NAIROBI: ku xigeenka Arrimaha siyaasadda Xoghayaha guud ee qaramada midoowey muddane Kieran ayaa saakey Intercontinental hotel ku la shirey Hogaamiyayaasha siyasadda Soomalida ee ku sugan madasha shirku uu haatan ka socdo ee Mbagathi.
muddane Kieren ayaa u sheegay in loo baahan yahay Dawlad ka dhalata Soomaaliya iyo nabadgelyo waarta geeska Afrika, Soomaaliya aayaa sanadan ugu danbeeyey waxa ay noqotey goobaha ay ku dhuumaleystaan Argagixisada caalamka ,si taasi looga baxo waa in dabayaaqada sannadkan (2003) la helaa dawlad ka dhalata shirkan socdey mudada sanadka.

Mr. Kieran ayaa soomaalida iyo dawlada kenya ka codsadey in dib loogu soo celiyo hogamiyayaasha ka maqan shirka ama ka baxey, si loosoo afjarro dhibaatada iyo silica soo jiray muddada 13-snno ,ka dib loo dhiso ama dib loogu wada hadlo arrimahii la isku afgaran waayey ee ku sabsanaa dastuurka.

Qaramada Midoobey waxa ay mar kale soomaaliya u magacawdey Ambasator Mohamed Sahnuuni iyo Winston Tubman oo ah wakiilka shirka nabada Soomaalida ee Xoghayaha guud.

Masuulka kooxaha uu la shiray ayaa waxaa ka mid ahaa ururada bulshada ,waxa uuna u sheegay in dadaal muujiyaan ,abaabulaalaan ,baraarujiyaan ,shirka si looga gudbo dabaca soo galey shirka labadii bil ee ugu danbeysay.

Mr. Kieran ayaa shaley la kulmay madaxweynihii hore ee Kenya Daniel Toroitich Arap Moi waxa uuna kala hadley arrimaha Soomaaliya iyo suudaan oo hada dhameystir u bahan.

Hogaamiyayaasha Soomaalida ayaa waxaa u hadley Mowliid Macaani iyo Maxamed Saciid Xirsi Moorgan oo kala ah Gudoomiyaha Hogaamiyayaasha iyo ku xigeenkiisa, waxa ay inoo sheegeen in ay diyaar u yihiin wado walba oo lagu xalin karo arrihii la isku maandhaafey iyo dib u soo celinta walalaheen shirka ka tagey.

Mr.Kieran ayaa horey warbixin ugu dhageysay muddane Bathuel Kipligat Oo ah Guddoomiyaha shirka dib heshiisiinta Soomaalida ee haatan ka socda Mbagathi.

Mudane Kipligat ayaa saxaafada wax ay waydiisay suaal aheyd in koox uu gaar ah garab siinayo ,waxa uu ku jawabey Aniga Soomaalida arrimaheeda waan la socdaa oo 1976- ayaan ka mid ahaa wafdi metalayey
ama ka socdey Dawlda Kenya ,sideeda kale waxaa igu horeysay Eldoret,waan la shiraa waana ka tagaa, cid aan si gaar ah u jacleysayo ma jiraan, haddna shirka waa uu soconayaa nimankaasi maqan waxaan ka codsaneynaa dhamaan caalamaka iyo qaramada midoobey in ay garab nagu siiyaan wadadii aan dib usoo celin laheyn hogamiyyaasha shirka ka caroodey. Looma baahna hadii aad wax dhib sato in aad aamusto oo iska baxdo, meeshan haddii khilaaf iyo arrimo la dhameynayo raggu waa is qabtaa ,waana wada hadlaa, waa heshiiyaa, ayuu hadalkiisa ku soo koobey Mr. Kipligat oo aan kula kulaney Barxada Intercontinental Hotel ee magalada Nirobi saakey.

Dhamaad.
Abdikarim Aden hussein.
Nairobi ,Kenya
abdikarimhussein@hotmail.com

Faafin: SomaliTalk.com | Nov 10, 2003