Wareegto ka soo baxday xafiiska Ku-simaha Ra’isul Wasaaraha dowlada KMG ee
Muqdisho ayaa lagu amray in mid ka mid ah iskuulada magaalada muqdhiso laga
dhigo goob ganacsi.
Wareegtadan ayaa amreysay in suuqa Baakaro lagu fidiyo Dugsigii Hoose Dhexe ee
Xamar Jadiid lana dejiyo dadkii laga jebiyey labadii wadddo ee laga banneeyey
bartamaha Suuqa kuwaasoo wareegtadu sheegtay in ay caqabad ku yihiin nabad
galyada iyo dakhli arruurinta Canshuuraha ay Suuqaasi ka qaaddo dowladda KMG ihi.
Sidoo kale wareegtadan ayaa wasaaradda waxbarashada dowladda KMG lagu amrey
iney gacan ku siiyaan dowladda hoose howlahaas kor ku xusan.
Wasiirka Waxbarashada dowladda KMG Dr. Xasan Maxamed Cusmaan (Jumbur) ayaa
arintaasi ka soo saaray war-cad oo uu ku diidan yahay Dugsida H/dhexe ee X/jadiid
oo ku-simaha Ra’isul Wasaaruhu Amar ku bixiyey in laga gado Ganacsato waxey
kasoo horjeedaa maslaxadda caamka ah ee bulshada ku dhaqan degaanka Dugsiga ku
yaalo maxaa yeelay dugsigu waxaa leh dadka deegaanka iyadoo waliba uusan dabooli
Karin baahida dadka deegaanka xitaa hadii la habeeyo ayuu yiri Jumbur oo uga
digay mas’uuliyiinta dowladda KMG ee arrintaas ku howlan in ay ka waantoobaan
inay Dugsigaas ganacsato soo dejiyaan waxaa kale oo isoo gaartey in Dugisiga
H/dhexe ee Taleex ee degmadda Hodan in gacanta wasaaradda laga bixiyo ayuu yiri
Jumbur oo sheegay in arrimaha Dugsiyaddu ay xasaasi yihiin wuxuuna codsadey in
dugsiyadda danta caamka ahi loo daayo madaxda maamusha .
Dhankale dowladda KMG ah ayaa amar ku bixisay in dib loo furo Suuqa Daryeel
ee Dagmadda Heliwaa ee magaalada Muqdisho oo aan muddo shaqeyn tan iyo markii
loo qeybiyey dhulka ku yaala dadweyne.
War uu soo saarey ku xigeenka duqa magaalada qeybta howlaha guud mudane Cali
Maxamed Cali (Ugas cali ) ayaa lagu caddeyeyy in looga baahan yahay dadka
boosaska ku leh suuqa daryeel in ay shaqadooda bilaabaan ciddii ka madax
adeygtana laga qaadi doono talaabo sharciga waafqsan
Dadka ku ganacsada wadada laamiga ah ayaa lagu amrey ayagana iney u guuraan
deegaanan goobta loogu talo galey oo ah Suuqa Daryeel dowladda hoose ayaa
sheegtey iney ku talo jirto iney biyo u diyaariso dadkaasi isla markaasna ay
wax ka qabato nadaafada ayadoo ku hanjabtey in miiskii lasoo degi waayo muddo 30
maalmood ah lagala noqon doono Ruqsadii lagu siiyey
Bilihii ugu dambeeyey waxaa .la arkey Ciidamo ka amar qaata dowladda KMG ah oo
aad moodo in ay yihiin kuwo Qamaam ah kuna dhex baxsanaya Suuqyada magaalada
muqdisho si ay uga Qaadaan lacago Canshuuro ay ayagoo sheegaya in ay sugayan
Suuqdada magalada.
Dakhli uruurinta ay wadaan Ciidaamada dowladda KMG ah ayaa lagu macneyn karaa
Labo Arimood
1. ayadoo dowladda KMG ihi ay yaraadeen lacagihii ay ugu deeqi jireen Dowladdaha
Carbeed maadama aysan jirin wax muuqda oo ay qabteen laga soo bilaabo markii ay
kasoo boqooleen Carta
2. ayaddoo ay dowladda KMG ay Bilo naga xigaan waqtigii loogu talo galey Taa
badelkeedana ay ka wadaan Boor iska jafid ayna doonayaan in ay helaan Kordhin
loo kordhiyo Waqtiga amaba ay helaan Goobo ay ku Gor-gortamaan ayna sheegtaan in
ay Ayaku gacanta ku hayaan waa dowladda (KMG) ihiye
hadaba marka aad u kuur gasho Ganacsatadda hadaladda ay isla dhex marayaan ayaa
waxaa ka mid ah Sadex (3) sano dhamaankeed iyo Beeso Urursi waa Miskiinaa Misko
la Fuulo leh taasoo ay ula jeedaan in dowladda KMG ihi aysan awood u laheyn iney
Canshuurta ka qaadaan Shirkadaha waa weyn iyo Ganacsatada Hubeysan ee ay
Canshuurta ka Qaadaan kuwa Dan yarta ah.
si kastaba ha ahaatee Lacagaha laga aruuriyo Suuq-yada Magaallada iyo Muqdisho
ayaa hadana waxaad arkeysaa Baro Koontorool oo ay fadhiyaan Booliska dowladda
KMG kuwoo qeybtooda ka qaata lacagaha Reer Muqdisho ay u yaqaanaan LEEJADA ee
laga qaado Gaadiidka Dadweynaha Qaada.
<><><>
TartanK/Cagta oo loogu magac darey Elman Cup
Tartan Cayaareed Kubadda Cagta ah oo loogu magic darey Elman Cup laguna
maamusayey Sanad Guuradii (7) todobaad ee ka soo Wareegtey Allaha U Naxariistee
Marxuum Elman Cali Axmed ayaa wuxuu shaley si rasmi ah uga furmey Garoonka
Kubadda Cagta ee
Baal-guri ee Degmadda Afgooye ee Gobolka Shabeeladda hoose
Tartankaan oo si wanaagsan loo soo agaamisey ayaa waxaa ka qeyb qadanaya Afar
(4) kooxood kuwasoo kala ah
1. Dakaddaha
2. Supershell
3. Elman
4. Bariga dhexe
Tartankaan oo si rasmi ah uga furmey shaley Garoonka Baalguri ayaa waxey
Kulankii koowaad ee ee tartankaan ayaa waxaa lagu furey Kooxaha Supershel iyo
Dekaddaha waxey waqtigii loogu talo galey ee 90-ka daqiiqo ku dhamaatey Eber iyo
0-0
Waxaana lagu darey waqti saa’id ah oo kooxdii Gool ku hor martaa ay guushu raaci
laheyd balse waqtigii Golden Goal –ka ee lagu darey cayaartaasi waxba kama
aysan badalin sidii hore 0-0 ta waxaana loo dhigey Rigoore yaal waxeya
Rigooreyaashii Guushu ku raacdey Kooxda Supershell ee ayadu kasoo jeeda Degmadda
Afgooye
Tartankaan Cayaartiisa labaad ayaa dhaceysa maantey oo ay ku kulmayaan isla
Garoonka Baalguri Kooxda Elman iyo Bariga dhexe,
Kooxaha ka qeyb qaadanaya Tartankaan ayaa wada Ah kooxaha heerka koobaad waxaana
lagu tilmaami karaa kooxaha ugu ad adag Soomaaliya
Furitaankii Tartankaan ayaa waxaa ka soo qeyb galey dadweyne aad u fara badan
oo isugu jira Waxgarad, Siyaasiyiin, Ururada Bulshada, Aqoonyahano, Gudigga
Olympic-kada Soomaaliyeed ee Xiriirka kubada Cagta
Dadweynaha ayaa isu jirey kuwo uga soo daawasho tagey Tuulooyinka ku Xeersan
Degmadda Afgooye iyo kuwo ka tagey Magaalada Muqdisho iyo kuwa Nasiibka u
yeeshay in Gurigooda lagu qabto Tartaanka Ree Afgooye
Munaasaba Furitaanka ayaa looga Hadley wax qabadkii Marxuum Elman Cali Axmed oo
asagu ahaa Shaqsi u taagnaa sidii Da’yarta Soomaaliyeed ee muqdisho ku nool ay
uga Badbaadi lahaayeen Dagaalada Sokeeye
Waxaana Dadweynihii kasoo Qeyb galey Tartaanka ay ku dhawaaqayeen Halku
dhagyadii uu Caanka ku ahaa Marxuumku waxaana mid ahaa QORIGA DHIG QALINKA QAADO
IYO Erayo kale
Gabagabadda Tartankaan ayaa ku aadan 09/03/03 kuna Beegan Xiligii Marxuumka
lagu Diley Magaaladda Muqdisho
WQ:
Ali Mohamed Haji (Calideeq)