Dadku ma dulqaadkay u dhasheen mise iyagaaba raali ka ah sidda ay
xaalada dalku tahay? Dhowr iyo tobankii sano ee ugu danbeeyey waxaa bulshada
soomaaliyeed ee ku nool gudaha iyo dibedaba dilay dhegtaag iyo dhalanteed been
ah. Waxaa had iyo jeer la maqlaa amse noqotay halheys erayo marka aan anigu
shaqsi ahaan maqlo aan i gelin wax hididiilyo. Odhaahyadaa dheguhu ay
maqalkooda sidda gonida ah u xiiseeyaan waxaa ka mid ah kuwan: ”waar
dowlad baa inoo dhalaneysa oo dhibka waa ka baxeynaa” , ” waar waa la waayo
arkay oo shirkan waxuu ku danbeyn guul” ” Adeerow caruurta baanba kala
cararilaheyn dhulkan gaalada”
Suaasheydu hadaba waxeytahay Dibqalooc aamin ma leeyahay? Jawaabta aan
anigu shaqsiyan bixin lahaa waxaa weeye maya oo aan shaki ku jirin. Shir bay
col-ogayaasha soomliyeed u fadhiyeen bilooyin aad u badan, caalamkuna uu
masruufkooda miiska u saaray. Oo maxaa lagasugayaa ninmankan heshiis iyo dalka
oo dawlad loo dhiso. Hadiise ayba ku guuleystaan in ay wax isla meel dhigaan oo
ay saxeex ku dugaan qoraalda hishiisku ka koobnaa, dabadeedna siddii caadiga-
aheyd ay sameeyaan wareeg giraangirah gacmahana isqabsadaan heestii
soomaaliyeey toosoo, toosoo isku tiirsadaay, hadba kiina taag daraneey taageera
weligiineey ay ku luu qeeyaan iyaga oo aad ufaraxsan. Hishiiska ma dhaqan
gelin doonaan? Jawaabteyda shaqsiga ah waa maya aan mugdi ku jirin.
Dawlad baa la filayaa in dhowaan laga dhiso dalka aynu deriska nahay
ee Kenya. Rajadu sidee tahay? Falan qeyn badan baa rag iga horeeyey ku
sameeyeen waxa maxsuulku noqondoono. Aniguse weli suaasheydi baan daba
taaganahay oo waxay ilatahay in nimanka loogu jeedho ”col_ogayaashu” keligood
oo keliya ay xal keeni karin.Maxaan u leeyahay sidaa, wax walba oo biniaadamku
uu sameeyo waxaa gundhig u ah daacadnimo, is aamin,xaqdhowrid,cadaaalad iyo
dadaal xad -dhaaf ah inataba laguma ogeyn nimanaka shirka ka odayaasha ah,
haddii aan maalmahaan wax is bedelin.
Dowadii Carta lagu soo dhisay xaalkeedii waa laga wada war hayaa meeshu
maray, oo hadda xaalkubu wuxuu marayaa Cali Khaliif la ceydhi, Cabdi_qaasim
xilkii aniga kala wareegay oo hadda aniga oo Cadala Deeroow ah ayaa
madaxweynaha qaranka ah. Waar waa yaabee ragu miyaaneeyn aheyn kuwii soomaali
cidhifkastoo ay joogto aduunka habeenkii u dhafrijirtey, siddii ay idaacadaha
layska arko uga daawan lahaayeen markii ay Carta joogeen iyaga oo weliba
calankii soomaaliyeed ku jeeniqaarnaayeen. Quraankii iyo xadiisyadii korka laga
akhriyey ee midba midka kale ka cajaaibka badnaa ee umada qalbiga ruxay
dhabadee bey mareen?
Gunaandkii haddii dibqalooc la aaminikaro rah wareyso. Maalin maalmaha
ka mid ah ayaa waxaa kulmay Rah iyo dibqalooc bariidin guud kadib ayuu
dibqaloocii u waramay rahii oo yidhi waar ninyahay raxmad badan baa la helay oo
waa kan roobkii inoo da´ay. Bal eeg barwaaqada iyo dooga horteena daadsan.
Rahiina isaga oo layaaban danta dibqalooca uu maanta wato isla markaan feejigan
oo bootin dheer u diyaar ah haddii hujuun bilaabmo ayaa ku raacay xaaladu in
maanta ilaahey uun loo mahad noqo ay ku haboontahay. Intaa dabadeed baa
dibqaloocii oo madax hoos u yara foorarinayaa ka codsaday rahii in uu ka
gudbiyo haro biya ah oo uu ku xambaaro dhabarkiis. Rahii oo wadnihii boqolka
garaacayo ayaa ku jawaabay taa ma sameynkaro oo aamin noocaas ahi inagama
dhaxeyn.
Dibqaloocii ayaa jeesjeestay ballana ku qaaday in wax dhibaata ah aaney
xagiisa ka imaaneyn. Rahii ugu danbeyntii wuu yeelay wuxuuna yidhi maanta waan
ku aaminayaa eebana waa ina arkaa ee dhabarkeyga u dulaal . Mudo markay
sabeeyeen biyihii korkooda ayuu dibqaloocii safeystay miciyihiisi dabadeedna
bahal qaniinya ah la beegsaday rahii. Rahii oo cadho ka muuqato ayaa yidhi war
sow adigaa balantii jebiyey. Dibqaloocii baa ugu jawaabay waar abuurkeyga baa
sidaa ah oo wax kale ma aqaano. Rahii baa ugu jawaabay oo hadda labdeynuba waa
inoo dhamaatey