|
Kooxda Ingiriiska oo guul darro la hoyatay iyo
Denmark oo markale loo awood sheegtay.
Ikraam Cali-kaar
Gothenburg, Sweden
ikraam@journalist.com
Iyadoo ay weli si habsami ah uga socdaan magaalada Gothenburg tartanka
ciyaaraha kubada cagta soomaalida Yurub iyo North America, ayaa maalintii axada
waxaa ciyaar aad u xiiso badan dhexmartay kooxaha Norway iyo Al-Hijra (Ingiriiska)
oo soo bandhigay ciyaar aad loogu boggay, hadana kooxda Norway ayaa sadex gool
ku hubsatay shabaqa kooxda Al-Hijra oo iyadu taageerayaasheeda filayeen iney
wacdarro muujin doonto, hase ahaatee kooxda Norway ayaan iyadu wax fursad ah
siinin, halkaasina ay guusha ku raacday kooxdii Norway.
Dhinaca kalena waxaa markale goolal aad u tirro badan dhabarka loo saaray
kooxdii ku ciyaareysay magaca dalka Denmark, kadib markii ay ciyaar iskaga
horyimaadeen kooxdii ku ciyaarisay magaca Stockholm Sweden, oo iyadu 11 gool
faraqa ugu shubtay halka ay kooxda Denmark ka dhalisay 2 gool oo qurra.
Inkastoo guud ahaan cimilada magaalada ay aad u
liidatay roob badan oo da'ayey awgeed hadana ciyaartii dhexmartay afartaasi
kooxood waxey kala tageen garoonka guul iyo guul darro.
Lasoco warbixinta: cayaartii kooxaha Gothenburg,
Sweden iyo Holand, ciyaartaasi oo lafilayey in ay noqon doonto mid raali gelisa
daawadayaasha tirada badan ee u soo daawasho tagga maalin walba ciyaarahan sida
habsamida leh uga socda magaalada Gothenburg, ee dalkan Sweden.
Ikraam Cali-kaar
Gothenburg, Sweden
ikraam@journalist.com
Faafin: SomaliTalk.com | July 29, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
| 
KOORSO "C PROGRAMMING" AH
