Xaalad la aqbali karayo maaha heshiiskii maalintii shalay ay gaareen madax
siyaasadeed ee ka qeyb galeysa shirka duleedka magaalada Nairobi, Kenya, uga
socda dagaal oogayaasha Soomaaliya.
Waxaa wax lala yaabo ah in kuwii sababta u ahaa burburka maanta Soomaaliya
ku dhacay, hadana u ololeynaya in iyagu ay noqdaan xubnaha baarlamanka
Jamhuuriyadda Soomaaliya.
351 Xubno baarlamaan gaayaya waxay ku xiran tahay baahida shacbigu u qabaan
in ay madaxdoodu u adeegaan iyo tirada dadka degan Jamhuuriyadda ay matalayaan,
waxaase is weydiin mudan tiro intaa la leg waxa ay ula jeedaan, ma waxay
moodayaan in dambiyadii xagga bini'aadanimada ay galeen darteed ka mid
noqoshada xubin baarlamaan in ay ku badbaadayaan, xaggeese looga keenayaa
dhaqaalihii lagu socodsiin lahaa howlaha ay qabanayaan, Sida Gaadiidka, Qalabka
xafiisyada, Isgaarsiinta, iyo Mushaharooyinkii la siin lahaa IWM.
Waxaanse xusuusinaynaa mudanayaasha doonaya in ay is doortaan halka uu
maanta ku sugan yahay xaalka Madaxweyne Jarles Tailor-ka Leyberiya iyo cid
kasta oo xad gudub xuquuqda aadamiga geysatay in maalin uun la soo hor taagi
doono caddaaladda.
Waxaa naxdin iyo wel-wel soo kordhaya nagu hayay in Soomaaliya la qeybiyo
ama laga hirgaliyo nidaam federaali ah kaas oo aan horay uga dignay qatartiisa,
hadaba nooma muuqaneyso in aan taageerno isla markaasna horseed ka noqono in
Soomaaliya la mariyo waddo ay in badan u doonayeen cadowga.
Wadamada reer yurub waxay ku guuleysteen in ay xagga Siyaasadda, Difaaca,
Lacagta iyo arrimaha bulshada ka midoobaan isla markaa iyagoo ku kala duwan
Diimaha, Afafka, Lacagaha iyo horumarka xagga dhaqaalaha ay ka gaareen.
|
WIIL UBAAHAN
GARGAAR CAAFIMAAD |
 Wiilkan
yar wuxuu ku dhasahay boosaaso Jan. 1995kii isagoo lafaha maduxu kala keceen taas oo ay sababtay biyo badan oo madaxa kaga jirey,
wuxuuna u baahana yahay
gargaar degdeg ah. |
Dib u fiiri midnimadii labadii
Jarmal ee Bariga iyo Galbeedka, midnimadii labadii Yeman ee Waqooyiga iyo
Koofurta iyo wadahadllada lagu doonayo ama looga wada hadlayo midnimada labada
dal ee Waqooyiga iyo Koofurta Kuuriya.
Golaha Wadatashiga Soomaaliyeed wuxuu si cad u diidayaa in Jamhuuriyadda
Soomaaliya laga dhaqan galiyo nidaam federaali ah kaas oo lagu qeybinayo
shacbiga Soomaaliyeed.
Golaha Wadatashiga Soomaaliyeed wuxuu isla markaa diidayaa 351 xubno
baarlamaan oo ay Soomaaliya yeelato anaga oo qadarineyna tirada dadka
Soomaaliyeed iyo baahida shacbigeenu u qabaan in aan si caddaalad ahi ugu
adeegno.
Golaha Wadatashiga Soomaaliyeed wuxuu aaminsan yahay in Soomaalidu ay
Dooneyso Caddaalad iyo Sinaan, taas oo aan waligood madaxdoodu ugu adeegin,
isla markaasna kama dambeystii deeqi karta shacbiga Soomaaliyeed.
Golaha Wadatashiga Soomaaliyeed wuxuu shacbiga Soomaaliyeed meel kasta oo ay
joogaan u soo jeedinayaa in ay sameeyaan banaanbaxyo ay kaga soo horjeedaan
dibinbaadyada lagu heshiiyay, cod isku mid ahna ku doonaan mar kale iyagoo
ilaalinaya midnimada iyo wadajirka dalka iyo dadka Soomaaliyeed.
Kaaliyaha Xoghayaha Arrimaha Dibedda ahna Wakiilka
Golaha Wadatashiga Soomaaliyeed u jooga dalka Talyaaniga
C/casiis Cali Ibrahim "Xildhiban"
xildhiban@hotmail.com
Cambaarayn
Dilkii Loo Geystey Dr. Xuseen M. Nuur
Qoraal kasoo baxay ururuka wadatashiga
Soomaaliyeed ayaa..
GUJI...
