Cambaareyn
Maamulka Gobollada Waqooyi ee Jamhuuriyadda Soomaaliya
GOLAHA WADATASHIGA SOOMAALIYEED
G/W/S/037/03 London, 09/12/2003
Ujeedo: Cambaareyn
Dhacdadii mas'uuliyiinta maamulka
gobollada waqooyi ee Jamhuuriyadda Soomaaliya ku dhaqaaqeen waxay
aheyd gaf ka soo horjeeda dhaqan wanaaga dadka soomaaliyeed.
Waa markii sadexaad ee gefaf isa
soo taraya oo noocaan ahi mas'uuliyiintan ku dhaqaaqaan, hadaba
waxaan si cad u cambaareyneynaa talaabadan ay qaadeen oo xadgudub dhaqanka,
xeerararka Soomaalida sharciga iyo qawaaniinta caalamiga ah, Iyadoo
ujeedadada ka dambeeysaa tahay aqoonsi ay helaan, iyagoo u huraya
wax kasta oo u horseedi kara in ay helaan aqoonsi kuna raadinaya
dhiiga muwaadiniin aftirsiyahoodu yahay Soomaali.
Golaha wadatashiga Soomaaliyeed
wuxuu talaabadan naxariisdarada ah darteed garab taagan yahay dadkii
xaqdarada loo xiray iyagoo lagu eedeynayo howlo aanay shaqo ku
laheyn lagana soo eryay goobihii ay ganacsiga iyo deganaanshiyahaba
ku lahaayeen.
Golaha wadatashiga Soomaaliyeed
wuxuu mas'uuliyiinta gobollada waqooyi uga digayaa qatarta ka iman
karta talaabada ay ku dhaqaaqeen taas oo shacbiga u horseedi karta
deganaanshiyo la'aan soo wajahda, taas oo aysan macnaheedu aheyn in
gobolladan sii ahaan doonaan nabad, isla markaana gobollada
koofureed iyo qeybaha kale ee Soomaaliya ka sii socon doonaan
dhibaatada hadda ka jirta.
Kaaliyaha Xoghayaha Arrimaha Dibedda
ahna
Wakiilka Golaha Wadatashiga
Soomaaliyeed
Faafin: SomaliTalk.com | Dec 9, 2003
Afeef: Aragtida qoraalkan waxaa leh qoraaga ku saxiixan |
