|
AJIGU WAA BINU QUREEYSH MADHIBANKUNA BINU………!!!!!
C/Rahman Eelay
eediran@yahoo.com
Waxaa la soo weriyey inay qabiilooyinka
waaweyn ee soomaalidu ku abtisato ay dhamaantood ka wada yimaadeen Carab. Carab
fog weliba maahee waxay ka yimaadeen Qureesh iyo weliba raaska Nebiga(CSW)oo ah
Binu Haashim. Waxaa abtirsiimada Soomaalidu na baraysaa in Samaale, Digil&Mirif,
Daarood ay dhamaantood ka soo wada askumeen reer binu Haashim, Soomaaliduna ay
inta badan iyaga ka soo farcameen marka laga reebo dadyow fara ku tiris ah oo
ka soo horeeyey Soomaalida iyo kuwa ka danbeeyeyba. Dadka ay faraca soomaalidu
meesha ugu timid waxaa ka mid ah; Midgaan (Musa dheryie, Madhiban), Tumaal,
Yibir, Hinjile, Turyare, Magdaleh iyo Zeylici. Dadkani waxay waagii hore Guur,
Qaaraan iyo Quudba la wadaagi jireen soomaalida kale. Waayo danbe ayaa takoorku
ku bilaawday oo la leexiyey badasho faracii carabta sheeganay ka batay, Dagaal
lagu jabiyey awgii ama sababo aan qiima lahayn oo sheeka xariir ah. Dadka lagu
magacaabo Jareer Weyn (Bantu) iyo dadka ka soo jeeda carabta ee degan Xamar,
Marka iyo agagaarkeedana dib ayey ka yimaadeen.
Waxaanu ognahay in Nebi Ismail(CS) intaan la
keenin Khaliijka ay dad Carab ahi deganaayeen. Dadka lagu magacaabo Carabna
kuwooda ugu laandheereysan ee saxda ahi waxay degen yihiin Yemen. Markaa Nebi
Ismail(CS) muusan ahayn Carab ee gabadh buu carabtii ka guursaday ka dibna
faraciisii baa la Carabeeyey.
Hadaba anagoo ka faaiideysanana cilmiga
Philology(Isbarbardhiga taariikhda iyo afafka) waxaan shaki ku jirin in
qowmiyadahan la yaso ee dulmani la Soomaaliyeeyey ee ay iyagu aheeyeen dadkii
laandheeraha ka ahaa wadanka maanta loo yaqaan Soomaaliya. Meeshay doonaan
qowmiyadahani asalkoodii hore ha ka yimaadeen, laakiin waxay muddo fog ku
noolaan jireen iyagoon la dulmin Soomaaliya intaysan Samale, Darood iyo Digil&Mirifle
iman oo ay wareegi jireen Saxaraha Carabta!
Hadaba aanu niraahno Odayadaasi waxay ahaayeen
Carab, Soomaalida ka soo farcantay ee maanta joogta ma Carabaa!! Ma u egyihiin
awoowayaashoodii hore? Ma nalaga heli karaa wax astaan ah oo aan ugu ekaan
karno ilmaadeeradeen degan Khaliijka? Waa maxay magaca Soomaalida loogu yeedho
markay tagto khaliijka? Inadeeeeeeeer miyaa?
Waxaan shaki ku jirin in aanu kala kulano
cunsuriyad xun markaanu tagno Dhulkii ay awoowayaasheen ka yimaadeen, laakiin
waxaanu carada iyo ciilka isaga reebnaa Midgaanka, Jareerka, Tumaalka iwm.
Hadaba aanu si cilmiyeeysan u sheegno inaanu
Carab nahay iyo in kale!
Waxaa yimid dhulkan Niman laga soo farcamay oo
la yidhi waxay ka yimaadeen Carab. Markaa Carabtu midab ahaan waa BARAX (LIGHT
SKIN). Micnuhu waa madow xigeen ama maaha CADAAN. Hadaba Carabkii yimid oo ahaa
(Shiiqsane) 50% Carab ah wuxuu guursaday gabadh(Shiiqiye) 100% Madow ah.
Dhashiisu waxay noqonasaa min 13.5% Carabnimo ah. Tafiirta 2-aadna 6.5%
Carabnimo ah iyo kuwo 100% Madow ah ta 3-aadna waxay wada noqonayaan WADA MADOW
WADA SHIIQIYE AH. Hadaba imisa farac baa ka soo wareegtay odayada kala duwan ee
la leeyahay waxay ka yimaadeen Carab? Maxaanu ka sheegan karnaa odaygaa maanta
Midab, Dhaqan, iyo Af? Bal eeg Isku talaalkan hoose
CC= CARAB 50%(CODOMINANCE) iyo
MM= Gabadh Madow 100%
CC X MM
CM CM CM CM
CM X MM
CM CM MM MM Wada madow yara cas
CM X MM
100% MM Waa Wada Madow
Wixii ka danbeeyana WAABA WADA
DHUXUL
C/Rahman Eelay
eediran@yahoo.com
QORAALADII HORE EE C/RAXMAAN EELAY
Faafin: SomaliTalk.com | Aug 21, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
Afeef: Aragtida qoraalkan waxaa leh qoraaga ku saxiixan
| 
Kulan Diineedkii Labaad ee Soomaalida Waqooyiga
Ameerik oo ka dhacaya Ohio.... GUJI
114 Suuradood ee Qur'aanka
