Scww,
Anagoo ah qurbajooga Somaliland ee deggan debadaha ,waxaan doonaynaa inaanu
ka hadalno ,dareenkayagana ka muujino , dagaalka ka socda degaanka afbarwaaqo
iyo tuulooyinka ku xeeran ee gobolka mudug ,in aan loo baahnayn dagaalka soo
noqnoqonaaya ee ka dhex aloosan dadka walaalaha ee ehelka ah ee degan halkaasi
,aadna aanu uga xunnahay dirirtaasi ka dhex aloosan dadkaasi ehelka ah, taas oo
uu keenay khasaaro dhinac kasta oo dad iyo duunyaba leh.
Hadaba waxaanu ka codsanaynaa dhamaan inta ay khusayso colaadini in sida ugu
dhakhsaha badan xabada loo joojiyo iyadoo aan shuruud lahayn , laguna dhameeyo
wixii khilaafaada wada hadal iyo walaaltinimo ,iyadoo loo maraayo dariiqa u
haboon ee suura gelin kara in lagu soo celiyo jawigii wanaagsanaa ee
nabadgelyadii iyo wada nolaanshaha dadkaasi walaalaha ah ,lana baabiyo colaada
iyo necaybka halkaa ka jira, iyadoo aan cidna lagu muuquunin karin xoog , oo
aan
arimo xadgudub ahna loo baahnayn.
Dagaalkaasina wuxuu ka soo horjeedaa diinta
islaamka oo aan ku banaaneyn in layska laayo dad aan waxba galabsan oo loo dilo
oo keliya heybta ay yihiin ,hadaba waxaanu mar labaad idiin soo gudbineynaynaa
in si degdeg ah loo joojiyo xabada iyo colaadahaa aan loo bahneyn ee soo
noqnoqonaayey mudooyinkii ugu danbeeyey una dhexeeyey dadka walaalaha ee isku
degaanka ku uuman, taas oo la soo celineyo wada nolaanshihii iyo wixii ay nololi
lahayd ee dadkaasi walaalaha , waxaana u rajeynaynaa in ay ka qataan
kaalintoodii culimaa'udiinta ,aqoonyahanada, guurtida, odayaasha, hogaaamiyaasha
beelaha iyo inta had jeer wanaaga u feydan sidii ay u damin lahayeen colaadaasi
aan loo baahnayn .
ILAAHAY BAA MAHADLEH,..............
adan yuusuf elmi |
najad88@hotmail.com
28 qof ayaa ku dhintay, 65 kalena waa ku
dhaawacmeen dagaalada Afbarwaaqo
English
Version....
|
WIIL UBAAHAN
GARGAAR CAAFIMAAD |
 Wiilkan
yar wuxuu ku dhashay boosaaso Jan. 1995kii isagoo lafaha maduxu kala keceen taas oo ay sababtay biyo badan oo madaxa kaga jirey,
wuxuuna u baahana yahay
gargaar degdeg ah. |
