|
Kulan Islaami ah oo ka Dhacaya
Magaalada Leicester ee Carriga Ingiriiska:
 Hassan
Salahudin
Leicester, UK
hassanabdillahi@hotmail.com
SomaliTalk.com | July 12,
2003
Kulan balaadhan oo islaami ah ayaa si rasmi ah
uga furmay maanta oo ay taariikhdu tahay 12-bisha July-2003, magaalada
leiciester ee wadanka boqortooyada ingiriiska, kulankaas oo ahaa mid aad u
balaadhan si heer sare ahna loo soo agaasimay waxa qaban qaabadiisa ka
dambaysay shacbi waynaha soomaaliyeed ee ku dhaqan magaalada leicester oo ku
taala gobolka badhtamaha wadankan ingiiska, waa kulankii ugu horeeyey ee
noociisa ah oo ka dhaca magaalada leicester ilaa intii ay soo camireen
magaaladan markii u horeaysay dadweyne farabadan oo soomaali ahi horaantii
sanadkii 1997-kii, kulanadii islaamiga ahaa ee kan horeeyey kana dhici jiray
wadankan inigiriisku waxay intooda badan lagu qaban jiray magaalo weynta london
oo ay ku noolyihiin soomaalida ugu badan ee ku dhaqan wadankan ingiriiska.
Gudida qaban qaabada shirka oo aan waraysi
kooban la yeeshay ayaa ii sheegay in uu shirkani noqon doono mid sanad walba
qabsoomi dooni hadii ilaaha awooda lihi yidhaa, shirka oo maanta oo sabti ah si
rasmi ah uga furmay xarunta loo yaqaano melbourne centre, oo ku taala wadada
melbourne road ee magaalada leicester waxa ka soo qayb galay dadweyne kor u
dhaafay ilaa 1000- qof oo qaar badan oo ka mid ahina ay uga yimaadeen shirka
gobolada kala duwan ee wadanka boqortooyada ingiriiska.
Culimada shirka ka soo qaybgashay ayaa
maalmaha uu shirku socdo u soo jeedin doona wacdiyo diino ah oo kala duwan
dadweynaha soomaaliyeed ee ku dhaqan magaaladan, sida uu ii sheegay nin u
hadlay gudida qaban qaabada shirku waxay culimadu dadka kala hadli doonaan, ku
sugnaansha dhaqanka suuban islaamka, sidii aynu u ilaashan lahayn diinteena
macaan ee islaamka maadaama aynu ku noolnahay dhul gaalo ah iyo wadamo
shisheeye.
|
WIIL UBAAHAN
GARGAAR CAAFIMAAD |
 Wiilkan
yar wuxuu ku dhasahay boosaaso Jan. 1995kii isagoo lafaha maduxu kala keceen taas oo ay sababtay biyo badan oo madaxa kaga jirey,
wuxuuna u baahana yahay
gargaar degdeg ah. |
Shirka ayaa lagu wadaa inuu socdo sadexda
maalmood ee fooda inagu soo haya hadii ilaahay yidhaa, musheekhda shirka
martida u ah oo ka kala yimid meelo kala duwan oo dunida ah waxay kala yihiin:
- 1. Sh. Cabdullahi Maxamed(UK)
- 2.Sh. Axmed Daahir(UK)
- 3.Sh. Maxamed Rashaad(Canada)
- 4.Sh. Maxamed Idriis(America)
- 5.Sh. Maxamed Cusmaan(Kenya)
- 6.Sh. Mustafe Xaaji Ismaaciil
Haaruun(Somaliland)
- 7.Sh Yuusuf Ahmed(Sweden)
- 8.Sh. Abdul-qadir Muumin(UK).
Magaalada leicester ee uu shirku ka dhacayo
waxay ku taalaa gobolka badhtamaha ingiriiska (East midlands) waxaana ku nool
dadweyne soomaaliyeed oo lagu qiyaasay ilaa 10000 oo qof.
Hassan
salahudin
Somalitalk | Leicester | UK
hassanabdillahi@hotmail.com
Faafin: SomaliTalk.com | July 12, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
| 
