Waftigii nabadeynta ee uu hogaaminayey Abwaan
Hadraawi oo si fiican loogu soo dhaweeyey Laascaanood
![](cadani.jpg)
Qore:
Asad Cadaani Ibraahim
e-mail: asadlaska@hotmail.com
Laascaanood
I I D H
E H
|
|
waxaa maanta magaalada Laascaanood soo
gaadhay waftigii nabadaynta ee uu hogaaminayey Maxmed Ibraahim Warsame
Hadraawi, waftigaas oo si balaadhan oo aad loo soo agaasimay laagu soo
dhaweeyey magaalada Laascaanood.
Hadaraawi ayaa dadweynaha magaalada
Laascaanood kala hadlay fagaaraha ka soo horjeeda saldhiga booliska ee degmada
Laascaanood,halkaas oo uu ka soo jeediyey hadalo aad u qiiro geliyey dadweynaha
magaalada Laascaanood ,gaar ahaan markuu ku dhawaaqay in uu Soomaaliya oo mid
ah aamin san yahay, OO MIDEYSAN.
waxakale oo uu sheegay in uu safarkiisan
go'aan saday in uu ku soo gabagabeeyo gobolka sool ,oo ah meeshii ay
xundhurtiisu taalay ehelkiisuna ku nool yihiin.
waxa kale oo fagaarahaas ka hadlay jiif Caaqil
Cabdi Jaamac Cabdi Bile oo isaguna ku hadlaayey magaca cuqaasha deegaanka ,isago
oo sheegay in ay ku faraxsan yihiin waftigan nabadeynta ee gobolka soo
gaadhay,wuxuuna intaasi ku daray in ay taageerayaan nabadeynta ay wadaan
waftigani, Sulub Cali Gaas oo ah Gudoomiye ku xigeenta Gobolka ee maamul
goboleedka Puntland ayaa isaguna waftigaasi ku soo dhaweeyey fagaaraha .
waxakale oo halkaasi ka hadlay abawaan Mustafe
Shiikh Cilmi oo isaguna goobtaasi ka tiriyey gabay aad u qiiro badanaa oo ka
hadalayey nabadeynta.
waxaa kale oo halkaasi ka hadlay maki xaaji
banaadir oo isaguna halkaasi ka tiriyey maanso dadweyna aad u xiiso gelisay.
Abwaanka caanka ah ee Jaamac Kadiye Cilmi ayaa
isaguna fagaaraha ka jeediye gabay aad u qiimo badanaa .
laguna soo gabagabeeyey xafladii balaadhnay.
abwaanka iyo waftiga uu hogaaminayo ayaa saaka
aroornnimadii lagaga hortagey meel magaalada u jirta 50km, halkaas oo dadweyn
aad u tirobadan iyo gawaadhi gaadhaysa tobonaan lagu soo dhaweeyey ,markii
danbena magaalada badhtamaheedi sifiican loogu sacabo tumay.
abwaanka iyo waftiga uu hogaaminay oo ay ka
mid yihiin ,abwaaniin badan oo caan ahi waxaa ka mid ah.
Mustafe Shiikh Cilmi, Maki Xaaji Banaadir, C/qaadi
C. Shube , Cabdi Muxumed Amiin.
abwaaniintan ayaa waxa ay aad ula yaabeen sida
ay magaalada Laascaanood u fiday horumarkana u gaadhay iyadoo qaar ka mid ah
abwaaniintay ay ugu danbeysay mudo aad u fog.
waxaa soo diyaariyey
Asad Cadaani Ibraahim
e-mail: asadlaska@hotmail.com
Laascaanood
Faafin: SomaliTalk.com | July 15, 2003
Qoraalkii hore ee Caddaani.... Guji...
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
|