Munaasabad balaaran oo maanta ka dhacday hotelka Sarena
Hotel ee Magaalada Nairobi ayaa Dr Cabdulaahi Axmed Cadoow oo kamid ah
musharaxiinta ugu cad cad ee u tartamaya xilka madaxwaynanimada soomaaliya ayaa
waxaa uu ku sheegay in loo baahanyahay qaab cadaaladeed oo baarlamanka loosoo
xulo iyadoo ay udhanyihiin dhamaan beelaha soomaaliyeed lana muujiyo kaalinta
odayaasha dhaqanka.
Waxaa kaloo Cadoow uu sheegay in dhibaatooyinkii ka
dhacay dalka soomaaliya looga gudbi doono dawladda kumeel gaarka ee halkan lagu
dhisi doono si shacabka soomaaliyeed ee dhibaataysan ay u helaan nolol iyo
nabad wada jirta, laguna dhaqo cadaaladda.
Mar uu ka hadlayay Kalsoonida uu ka haysto beelaha
soomaaliyeed in ay u doortaan hogaanka dalka soomaaliya ayuu sheegay in kulamo
gaar gaar ah uu kula yeesho gudaha iyo dibadda siyaasiyiin, aqooonyahano iyo
odayaal dhaqameedyo soomaaliyeed, rajo wanaagsanna uu ka qabo in uu ku
guulaysto madaxwaynanimada.
waxaa kaloo uu sheegay in xiriir wanaagsan uu la
leeyahay Dawladda Maraykanka,Midawga Yurub,Midawga Afrika, Jaamacadda Carabta
iyo dalalka dariska la ah soomaaliya oo ula diyaarsan soomaaliya in ay wax kala
qabtaan Amaanka Guud ahaaneed ee soomaaliya iyo gaar ahaan Muqdisho oo ah
caasimadda soomaaliya iyadoo aanu la wada socono in ay caasimadu ka mid tahay
meelaha amaankeedu uu faraha ka baxay,waxaa kaloo ay beesha caalamku kala
shaqaynayaan Kobcinta dhaqaalaha, Dhismaha dalka, Waxbarashada iyo xiriirka
diblomaasiyadeed ee caalamka isagoo lasoo sheqeeyay beesha caalamka xiligii
dawladda soomaaliyeed iyo mudadii dawlad la'aanta.
Wareegii saddexaad ee
Doorashadii Madaxweynaha Soomaaliya ee laguqabtay Carta:
August, 26,
2000
CABDIQAASIM SALAAD XASAN ...[145]
CABDILAAHI AXMAD CADDOW ....[092]
|
Dr Cadoow oo ah Musharixii kaalinta labaad ka galay
doorashadii madaxwaynanimada ee dalka Jabuuti Waxaa uu yahay Siyaasi rog cadaa
ah oo aan haba yaraatee ka qayb galin dagaaladii sokeeye ee dhiiga badani uu ku
daatay soomaaliya iyo xadgudubyadii xuquuqda aadanaha ee ka dhacday soomaaliya
tan iyo markii 1991 dawlad la'aantu ay dhacday.
Musharixiinta ugu cad cad ilaa iyo haatan ee tartanka
kula jira Dr Cadoow Waxaa Kamid ah Col. Cabdulaahi Yuusuf Axmed iyo Faarax
weheliye Cadoow Sendiko.
Hadalka Dr Cabdulaahi Axmed Cadoow Waxaa uu ku soo
beegmay Maalin kadib markii Xoghayaha guud ee Hay'ada Xuquuqda Aadanaha ee
Amnesty International Irene Khan ay ka hadsahay Munaasabadda 22ka July ee
Xadgudubyadda Xuquul insaanka loo gaysto iyadoo xustay in shirka dib u
heshiisiinta ay xoog ku yeeshaan Bulshada rayidka iyo dadka aan ka qayb galin
xad gudubyadii xuquuqul insaanka loo gaysto iyadoo horayna hay adani ay usoo
gudbisay qoraal ay kaga hadlaysay in baarlamanka aan lagu darin hogaamiyayaasha
xad gudubyadda ka gaystay soomaaliya.
Qoraalkii Amnesty International waa kan...
GUJI:
