BAAQ
ku saabsan gardarda Maamulka Hargeysa
Ku: Indheer garadka Gobolada Waqooyi ee
Soomaaliya
Ku: Hay'adaha Caalamiga ah oo dhan
Og: Ummadda Soomaaliyeed oo dhan
Annaga oo ah Guddiga Fulinta ee Jaaliyadda ka soo
jeedda Gobolada Sool, Sanaag iyo Hawd ee Soomaaliya degganna dalka
Kuwait waxaanu cambaaraynaynaa go'aanka Maamulka Hargeysa ku gaaray
inuu weerar ku soo qaado gobolada Sool, Sanaag iyo Hawd. Go'aankaas oo
maamulkaasi ku xalaashaday odhaahdiisa ah "soo xidhida xuduuda
Somaliland" Barlamaanka Hargeysana ku raacay oo u ansixiyey wuxuu si
cad u muujinayaa xilkas la'aanta maamulka iyo
barlamaankiisa.Marar badan ayaa annaga iyo dad kaleba Maamulka
Hargeysa u sheegay inuu ka waantoobo sheegashada Gobolada Sool, Sanaag
iyo Hawd iskana illaawo xuduudii jirtay 43 sano ka hor. Xuduudaas oo ah
tii gumaysiga waxa ka dambeeyey gobanimo iyo dhalashadii Jamhuuriyadda
Soomaaliyeed oo tirtiray xuduudaas uu ilaa hadda Maamulka Hargeysa ku
dheggan yahay. Xuduuda gumaystuhu xariiqay waxay ahayd mid aan
sharci ahayn oo uu Ummadda Soomaaliyeed dhex dhigay si uu dalal
kala gooni ah uga dhigo dadka Soomaaliyeedna dareensiiyo inaanay wax
isu ahayn oo midwalbi ku abtirsado gumaystaha haysta sida "British
Somaliland", Italian Somaliland", iwm. Mar haddi gumaystihii tegay
xuduudiisiina way raacday.Sidaas awgeed ciddii weli hadal haysa
xuduudas oo mid sharci ah u haysataa waa cid maskaxdii gumaystaha
ku shaqaynaysa.
Dhawr siyood ayaa dadka Sool, Sanaag iyo Hawd u
tuseen maamulka gooni u goosadka {iyo adduunka oo
dhan} inaanay rabin inay maamulkaas wax ku darsadaan .
Siyaabahaasi waxay ahaayeen:
1} Iyadoo sannadkii 2001 dadka goboladaasi diideen
in sanaadiiqdii aftida dastuurka maamulkaas la keeno
goboladooda.
2} Iyadoo magaala madaxda Gobolka Sool ee
Laascaanood si fool xun looga eryey madaxweynaha maamulkaas,
Daahir Riyaale, markii sannadkii 2002 uu booqasho la xidhiidha
doorashadiisa ku tegay magaaladaas.
3} Iyadoo markuu maamulkaasi arkay inaan
goboladaasi rabin inay wax xiriir ah la yeeshaan ku tashaday inaanu
sanaadiiqda doorashada madaxweynaha maamulka keenin goboladaas si
aan halkaas ceebi uga raacin adduun weynuhuna u arag meesha ay isaga
iyo dadka goboladaasi kala joogaan.Ma aha markii kowaad ee maamulkaasi ku dhawaaqo
arrintan uu ula baxay "xuduud soo xiridda" ujeedada uu ka leeyahayna
waa mid la wada ogyahay. Waxa maamulkaasi rabaa inuu dhibaato ka dhex
abuuro dadka walaalaha ah ee wada dega gobolada Sool, Sanaag, Hawd
iyo Togdheer. Nasiib wanaag dadka goboladaas wada degaa way ka war
qabaan ujeedada maamulka hore ayayna uga tabaabushaysteen
nabadgelyada degaanadooda iyagoo weliba ku daray inay nabad ka
dhaliyaan degaanada deriska la ah.
Sannadahan dambe oo meelo badan oo dalka ka mid ah
xasilooni darro ka jirtay, waxa Maamulka Hargeysa ku faani jiray
nabadii ka jirtay gobolada Waqooyi. Ilaahay ka sokow odayaasha iyo
indheer garadka kale ee beelaha Waqooyi ayaa nabadaas suurta geliyey
gacanna kuma lahayn maamulkaasi inkastoo uu nabadaas u adeegsanjiray
siyaasadiisa aqoonsi raadiska.Waxa hadda muuqata in maamulkaasi ka quustay
aqoonsi dibedeed madaama uu u badheedhay inuu degaanka ka rido dagaal
sokeeye. Waxaanu maamulkaas kula talinaynaa inuu ka noqdo go'aankiisa
jar iska xoorka ah. Haddii maamulkaasi ka waantoobi waayo xumaanta uu
guddoonsaday ha ogaado inuu isagu nabaddii ceel dheer ku riday kana
mas'uul yahay dhibaatada ka timaadda.
Guddiga Fulinta ee SSH Kuwait:
- 1. Saalax Shire
Saalax......................................Guddoomiye
.........
- 2. Axmed Maxamed Aadan {Tabaatiig} ...Qoraalada & Xidhiidhka
Dibedda
- 3. Axmed Maxamed
Cali
{Qodax}..........Qoraalada & Xidhiidhka
Didedda
- 4. Siciid Ismaaciil Himbool
............................Xidhiidhka Gudaha.......
- 5. Maxamed
Xirsi Muuse ............................Xidhiidhka
Gudaha........
- 6. Cabdullaahi Sheekh Maxamuud ................Xidhiidhka
Gudaha..
- 7. Cabdullaahi Maxamed Aadan {Dhoolawaa}. .........Xubin........
- 8. Naasir Sheekh Saalax.
.....................................Xubin.......
- 9. Maxamuud Ismaaciil Nuur.
...............................Xubin.......
- 10.Yuusuf Xaaji Samatar...... ...............................Xubin.......
- 11.Faarax Cabdi Gaas.....
....................................Xubin.....
- 12.Maxamed Faarax Abyan....
.............................Xubin......
- 13.Maxamed Ciise Muuse.... ...............................Xubin......
Kala xidhiidh:
Axmed Maxamed Aadan {Tabaatiig}
ssh_kuwait@hotmail.com
29/12/2003
QORAALADII HORE EE TABAATIIG
Faafin: SomaliTalk.com | December 30,
2003
<><><>....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
| 
Denmark:
Saciid Wesing
Singapore:
USA:
Dacwadii Aba Sheikh 
London,
UK:
Nin Soomaali ah oo Lagu Xukumay 8 Sano
