| w w w . s o m a l i t a l k . c o m
|
|
SOMALITALK
- MAXKAMAD
|
|
2/11/2003
Jawaab Celinta ku saabsan u yeeritaanka
Guddomiyaha Shirkadda Netco
Ku: Guddomiyaha Maxkamadda Sare ee DGPL Garowe
Og: Guddomiyaha Golaha Xeer Dejinta DGPL Garowe
Mudane Guddomiye, anagoo tixraacaaya qoraalka sumadisu tahay
MS/DGPL/121/2003, ee ku taariikhaysan 30/10/2003, ujeeddadeedna tahay u yeerid
Ismaaciil Xaaji Cabdi Guddomiyaha Shirkadda Netco, qoraalkan wuxuu nagu noqday
arrin ugub ku ah garsoorka, sababtoo ah waa dacwadii ugu horeysay ka bilaabmata
Maxkamadda Sare iyadoo la hareer maray ama laga booday labadii maxkamadood ee
darajada 1aad iyo 2aad , waxaa kalo oo arrin cusub ah Maxkamadda Sare hadii ay
dacwo qaadayso ama talo bixinayso waxay ku haboontahay in ay ku gasho dacwada
goobtii dacwadu addilladeedu taalay oo ah meesha ay khusayso.
Xaanshida laga hadlayo dacwada ku lifaaqan waxaa qoray
Abokato Axmed Barre, waxayna ku habooneyd inaad qareenada dhiggiisa ah aad kala
soo xiriirtid dacwada adigoon u gudbin Ismaaciil Xaaji Cabdi.
Sida ku qeexan xeerka habka Madaniga qodobkiisa 246
Maxkamadda Sare dacwada waxay soo geli kartaa marka ay jiraan sababaha ku xusan
qod.246.
Waxay kaloo Maxkamadda Sare soo geli kartaa sida ku cad
Qod.266 Xeerka Habka Madaniga.
Arrinta saddexaad ee ay ku soo geli karta waxay tahay arrin
maamul oo dhex martay Maamulka dhexdiisa ama Maamulka iyo dhinaca Shacabka.
Hadaba, saddexdaas sababood midkoodna tilmaami maayo hab ay
Maxkamadda Sare ku soo dhex gasho iyadoo aan Maxkamadihii Darajada 1aad iyo
darajada 2aad aysan soo marin dacwadu.
Sidaa darteed, Guddomiyaha Maxkamadda Sare waxaan ku war
gelinaynaa in arrinta aad soo jeedisay oo u yeerida ah aysan wax dhib ah lahayn,
hasee ahaate anagoo diyaar u ah codsigaagi inaan aqbalo, hadana waxay taasi ka
hor imanaysa sharicga dalka.
Heshiiska la qoray taariikhdu markay ahayd 24, Aug 1993,
qodobkiisa 6.6 wuxuu sheegaya sharciga lagu xukumayo ama lagu fasirayo inuu
yahay Sharciga Gobolka Meryland, USA.
Qodobka 6.7(a) ee heshiiska wuxuu muujinayaa khilaaf kasta
ee ku yimaada shirkadda Netco , waxaa lagu xalin doona dhexdhexaadin, dhex
dhexaadintaas waxa lagu qaban doona iyadoo la eegaayo shuruucda dhex
dhexaadinta caalamiga ah ee ururka dhex dhexaadinta America, waxaana lagu qaadi
doona xarunta dhex dhexaadinta oo noqon doonta NewYork, luqadda lagu dhex
dhexaadinayana waa afka Ingiliska.
Codsi:
Mudane Guddomiye, Bacdama u yeerida dhinacyada ay
khilaafsantahay sharciga u digsan dalka, oo ay maxkamadda sare ay leedaha
awooda u yeerida dhinacyada marka ay jirto dacwad idaar ah (ricorso
ammintstrativo) oo lagu dhageysto wadar xubnaha Maxkamadda Sare (Plenary
Session)
Waxaanu kaa codsanayna in maxkamadda sharafta iyo qadarinta
mudan ka noqoto u yeerida dhinacyada ee dacwadan, una deyso maxkamadaha
ikhtisaaska u leh in ay dhageystaan dacwada.
Guddomiyaha Maxkamadda Sare ee DGPL oo diiday codsiga Qareen
Maxamed Abshir Cumar iyo Qareen Axmed Saciid Gurey.
Taariikhdu markay ahayd 7-8/11/2003, waxaa qareen Maxamed
Abshir Cumar Guddomiyaha Maxkamadda Sare ugu tagay xaruntisa magaalada Garowe
isagoo u socday inuu fuliyo xaashida sumadeedu tahay MS/MPL/121/2003, ee ku
taarikhaysneed 30/10/2003, ujeedadeeduna ahayd u yeerid Ismaaciil Xaaji Cabdi.
Ka dib markii loo gudbiyey xaashiyaha sida hoos ku cad:-
1- xaashida sumadeedu tahay XXI/GB/628/03 ee 24/10/2003
Xeer Ilaaliyaha G/Bari ka socotay.
2- Xaashida sumadeedu tahay MIA/1/2003.
3- Xaashida sumadeedu tahay kuna taariikhaysan
22/10/2003 Wasiirka A.G iyo Amniga.
4- Xaashida sumadeedu tahay 5/10/2003 ee uu qoray Axmed
Siciid Cabdi Gurey.
5- Xaashida sumadeedu tahay MRGB/89/2003 Maxkamadda G/Bari.
6- Xaashida ku taarikhaysan 2/11/2003 Qareen Maxamed
Abshir Cumar iyo Qareen Axmed Saciid Gurey.
Hadaba, Guddomiyaha Maxkamadda muusan yeelin qabashada
warqadaha kor ku xusan, isagoo sabab ka dhigaya imaansho la’aanta Ismaaciil
Xaaji Cabdi, isagoo leh, “ Meeye Ismaaciil Xaaji Cabdi”, iyo isagoo leh maxaa
looga cayriyey Cabdirasaq Ibrahin Xafiiskiisa iyo rugtiisa.
Qareen Maxamed Abshir wuxuu Guddomiyaha Maxkamadda u
cadeeyey inuu yahay qareenk Ismaaciil Xaaji Cabdi halkana u yimid arrinta
awgeed, hase yeeshe Guddomiyaha Maxkamadda Sare wuxuu si bareer ah u diiday ka
qabashada waraaqihii Qareenka Ismaaciil Xaaji Cabdi, iyadoo arrintu ay u
muuqato in Guddomiyuhu u xagliyey hal dhinac.
Ficil-celinta Qareen Maxamed Abshir Cumar iyo Qareen Axmed
Saciid
Gurey ee ku wajaxan diidmada Guddomiyaha
Maxkamadda Sare DGPL
Qoraalka Qareen Maxamed Abshi iyo Qareen Axmed Saciid ka dib
markay arkeen diidmada qayaxan ee Guddomiyaha Maxkamadda Sare DGPL ee ku
taariikhaysan 9/11/2003 :-
Ku: Guddomiyaha Maxkamadda Sare ee DGPL Garowe
Ku: Guddiga Sare ee Garsoorka Garowe
Og: Guddomiyaha Golaha Xeer Dejinta DGPL Garowe
Og: Sii hayaha Xeer Ilaaliyaha Guud ee DGPL Garowe
Og: Human Rights Watch Garowe.
Tix-raac xaashida sumadeedu tahay MS/DGL/123/2003 ee
8/11/2003 ee uu ii soo gudbiyey Ismaaciil Xaaji Cabdi, waxaan kula
socodsiinayaa in arrinta dacwaddani:-
1- Ka furantahay Boosaaso
2- shirkadda la dacweynayana xarunteedu tahay Boosaaso.
3- Inuu leeyahay Ismaaciil Xaaji Cabdi Qareen sida ay
qabaan qodobada 54,55,iyo 56 X.H.M.
4- Awooda degaanka (territorial competent) sida ku cad
Qod. 12,13,14 ee X.H.M kaasoo ah dacwadu in ay ka dhalatay Boosaaso.
5- Maxkamadda Sare awood u ma leh iney dhegeysato dacwad
madani ah ayadoo aan la soo marin Makamaddaha Darajada 1aad iyo 2aad.
6- Xeer Ilaalinta Gobolka waxaa taalla Dacwad Ciqaab ah
oo baaristeedu socoto.
7- Dacwad Madani ah lagu ma furi karo inta ay ka
xirmeyso Dacwad Ciqaabta.
8- Guddoomiye waxaan kula socodsiinaynaa in Maxkamadda
Sare keli ah awood u leedahay iney wadar ahaan u dhageysato dacwadaha
idariga ah (eeg. Ord. Giudizario) Qod. 7aad Qaybta 4aad.
9- Guddomiyaha Maxkamadda Sare waxaa la xasusinayaa
inuusan asagu ka qayb gali karin dhageysiga dacwadda xatan haddii ay soo
marto darajada 1aad iyo 2aad waayo wuxuu muujiyey fikradiisa, isagoo
qareenka C/rasaaq ka qabtay Qoraaladii, Qareenka dhinaca kale diiday oo
yiri hadalo muujinaya inuusan dacwadda ka ahayn dex dhexaad.
10- Sida uu qabo Qod. 317 X.H.M iyo kuwa xiga,
dhinacyadu waxay xaq u leeyihiin in ay u bandhigaan dacwadooda
dhexdhexaadiye ama dhexdhexaadiyaal ( Sole arbitrator of Panel of
arbitration), hase ahaate Maxkamadda Sare ama Maxkamadda kale kuma khasbi
karin in ay u Magcaabaan dhexdhexaadiye ama dhexdhexaadiyayaal Dhinacyada.
Qareen Maxamed Abshir Cumar ____________
Qareen Axmed Siciid Cabdi (Gurey) ____________
Waxaa SomaliTalk soo gaarsiiyey Yasin Ahmed:
yes1no3@hotmail.com
Afeef: Aragtida qoraalkan waxaa leh qoraaga ku saxiixan
Faafin: SomaliTalk.com | Nov 15, 2003
|
Powered by
www.SomaliTalk.com
All About Somalia and More...
|
|
>>
Usheeg Asxaabtaada
|
|
|
