Warar kale ayaa tibaaxaya in NASA ay
cadaysay in dayaxgacmeedkii Columbia uu burburay. NASA oo war-saxaafadeed
qabatay 1:00 pm waqtiga bariga USA, waxay muujisay in sawirada Video-ga ah
ee hadda la hayo ay muujinayaan in aysan suurtagal ahayn in cidna burburkii
dayaxgacmeedka ka badbaadey. [http://www.nasa.gov/].
Warka Dayaxgacmeedka markiiba waxaa lagu wargeliyey madaxweynaha Maraykanka.
[http://www.whitehouse.gov/].
Waxana NASA ku dhawaaqeen xaalad degdeg ah oo lagu
raadinayo dayaxgacmeedkaas iyo baadi goobka dadkii saaraa, waxana la faray dadweynaha maraykanka ee degan
gobolka Texas iyo agagaarkiisa in haddii ay arkaan Burubur ay soo sheegaan
isla markaana ay ka fogaadaan burub hadii ay arkaan waayo waxa wararku
sheegeen in lagu sumoobayo waxyaabaha ka haray buruburka haddii loo dhowaado
ama la taabto.
Dayaxgacmeedka shuttle waxaa u
qorsheysnaa in uu soo dego saakay 9:16 a.m. saacada bariga Maraykanka
[ET], waxana uu ku soo degi lahaa Kennedy Space Centre oo ku taal
Florida.
Waxaana xiriirkii xarunta laga hago shuttle
la lahayd dayax gacmeedka ay luntay ama ay waayeen markey saacaddu ahayd 9 a.m. markaas oo uu
ku beegnaa hawada Texas.
Dad degaanka uu ku qarxay deganayaa ayaa
sheegay in ay maqleen sawaxan aad u sareeya ama wax u eg qarax weyn.
Markii ugu dambeysey ee lala xiriiray
dayaxgacmeedka Columbia
waxa uu dhulka u jirey qiyaastii 61,170
metres, waxana uu ku soconayey xawli ah 20,000 km/h.
todabadii qof ee saaraa dayaxgacmeedka
Shuttle
Sawirka :CBC canada |
Magacyada dadka saaraa
dayax gacmeedku waa:
- Rick Husband [Commander], [45 jir]
- Willie McCool, [41 jir]
- Michael Anderson, [43 jir]
- Kalpana Chawla, [41 jir, gabadhan waxa
ay sanadihii 1980maadkii ka timid 'immigrant' dalka India waxayna
cirbixiyeen noqotay sanadkii 1994.]
- David Brown, [46 jir]
- Laurel Clark, [41 jir]
- Ilan Ramon. [48 jir, cirbixiyeenkii ugu
horeeyey Israel ee hawada]
Dayax gacmeedka 'Space Shuttle
Columbia' waxa uu safarkaan u baxay Janaayo
16, 2003.
Shuttle waxa uu hawshiisa duulimaadyada bilaabay sannadkii 1981.
NASA weligeed xiriirka ay la lahaayeen
dayax gacmeedyadeeda kama dhumin 42kii sano ee duulimadayada dayax
gacmeedyadaasi socdeen.
Sannadkii 1986 ayey ahayd markii uu
burburay dayaxgacmeedkii Challenger, laakiin dayaxgacmeedkaan waxa uu
burburay markii uu kacayey ama hawada
loo gamayey.
...DAAWO: George Bush Kudbadii uu Jeediyey Burburkii Dayax Gacmeedka Kadiib
....DAAWO: CBC iyo Warbixintii NASA ee Burburka Dayax gacmeedka
.... DAAWO: VIDEO MUUJINAYA BURBURKII DAYAX
GACMEEDKA... GUJI
Wixii
kusoo kordha warkaan ka akhri halkan ...... WORLD.NEWS
SOURCE: CBC, CBS, FOX, ABC, NBC | Feb 1, 2003
Dayax
Gacmeedkii Maraykanka ee 'Space Shuttle
Columbia' oo ku
dul Burburay Hawada Texas
