Hadaba dhageyste haddaan si saraaxad leh uga jawaabno su’aalahaas iyo qaar kaloo badan oo aad isweydiineyso lana xirriira barnaamijkan, ayaa muhiimaddu aheyn in laga jawaabo magaca barnaamijka balse sida ku cad cinwaanka waa barnaamij aan ugu magac darnay ”kulanka STN”. Waxaa Barnaamijkani uga duwanaan doonaa barnaamijyada qaar iyagoo weriyeyaashu ay si wada jir ah idiin kugu soo gudbin doonaan halka barnaamijyada qaar looga bartay inuu hal qof daa daheeyo.

Dhinaca kale barnaamijka Kulanka STN, waa barnaamij aan kaga hadli doono guud ahaan waxyaabaha la xirrira bulshada soomaalida qeybaheeda kala duwan marka dhankasta laga eeggo. Dhinaca siyaasada oo aan ogsoonahay in maanta nolosha qofka soomaaliga ah uu maanta meel sare ka jirto ayaa barnaamijkeenan Kulanka STN, ka marnaan doonin qodobkaas ay sida aadka ah u xiiseyeen soomaalida, annagoo xooga saareyna inaan barnaamijka ku martiqaadno kuwooda ugu magac dheer saaxadda siyaasadeed ee soomaalida.

Xubinta ugu horreyesa ee barnaamijkan Kulanka STN, waxaan kaga munaaqishooneynaa haddii Alla idmo, dowrka saxaafada soomaaliyeed tan iyo markii dhiddibada loo aasay.

Muddadii ay saxaafada soomaalida jirtay maxey bulshada soomaalida ku soo kordhisay maxeyse u dhintay? Dadkuse sidee ayey u qiimeeyeen warfaafinta iyo dadka ku howlan? Sida oo kale saxaafadda Soomaaliyeed hadey iyadana ka baxday caburintii taliskii hore, maxey uga xoreebiweysay maanta qabiilka iyo adeegista hogaamiye kooxeedyadda? Dowrkii dumarka soomaaliyeed ee saxaafadda maxaa keenay iney noqoto mid aan muuqaan? Maxeyse ka yiraahdeen dumarkii meheradaas ku jiray kuna jirra ilaa maantadan?

Saxaafadda cusub ee maanta maxey iyadana ku soo kordhisay ummadda, mase ka faa’iideen xurriyaddii ay heshay warbaahinta cusub? Dowrka boggaga internet-ka ay soomaalida wararka ka helaan sidey doonaan ha uga hellaane maxey iyagana ummada tareen, maxeyse ka haleeyeen??

Hadaba arimaha aan kor kusoo xusnay iyo qaar kaloo badan lana xirriira bulshada soomaalida ayaan kaga hadli doonaa guud ahaan barnaamijkeena Kulanka STN, oo aan xubintiisa ugu horeysa ku soo qaadan doono dowrka warfaafinta soomaaliyeed. Annagoo ku casuumi doona shaqsiyaadkii ugu magac dheera ee saxaafada, haddey ahaan lahaayeen ragg iyo dumar iyagoo nooga jawaabaya dhamaan waxyaabaha ku saabsan su’aalahaasi.

Dhageyste waxaan kuu sheegeyna inaad tahay qeybta ugu muhiimsan ee barnaamijka Kulanka STN, waxaadna fikradahaaga iyo wixii su’aalo aad qabto aad noogu soo diri kartaa adigoo ka faa’iideysana fursadan qaaliga ah cinwaanadan hoos ku qoran.