Waxaa warku intaas ku daray in kawaanlayaashaasi ay dadka ka iibiyeen hilib la saafay oo lagu qurxiyey hilibka udigiya ama xawaashi, halkaas oo ay ku iibiyeen suuq-weyne kuyaal bartamaha xaafadaha Bab-El-Oued iyo El-Mouradia ee magaalada Algiers.

Macaamiisha waxaa aad ugu sahley in ay hilibkaas iibsadaan waxay ahayd qiimaha hilibka lagu iibinayey oo aad hoos loogu dhigay iyo ayadoo qaabka loo habeeyey uu ahaa habka cuntada dhaqanka uu dalkaasi u leeyahay iyo ayadoo weliba lagu jirey Ramadaan oo hilibkaas lasoo bandhigayey marka soonka la furo ama afurka.

Dameerada la qalayey ayaa laga keenayay dhammaan dalka oo dhan, marka la qalo ayaa niman qaabilsan xoolaha ay si sharci ah ugu muujinayeen in hilibkaasi yahay lo'.

Tobankaas qof waxay iibiyeen  57,000 kiilo oo hilib ah, waxayna qiyaastii qaleen dameero tiradooda dhantahay 1,500.

Booliiska Algeria waxay heleen dameero aan weli la qalin iyo in kudhow 2,000 kiilo oo hilib dameeraad ah oo diyaar ah in la iibiyo.

<><>

Madaxweynaha dalka Algeria, Abdelaziz Bouteflika, ayaa shaaca ka qaaday in cafis loo fidiyey 3,080 maxaabiis ah maamuuska ciidul-Fidriga fooda inagu soo haysa awgeed.

Waxaa wararku intaas ku dareen in aysan cafiskaas ku jirin dadka u xiran falalka: argagixisada, musuq-maasuqa, kala hagidda darooga, ama kufsiga.

Dalalka kale ee Ciida awgeed maxaabiis xabsiga laga siidayn doono waxaa kamid ah dalka Afghanistan oo lasiidaayey 60 maxbuus iyo dalka Jordan oo lasiidaynayo dad siyaasdda u xirnaa.

Faafin: SomaliTalk.com | Nov 23, 2003.

<><><>