Ninkii Diley
Maxamed Axmed Saalax oo Xabsiga Loo Taxaabay
SomaliTalk.com | Minneapolis | August 21, 2003
Waxaa xabsiga loo taxaabay 25-jir lagu
magcaabo Salvador Anthony Pacheco
oo reer Minnesota ah. Ninkaas oo lagu soo waramay in uu 8dii August diley
taxi-wade Soomaaliyeed oo lagu magcaabi jirey Maxamed Axmed Saalax.
Sida ay sheegeen
booliiska Minneapolis, Salvador A. Pacheco iyo laba qof oo kale ayaa qiyaastii
1:00dii habeenimo ee August 8 soo galay taxigii uu waday marxuum Maxamed Axmed
Saalax. Pacheco iyo labada la socdey waxay taxiga u qaateen goob lagu gado
khamriga, daqiiqado yar ka dib Pacheco ayaa laba-jeer madax ka toogtey taxi-wadihii.
Waxaa warku intaas ku
daray in qof aan la magcaabin oo la socdey Salvador A. Pacheco uu sheegay in
markii ay taxiga qaateen daqiiqado yar ka dib uu Pacheco madax ka toogtey tax-siilihii
(Maxamed A. Saalax), kaddibna uu taxi-gii meel duqeeyey, markaasna ay saddexdii
qof ee saaraa carareen.
Qofkaas la sheegay in
uu Taxi-ga kujirey waxa uu sheegay in uu arkay Pacheco oo xabbada ku dhifanaya
Maxamed Saalax ayadoo aysan jirin wax sabab ahna uu toogtey marxuumka.
Waxaa wararku intas ku
dareen in cajalad kuwa sawirka duuba (surveillance
tape) ee meel
shidaalka laga qaato oo taxi-gu istaagay laga arkay Pacheco oo taxi-ga ka
galaya dhanka ku beegnaa Maxamed Saalax gadaashiida.
Pacheco waxaa sannadkii
1997 lagu soo eedeeyey dil loo geystey 14-jir, dilkaas oo ka dhacay Hastings.
Waxaa xabsiga damaanad looga soo daayey 1999. Waxaase xasbi lagu celiyey
February, 2000 kaddib markii uu jebiyey damaanadii xabsiga looga soo daayey.
Waxaase markale damaanad lagu soo daayey bishii June ee sannaadkan 2003. Waxana
uu diley Maxamed Saalax markey taariikhdu ahayd 8dii Agoosto 2003.
Marxuum Maxamed A. Saalax waxay da'diisu ahayd 28-jir waxa uu
lahaa xaas, waxaana xaaska hadda leedahay uur shan bilood ah.
Dilkaan waa kii labaad oo loo geysto
Soomaalida Taxi-wadayaasha ah ee magaalada Minneapolis in kayar bil gudeheed,
July 10keedii ayey ahayd markii Taxi lagu dhex toogtey Axmed Xuseen Axmed oo
38-jir ahaa, waxaana dilkaas loo xiray 20 jir lagu magcaabo
Sylvester Leondo Scott. [Eeg
Halkan....]
Waxaa taas ka horeeyey in Bishii Maarso 8,
1998 Minneapolis laga helay meydkii Siciid Cigaal oo Soomaali Taxi-wade ahaa oo
la toogtey. Marxuum Siciid waxaa lagu dhex toogtey taxi uu wadey.
Qayb ka mid ah shirkadaha Taxi-yada ee
Minneapolis ayaa hadda soo rogey ama khasab ka dhigay in qofku marka uu taxiga
soo galo markiiba sawir laga qaadi doono, waxaana sawirka qaadaya sawir-qaade
(camera) ku xiran taxiga.
SomaliTalk.com |
Minneapolis, USA | ISHA: KSTP-TV | WCCO-TV | KARE11-TV | STarTRibune
Shir Dhexmaray Duqa Minneapolis & Soomaalida
Shirkan oo la xiriirey qadiyadda dilkii labada
marxuum ee..
Guji...
Qofkii 20aad ee Soomaali ah oo lagu diley K/Afrika
WARARKII HORE EE DILKII
TAXI-WADAHA SOOMAALIYEED
TAXI-WADE SOOMAALIYEED
OO LAGU TOOGTEY MINNEAPOLIS, USA
Maxruumka oo magaciisa la oran jirey Maxamed Axmed
Saalax (oo ku magac dheeraa "Ina Januune"), waxa uu telefoon u soo diray xaaskiisa
wax yar ka hor intii aan la toogan, waxana uu xaaska u sheegay in ugu yaraan
qof uu ka shakiyey uu gaariga u saaran yaha uuna soo wici doono. Xaasku waxay
leedahay uur shan-bilood.
SomaliTalk.com |
Minneapolis | Minnesota | USA | August 8, 2003 | Updated 6:30pm local
![](sala7.jpg)
Marxuum: Mohamed Ahmed Salah
Sawirada waxaan ka qaadnay TV-ga Channel.5 |
Magaalada Minneapolis ayaa xalay lagu toogtey
Taxi-wade Soomaaliyeed. Saacadu markii ay ahayd 1:20am ayaa marxuumka
lagu toogtey dhanka koonfureed ee magalada halka lagu magcaabo East Phillips
Park oo u dhow is-goyska labada wado ee 24th St. iyo 18th Av. S. Nooca taxi-guna
waxa uu ahaa shirkadda Red & White.
Sida uu weriyey TV-ga Channel.5 ee magaalada
Minneapolis, Taxi-wadaha la toogtey magaciisa waxaa la oran jirey Maxamed
Axmed
Saalax.
Warar kale ayaa sheegayin marxuumka lagu
naanaysi jirey (Ina Januune)
Marxuumka oo da'diisu ahayd 28-jir waxa uu
lahaa xaas, waxaana xaaska hadda leedahay ay ka dhiman tahay afar-bilood [yacni
waxay leedahay uur shan bilood ah]
Xaaska
marxuumka magaceeda waxaa layraahdaa
Ruqiyo Cusmaan.
Waxa warku intaas ku daray in uu marxuumku
xaaskiisa soo wacay asagoo u sheegay in uu Taxi-ga kuwado ugu yaraan qof uu ka
shakisan yahay, waxana xaaska kusoo wacay telefoonka gacanta asagoo u
sheegay in uu soo wici doono, dib dambe uma soo wicin, hadalkaas uu xaaskiisa u
sheegay ayaana ugu dambeey wax laga maqlo marxuumka.
Waxaana hadda baaritaan lagu wadaa raad lagu
arkay meeshii gaariga marxumka loogu yimid.
Dilkan xalay waa kii labaad oo loo geysto
Soomaalida Taxi-wadayaasha ah ee magaalada Minneapolis in kayar bil gudeheed,
July 10keedii ayey ahayd markii Taxi noociisu yahay shirkada Blue & White
lagu dhex toogtey Axmed Xuseen Axmed oo
38-jir ahaa, asagoo markaas marayey dhanka
woqooyi ee magaalada Minneapolis, waxaana dilkaas loo xiray 20 jir lagu magcaabo Sylvester Leondo Scott.
[Eeg
Halkan....]
Waxaa taas ka horeeyey in Bishii Maarso 8,
1998 Minneapolis laga helay Siciid
Cigaal oo Soomaali Taxi-wade ahaa oo la toogtey. Marxuum Siciid waxaa lagu dhex
toogtey tax uu wadey oo ahaa shirkada Blue & White.
ilaa hadda ma jiraan cid loo xiray dilka u
dambeeyey. Dhanka kale taxi-wadayaal badan ayaa dalbanaya in lasoo rogo nidaam
lagu ilaalinayo ammaanka taxii-layaasha, sida in kaamaro lagu xiro taxiyada.
Taxi-wadayaasha ugu badan magaalada
Minneapolis waa Soomaali.
![](sala1.jpg)
![](sala3.jpg)
Sawirada waxaan ka qaadnay TV-ga Channel.5 |
Taxi-wade Soomaali ah ayaa TV-ga u sheegay in
Maraykan ay u yimaadeen nolo wanaagsan oo aysan soo raadsan in halkan lagu
laayo.
Shariif Mooge ayaa tacsi u diray ehelkii
Marxuumka, tacsidaas oo uu soo gaarsiiyey SomaliTalk waxa uu ku sheegay in uu
aad uga naxay geerida marxuumka uuna ehelkiisii Allah uga baryayo in uu ka
samir siiyo.
Dad badan ayaa maanta isugu soo baxay goobtii
marxuumka lagu diley, waxayna gaar ahaan la weydiistey in dawladdu ay wax ka
qabato ammaanka taxi-wadayaasha.
SomaliTalk.com | Minneapolis, MN | Aug 8, 2003
ISHA: Channel.5
-dhammad-
20 Jir Loo Xiray Dilkii Axmed
Xuseen.. Minneapolis
Qareenada u doodaya marxuumka ayaa sheegay in..
GUJI... July
29
Qofkii 20aad ee Soomaali ah oo lagu diley K/Afrika
Habeenimadii Axada 25 May 2003 goor ku dhaw 7.00 fiidnimo (Hal saac oo fiidnimo)
ayaa dukaan uu gadayay lagu dhex toogtay wiil dhalinyara ah oo Soomaaliyeed oo
la yidhaahdo Shaafi Bille C/Laahi.
GUJI
Qofkii 19aad ee Soomaali ah oo lagu dilay K/Afrika
Ganacsade Soomaaliyeed oo la yidhaahdo Diiriye Maxamuud Maxamed oolagu
dilay gurigiisa oo ku yaala Johannesburg....
GUJI
13/12
Qofkii 18aad ee Soomaali ah oo lagu dilo K/Afrika
Deeqa Ibraahim Cawad (Allah ha u naxariistee) ayaa dhimatay kadib markii dad
aan la aqoon ay kuweerareen gurigooda uu kuyaal xaafada MAYFAIR ee.
Warbixinadii
Axmed.Dowlo |
Caqiil.Sh.Yuusuf Agost 5
Xaqiiqada Qarsoon Soomaalida Koonfur Afrika
Nin Soomaaliyeed oo Lagu toogtey Maxkamad Dhexdeed - Yemen
Wararka ka imanaya Yemen
ayaa sheegay in ladiley Soomaali lagu magcaabo C/Shakuur Aadan kadib markii
lagu dhex toogtey..
GUJI.
30/6/2002
QAREEN
SOOMAALIYEED OO LAGU DILEY ATLANTA, USA
Ahmed Dabarran oo ahaa 32 jir,
waxa uu qareen (prosecutor) maxkamadeed ka ahaa degaanka "Fulton County"
ee kuyaal Atlanta, USA
GUJI... May 11, 2001
....
MAXKAMADII DILKII SHIDANE.... CANADA
....
DILKII
ABU-QAASIM.... MINNESOTA
Faafin: SomaliTalk.com | July 8, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
|