• Laxda haraga oo laga bixiyaa dhib kumahayso marhadii lagowracay

Ha moogaan Maktabada Risaala oo ku taal magaalada Minneapolis oo aad ka heli kartid kutub Islaami ah oo kala duwan..... GUJI

Salaan kabacdi waxaan Qormadan Ciwaan ugadhigay (LAAYADIIRU SHAATA SALKHUHAA BACDA DABXIHAA)Laxda haraga oo laga bixiyaa dhib kumahayso marhadii lagowracay,

Waxaan uga jeedaa ama uga goleeyahay Qormada Dulucdeeda oo ah Marhadii Muslimiinta Dunida kunool oo aadka u tirada badan marhore Maskaxda iyo Caqliga looga duuley Dareenkii iyo Xanuunkii loodamqan lahaa Diinta ayaa waxay keentay in maanta waxkasta oo lasoo hordhigo ay sifudud kuqaataan iyagoon ufiirsan Sharciyan maxay Diintu kaqabtaa???

Waa lagama maarmaan inuu qofka Muslimka ahi hortiisa keeno talaabo kasta oo uu qaadayo inuu Diinta meel ugadayo waamid kusaleysan Dareenkiisa iyo Ruuxdiisa hadba heerka ay joogto,

Waxaa Ayaan darro ah in maanta dadbadan oo Muslimiin Soomaaliyeed iyagoo jooga Dalkoodii Hooyo laguqanciyey inay u dabaal degaan Feestooyinka Gaaladu degsadeen sida Christmas, happy New Year iyo waxlamida,

Taasina waxay kadhalatay markii Dadku kagaabiyeen kudhaqankii Diinta oo markaas waxaa meelkasta kasoo galay kuwii fidinayey Baadilka iyo Xaqdarada,weliba waxaa intaas dheer iyadoo lasoo Adeegsanayo kuwo kula jinsiyad ah oo kuhadlaya Luuqadda Afsomaliga,

Hadaba markaan fiirino maxay Diintu kaqabtaa in Gaalada lagala qaybgalo Dabaaldegooda iyo Feestooyin kooda? Waxan u kalaqaadeynaa labo qaybood,

1-hadii qofku isagoo ogsoon si bareera uga qaybgalo Feestada Gaalada kuna qanacsan yahay Manhajkooda iyo Qawaaniin tooda taasi waa Arin keenaya Diinkabax ama Gaalnimo waxaana Daliil inoogu filan Xadiiska Rasuulka Laga weriyey Nabad gelyo iyo Naxariisi korkiisa hanoqotee (Ninkii qolo iskushabaha iyaga ayuu kamidyahay)waxaa weriyey Abuu Daa’uud waxaana kaheli kadhaa Kutaabu Libaas,

waxaan filayaa warkaasi waa cadyahay marhadii layiri qofkasta Rag iyo Dumar midkuu doono hanoqdee mar haduu qolo ama Dad isu ekaysiiyo Dhaqankooda iyo Tastuurkooda markaas iyaga ayuu kamid noqonayaa, Qoladaasi Hadey Islaam yihiin dhaqankoodana uu qaato oo rumeeyo markaas wuxuu kamid noqonayaa Muslimiinta, Dhanka kalena sidaas ayaan katusaale qaadaneynaa ee waa inaanu qaadan kana raalinoqon Qofka Muslimka ahi Dhaqan iyo Tastuur Gaalo, mana haboona inuu qofku isagoo indhaqaba doorto Indhala'aan.