Ismaamulka la magac baxay Somaliland wuxuu baryahan dambe istraatijiyo ka dhigtay in ay kala fogeeyaan, cadaawadna ka dhex abuuraan beesha Isaaq oo 13 sano u qafaashanayd iyo beelaha kale ee Somaliyeed, gaar ahaan kuwa dariska la ah sida Puntland iyo Ogaadeenya.

Waxaa nasiib darra ah oo naxdin leh in wax garadka beeshaas ay ilaa iyo hadda mawqif cad ka qaadan laýihiin siyaasadda guracan ee beeshooda lagu maamulayo oo hadday sii socoto burbur iyo halaag u horseedaya.

Maamulka beeshaas wuxuu caadaystay in uu dhibaateeyo oo uu aflagaadeeyo beelaha kale ee Somaliyeed- waxaa xusid mudan hadalkii ina Cali Waraabe ee uu yiri ”wiilka Addisababa jooga ayaa iga xiga wiilka Muqdisha jooga” iyo hadaladii ka soo yeeray ninka arimaha gudaha maamulkaas u qaabilsan waraysigii uu siiyey idaacadda Horn of Afrik iyo gabadaha arimaha dibadda u qaabilsan ee Edna Aden wararkii ay idaacadaha Voice of America iyo BBC fokus on Africa ay ku tir ” isku asalna ma nihin isku afna kuma hadalno” ( we do´nt speak the same language and we are not even the same race ) –

Maalmahan dambe wuxuu maamulka beeshaas ku hanjabayaa in Somalida aan ahayn Isaaq laga saaro saddexda magaalo ee ay beeshaas ku leedahay geeska Afrika, ee kala aha Hargaysa, Burco iyo Berbera, iyada oo Somali ka sokoow goboladaas ay joogaan qawmiyado kale oo fasahaadin iyo dhaqan xumo ku soo kordhiyey deegaankaas, fasahaadkaas oo halis ku ah in uu ku faafo dalka intiisa kale.

Ismaamulka beesha Isaaq wuxuu kal hore xidhxidhay dad safar iyo qaraabo salaan u yimid deegaanka ay maamulaan, dadkaas oo gacanta loo galiyey milatariga xabashida, si loogu tijaabinayey daacadnimadooda- falalkaa nacabnimada ah, oo ay beesha ay dadkaas u dhasheen ee Ogadeen haba yaraatee wax falcelin ah ka samayn, iyaga oo tixgalinaya wada dhalasho iyo daris wanaag - iyada oo aanu ogsonahay in dad badan oo beesha Isaaq u dhashay ay wakhtigan xaadirka ah ku suganyihiin carro Ogadeen- waxaa ay warar lagu kalsoonayahay sheegayaan in ninka soo saaray dikereetada Somalida looga saarayo Somaliland, waa ninka lagu magacabay wasiirka arimaha gudaha ee ismaamulka beesha Isaaq, in uu geelii aabihi ka cabayo ceelka Bullaale!

Waxaan hadaba uga digayaa aniga oo ku hadlaya aragtida beelaha Ogaadeenya ismaamulka beesha Isaaq ee Somaliland in ay ka waantoobaan falalkan axmaqnimada ah ee ay ugu adeegayaan maamulka xabashida, oo aanan mar danbe loo dulqaadan doonin.

Waxaan sidoo kale ugu baaqaya beelaha Ogadeen meel walba oo ay joogaan in ay sameeyaan abaabul falcelin ah oo ka jawaabaya talaabada maamulkaas qaatay.

Waxaan sidoo kale ugu baaqayaa waxgaradka beesha Isaaq in ay mawqifkooda arrintan la xiriira cadeeyaan- hadday ka aamusaana waxaa loo fasirayaa in ay taageersanyihiin siyaasadda guracan ee maamulka beeshooda.

Cali Mataan
alimataangurhan@hotmail.com

Uk

Faafin: SomaliTalk.com | Dec 4, 2003

Afeef: Aragtida qoraalkan waxaa leh qoraaga ku saxiixan

Somaliland Ma Tanaadday Waa iyada Reer Koonfurkii Tarxiishee C/waxid

Warqad Furan oo ku Socota Abwaan Hadraawi iyo inta gabayda!!!... GUJI

Copyright & Islaamku wuxuu ka qabo.... Akhri

. FOGAANTA U DHEXAYSA MAGAALOOYINKA SOOMAALIYA....

.... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com