Dadka muslimiinta ah ee ku nool waddanka kenya ayaa kala soomay laba Maalin, oo kala ah AXAD iyo ISNIIN.
Soomaalida ayaa ka mid dadkaasi Soomay 2-maalin ee isku xigta, Soomalida u dhalatey waddanka Kenya iyo Ergada Soomalida ee shirka ka qayb galeysa ayaa maalinta Isniinta wada Soomay ,halka Soomalida ku Nool magaalada Nairobi ay iyagu soomeen maalin Axada ah.
Dadka Soomay maalinta AXADA ayaa Soonku u yahay maanta 30 maalmood, kuwa soomay maalinta Isniintana 29 Maalmood.

Dukaamada iyo carwooyinka lagu Gaddo ama lagu IIbiyo Dharka ,Xalwada ,Biskudka iyo qurxinta alaababada guryaha ee ku yaala Magaaoolinka Nairiobi iyo Mombaasa ayaa buuxiyey Ummada mulimiinta ah ee ku nool magaalooyinkaas si ay ugu gataan alaabada ama dharka Ciidulfitriga uga qaybgali lahaayeen.

Berrito haddi alla Idmo ayaa lagu wadaa in ay noqoto maalinta Ciida oo ay muslimka adduunka ku nool meel kasta ay joogaan u dabaaldegayaan farxad maadaama ay soo guteen bishii barakeysneyd ee Ramaadaan Kariim.

Ergada Soomaaliyeed ee ka qayb qaadaneysa wadahadala Nabada Soomaalida ee ka socda Kenya ayaa Dawlada Kenya iyo Urur Goboleedka IGAD waxay u sameenayaan fantasiyaha iyo dabaaldega maalinta Ciida.
Hogaamiyayaasha Soomalida ayaa isla Ogolaadey in Barnaamijka xafladaasi maamulkeeda faraha loo galiyo sheekh Cabdirashiid Sheekh Axmed oo shirka ku yimid magaca AhluSuna wa jamaaca ka dibna gudoomiye u Noqdey Culumada Soomaaliyeed ee shirka ka qayb qaadaney iyo Xogheynta Guddiga khilaafaad ee shirka.
sheekh Cabdi rashiid ayaa shirarka la qabanayo ka aqriyo aayadaha Quraanka kariimka ah furitaankooda .
doodo badan ayaa ka yimid magacaabista sheekh maamulida lacagta yar ee loogu tala galey in loogu sameeyo Ergada Soomaaliyeed ee shirka barnaaamijyo farxadeed oo ay ugu qaybgalayaan Maalinta Ciida.
Barnaamijyada ayaa waxa ay isu jiraan kuwa maaweelo iyo farxada dabaaldega sida Ciyaaraha kubadda cagta ,ciyaaraha hiddaha iyo dhaqanka, Riwaayado ay jilayaan koox fanaaniin Soomaaliyeed iwm.

Ergada Soomaaliyeed ayaa sannadkii hore xaflada ciidul fitriga lagu qabtey Hotel weyn oo ku yaalla magaalda ELDORET, kaasoo an qancin Soomaalida Maadama dhaqan iyo caadada ciidaha ay tahay in xoolo la qalo, bariis lagu cuno saxamo waaweyn, Ergada ayaa maalintaasi raashinka saf u galey iyagoo nin waliba isagu is maamulayo walow safafkii dambe aan waxba helin.

Ciidul axdaaga ayaa qadad sharfta maalintaasi ciidu lagu qabtey guriga uu deganaa madaxeynaha Maamulgoboleedka puntuland State Muddane Cabdulaahi yuusuf Axmed, taasoo qancisay dhamaan dadkii ka soo qayb galey qadosharaftaasi oo isugu jiray Diblumaasiyiin ,danjirayaal iyo dhaman Ergada Soomaaliyeed marka laga reebo dhawr hogaamiye iyo ergadooda oo aan ka soo qayb galin.

Qabashada iyo maamulidda Xafladaha ayaa IGAD ay qandaraas kusiisay qaar ka mid ah Ergada Soomaaliyeed ee shirka ka qayb galiya si ay u sameeyaan xaflada iyo damaashaad ay sameystaan marka ay joogaaan waddankooda. isqabqabsi badan oo ka yimid qofkii maamuli lahaa lacagta ayaa waxa si hoose loogu xaliyey inlagu maamulo habka qaybsiga qabiilada Soomaalida ee ka qayb qaadanaya wadahadalada Nabada Soomaalida ee Kenya.
Dhmaad.

Abdikarim Aden Hussein
Mbagathi,Kenya
abdikarimhussein@hotmail.com