliil arrusiga.
Allaa
Somali u maqan.
Hashi M. Sagaar
hashisagaar@hotmail.com
QORAALADII HORE EE XAASHI SAGAAR Faafin: SomaliTalk.com | Nov 30, 2003.
Afeef: Aragtida qoraalkan waxaa leh qoraaga
ku saxiixan
.
FOGAANTA U DHEXAYSA
MAGAALOOYINKA SOOMAALIYA....
....
Copyright & Islaamku wuxuu ka qabo.... Akhri
Kulaabo bogga hore ee
www.somalitalk.com
|