MAGAALADA BOORAMA OO LOO BEDELAY
XAFLADAHA AROOSYADA MAALINTII GELINKA HORE ![](http://www.somaliatalk.com/2003/may/diridha.jpg)
MOHAMED ABDI HASSAN (DIRIDHABA)
KARACHI, PAKISTAN.
diridhaba2001@hotmail.com
Magaalada Boorama ayaa xafladaha arrosyada iyo
kuwa kale ee gaarka loo beddelay in la qabto gelinka hore ee maalinnimada
kaddib markii ay soo bateen ama ay xoogeysteen shiidka lagu hayo xafladahaasi.
Tobannaan baabuur ah ayaa gelinka hore la isasoo dabageliyaa si waalidiinta
isweydiisanaya gabdhuhu ay u helaan fursad ay kaga badbaadaan shiidka
dhallinyarada wiilasha oo waayadan dambe kala dareeriyey ama rabshado ka riday
xaflado aroos ama kuwa gaar ah oo ay ka mid yihiin dhalashooyinka,dabaaldegyada
iyo casumadahaba.
Shiidkaasi waxa uu sababay in xitaa huteelada iyo guryaha aadka loo ilaalinayo
ee lagu qabanayo xafladahaasi uu ka badbaadi waayaan,gaar ahaanna wakhtiyada la
keeno guntimaha iyo jaadka loo bixinayo farxadaha meherka wiilasha iyo gabdhaha.
Labadii toddobaad ee ugu dambeeyey ayaa Boorama waxa ka socday in subaxdii la
isweydiisto gabdhaha ama la qabsado xafladaha gaarka ah ee ay! leeyihiin
dadweynuhu. Waxaana dhacday in xaflado aroos oo la qabtay dhawaanta shiidkaasi
kala dareeriyey xafladahaana loosoo raray magaalooyinka kale sida gebilay iyo
Hargeysa.
Dhallinyaradan shiidka geysanaysa oo aan lahayn ujeeddo gaar ah ayaa qaarkood
ay yihiin kuwa kasoo jeeda qoysaska ugu dhaqaalaha badan leh, ama iska leh
meherado.lamana garanayo sababta ku kallifaysa shiidkaasi oo dhagax ay u
adeegsanayaan.
SOO DIYAARIYEY MOHAMED ABDI HASSAN (DIRIDHABA)
Ka soo xigtay:- HAATUFNEWS , HARGEISA,
SOMALILAND.
E-MAIL:
diridhaba2001@hotmail.com
Afeef: Aragtida qoraalkaan waxaa leh oo ay
gaar u tahay qoraaga
ku saxiixan
DUX
LA'AANTA DAWLADDA CUSUB EE RIYAALE
iyo dibin daabyada dadweynaha ... Guji
June 7
QORAALADII HORE EE DIRIDHABA
-dhammaad-
Faafin: SomaliTalk.com | July 27, 2003
Kulaabo bogga hore ee
www.somalitalk.com
...
Copyright
& Islaamku wuxuu ka qabo.... Akhri
|