Shirkadda GTC oo ku caanbaxday soo bandhigidda isgaarsiinta casriga ah ayaa
maanta waxay macaamiisheeda ugu bishaaraynaysaa technoolijiyadii u dambaysay ee
addeegga Landline-ka;
Shirkadda GTC (Golis Telecommunication Company) waxay macaamiisheeda la
socodsiinaysaa inay balaarisay awoodda iyo baaxaddda qalabkeeda landline-ka,
isla markaana ay ku soo kordhisay adeegyo badan oo ay ku qanci doonaan
macaamiishu:
Haddii aad leedahay layn telefoon oo GTC ah waxaa kuu suurta gelaya inaad
isticmaasho adeegyadan casriga ah ee hoos ku xusan:
1. Call Waiting: oo uu kuu suurta gelinaya adiga oo ku hadlaya
telefoonkaaga inaad ogaato in cid kale khadka ku jirto oo ku soo wacayso.
2. Call Forwarding: oo kuu suurta gelinaya inaad laykaaga ku
xawilato oo uu kuugu soo dhaco hadba meeshii aad joogto.
3. Caller Id: waa telefonkaaga oo aad shaashadiisa ka daawato
ciddii ku soo wacday, adiga oo ka qabanaya ciddii aad danaynayso, isla
markaana kaga badbaadi doona ciddii anshax xumo u dan leh, ogow oo waad
ka kaaftoomi doontaa inaad shirkadda waydiiso Yaa I soo wacay, ama
ii sheeg call-kii u danbeeyey ee I soo wacay!!!.
4. Missed Call: waxaa uu telefoonkaagu awood u yeelanayaa inuu kuu
kaydiyo lambaradii ku soo wacay ee telefoonka laga qaban waayay.
5. Received Call: sidoo kale waxaa telefoonkagu awood u leeyahay
inuu kuu kaydiyo telefoonadii u dambeeyey ee ku soo wacay.
6. Call trace: la soco inaad telefoonkaaga waydiin karto lambarka
khadka kuugu jira iyada oo uu socdo hadalku, waa haddii uu telefoonkaasi
kugu sameynayo cay(abuse) iwm; waxaana adeegaani anfacayaa ciddii haysata
qolof aan lahayn caller Id, oo aan arkayn lambarka soo wacaya.
7. Call Conference: waa inaad telefoonkaaga ku wada hadashaan
habka saddex geesoodka (three party calling).
8. Call Back: haddii telefoonka aad wacday uu mashquul yahay
fadlan isticmaal adeegaan, wuxuu kuu saamaxayaa in telefoonkaagu soo
dhaco markii uu mashquulnimada ka baxo telefoonkii aad wacday.
9. Absent: waxaa adeegani kuu suurta gelinayaa in markii aad ka
maqan tahay goobtaada ama aad safar u baxayso aad ku dhaafto
telefoonkaaga fariinta ah : waa maqan yahay (he is absent)
10. Do not disturb: service-kaan wuxuu ku anfacayaa markii aad
doonayso inaan telefoonkaaga la soo wicin, hurdo, mashquulnimo iwm,
waxaana
telefoonkaagu ciddii soo wacda siinayaa fariin ah : (fadlan ha dhibin)
11. Time : waxaad telefoonkaaga ka ogaan kartaa hadba saacadda la
joogo , isaga oo isticmaalaya habka 24-ka saac u habaysan.
12. wake up (Alarm): waxaad telefoonkaaga aad ku buuxsan kartaa
waqtigii aad balan gaar ah leedahay, ama aad doonayso inuu hurdada kaa
kiciyo, isaga oo kuu yeerin doona cod xusuus leh.
13. Hunt Group: haddii ay xafiiska kuugu jiraan dhowr telefoon
waxaa laguu samayn karaa inaysan weligood mashquulin, taasoo ah in haddii
telefoonka la soo wacay lagu hadlayo uu kuu dhaco telefoonka ag yaalaa.
14. Password creation/modification: waxaad jaanis u haysataa inaad
laynkaaga u samaysato password(lambar qarsoon), si aan lagaaga
isticmaalin, isla markaana markii aad rabto aad bedelan karto.
15. Call Pick up: waa adeeg loogu tala galay mudanayaasha iyo marwooyinka lagala xishooday inay kackacaan oo hadba telefoon qabtaan:
waxaana kuu suurta geli kara in adiga oo goobtaada fadhiya telefoonka ku ag
yaal aad qabato isaga oo aan dhacayn, waa marka la soo waco telefoon group-kiisa
ah oo meel ka durugsan yaal.
Adeegyadas iyo kuwo kale oo aad u fara badanba waxaad ka bogan doontaa
markii aad nasiib u yeelato laynka telefoonka ee GTC, ogowna in layn gelintii
si rasmi ah ubilaabatay oo ay hadda socoto.
Adeegyadaas oo qaybtood ciddii dalbata laga qaadi doono khidmad aad u yar,
waxaa haddana ay shirkaddu idiin bishaaraynaysaa inay bisha hore isticmaalka
adeegyadaasi noqon doonaan free(lacag la’aan).
Ogow adeegyada qaarkood inaad isticmaasho waxay u baahan yihiin inaad gadato
qolof telefoon oo leh Caller Id.
Wixii faahfaahin dheeraad ah: Fadlan la xiriir qaybta adeegga macaamiisha ee
GTC, Tel:101
GTC Hogaamiyaha Isgaarsiinta iyo Bud dhigaha GSM-ka PL.
Warbixintan oo qayb ka ah horumarka ay gaareen degaamada PL, waxaa isku soo
dubaridey:
A/risak Omar Ismail (Sheekhaduun)
Email:
sheekhaduun@hotmail.com
Mopil: +252-525-6224
Work: +252-52-34299
Home: Netco, +252 52-37067
Golis, +252-5-825865
