|
Kooxdii dalka Denmark oo goolal tirro badan
dhabarka loo saarshay. Ikraam Cali-kaar
Gothenburg, Sweden
ikraam@journalist.com
|
Waxaa magaalada Gothenburg, ee caasimadda
labaad ee Sweden si habsami ah uga socda tartankii kubada cagta soomaalida
qaarada Yurub iyo North America oo sanadkasta xilliga kuleylaha lugu qabto
dalkan Sweden. Shalay oo jimco ah waxaa garoonka isku helay kooxo ka kala
socday dalalka Norway iyo Denmark, halkaasoo ay guusha ku raacday kooxdii ku
dheeleysay magaca dalka Norway, kadib markii ay shabaqa kooxdii Dernmark lugu
shubtay kow iyo taban gool.
Waxeyna ciyaartani noqotay tii ugu mucjisada badneyd ee dhacda tan iyo intii ay
ciyaarahani si rasmi ah uga bilowdeen magaalada Gothenbueg maalintii khamiistii
tiirkh-duna ku beegneyd 24-july.
Mar aan wareysi la yeeshay gaaban la yeeshay gudoomiyaha kooxdii ku ciyaareysay
magaca dalka Denmark Mr: Alaale ayuu ii sheegay in guuldarada kooxdiisa ay ugu
wacneyd ciyaartooyda oo aan la qabsan jawiga garoonka islamarkaasina mid kamid
ah ciyaartooyda kooxda uu daqiiqadihii ugu horeeyey ee ciyaarta gaaray dhaawac
keenay in garoonka uu ka baxo, taasina ay qeyb ka aheyd guul darradii soo
gaartay kooxdii ku dheeleysay magaca dalka Denmark.
Dhinaca kalena Mr:Mahad oo ah tabaraha kooxda dalka Norway ayaa wejigiisa
farxadi ka muuqatay kadib markii ay kooxdiisa goolal aan la fileyn huwiyeen
kooxdii Denmark, waxaana uu ku tilmaamay ciyaartaasi "mucjiso iyo ciyaar wanaag
ay kooxdiisa la soo shirtageen"
Maanta oo sabti ah waxaa wada ciyaaray kooxaha ka kala scoday dalalka Filand
iyo Holand, oo runtii ciyaar aad u qurux badan soo bandhigay, hase ahaatee
kooxdii ka socotay dalka Holand uma yeelan nasiib iney wax goolal ah ku
hubsadaan shabaqa koxdii Filand oo iyagu faraqa ugu riday sadex gool kooxdii ka
socday dalka Holand.
Sidoo kale waxaa markii ay dhamaatay ciyaartii kooxihii Filand iyo Holand,
iyagana ciyaaray qaar kamid ah ciyaartooydii Soomaaliyeed ee cuslaaday iyo koox
kamid ah ciyaartooydii kala duwanaa ee ka soo qeyb galay tartankan.
Ciyaartooydii cuslaatay ee galabta dheeshay waxaa kamid ahaa
Professor Muuse Naasir, Axmed Nuur Seyga Ruushka, Muriidi Abati Aba-Nuur,
Canter, Abaadir, Aadan Oor,Cumar Ganjab iyo qaar kaloo badan oo aan halkan lugu
soo wada koobi karin magacyadooda.
Ciyaar aad u wanaagsan oo aad loogu boogay ayey soo bandhigeen labada dhinac,
hadana waxaa 6-3 ku badiyey xulkii iskaashaday ee ciyaartooydii cuslaatay oo
iyagu qibrad iyo ciyaar wanaag hore oo ku jirtay kaashaday.
Dadweyne Soomaaliyeed oo ka kala yimid gobolada dalka ayaa buux dhaafshay
garoonka waxaana wejiyadooda ka muuqaday farxaf iyo xamaasad ay ku soo
dhaweeyeen martii ugu timid magaaladooda.
Martiddii joogtay waxaa kamid aheyd gabadha magaceeda la yiraahdo Hodan Muuse
Galaal oo iyadu aheyd xiddig kamid ah gabdhihii kubada kolleyga ee soomaray
naadigii LLPP ee Jeenyo.
Maalintii khamiista ayaa waxaa si rasmi ah uga furmay magaalada Gothenburg,
tartanka ciyaaraha iyo dhaqanka soomaalida oo ay iskugu yimaadeen dhalinayarro
soomaaliyeed oo ka kala yimid qaarada Yurub iyo North America. Tartankana waxaa
kasoo qeybgalay 7 koox marka laga rebo kooxdii ku dheeli laheyd magaca dalka
Kanada ay u baaqatay cillad xagga gaadiidka ah.
Furitaankii tartankan ayaa waxaa hees cusub oo luugu talagalay ciyaaraha ka
qaaaday fanaankiii weynee ee caanka ahaa Cumar C/lle Shooli (madaalihi waaberi).
Birito oo axda-na waxaa lugu wadaa iney ciyaaraan kooxaha ka kala socda
Gothenburg (Sweden) Al-Hijra (Ingiriiska) oo labadaba watto min labo dhibcood,
kadib markii ay kasoo kala badiyeen kooxaha Kanus iyo koox mataleysay caasimada
Stockholm (Sweden).
Ikraam Cali-kaar
Gothenburg, Sweden
ikraam@journalist.com
Afeef: Aragtida Qoraalkan waxaa leh qoraaga ku
saxiixan
Faafin: SomaliTalk.com | July 27, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
|
