Waxaa wax lala yaabo ah hadalkii ay dhawaan ka jeedisay magaalada Addis
abeba ee dalka Ethiopia, Xoghayaha arrimaha dibedda ee maamulka gobollada
waqooyi ee jamhuuriyadda Soomaaliya Miss Adna Adan Isma'il, oo ahaa in koofurta
Soomaaliya ay ka howl galaan waxa loogu yeero Argagaxisada caalamiga, iyo in
madaxda koofurta ay caadeysteen in ay ku soo dhaweeyeen goobaha ay ka taliyaan
Argagaxisada, wareysigan oo ay siisay wakaalada wararka ee Reuters.
Sidaas darteed ma aha in mas'uul sare oo Soomaaliyeed, ama wax ay ka
sugayeen dadkeeda, in ay horseed u noqoto ama ay eedeyn noocaas ah u soo
jeediso qeyb ka mid ah dadka ku dhaqan jamhuuriyadda Soomaaliya.
Ma aha xaalad la aqbali karo in gooni isu taaga gobollada waqooyi ee
jamhuuriyadda Soomaaliya darteed Miss Adna ku eedeyso Soomaaliya inteeda kale
in ay ka howl galaan waxa ay ugu yeertay Argagaxisada caalamiga ah.
Golaha wadatashiga Soomaaliyeed wuxuu beeninayaa isla markaana
cambaareynayaa eedeymahaas ka soo yeeray Miss Adna Adan Isma'il iyo in ayan
Soomaaliya gabaad ay ku dhuuntaan u noqon karin burcadda caalamiga diin iyo
midab kasta oo ay leeyihiin.
Golaha wadatashiga Soomaaliyeed wuxuu International community-ga iyo dowlaha
isu xil saaray la dagaalanka iyo ciribtirka waxa loogu yeero "Argagaxisada
caalamiga" ku soo dhaweynayaa Soomaaliya.
Golaha wadatashiga Soomaaliyeed wuxuu mar labaad u caddeynayaa "alla
comunita' internazionale" in uu ka soo horjeedo Argagaxisada caalamiga meel
kasta oo ay joogaan iyo ciddii amaan galisaba.
Golaha wadatashiga Soomaaliyeed wuxuu taageerayaa dadaalka bulshada caalamka
ugu jirto la dagaalanka iyo ka hortagga kooxaha xag-jirka ah, kuna dhuumanaya
magaca diineed.
Golaha wadatashiga Soomaaliyeed wuxuu bulshada caalamka ka codsanayaa in ay
ku taageeraan shacbiga Soomaaliyeed dhisme nidaam suura galiya ilaalinta
xuduudaha bad iyo beriba leh, si looga hortago in aysan marna suurtagal noqon
in ay soo caga dhigtaan ama ay noqoto goob ay ku dhuuntaan burcadadan uu batay
hadal heyntoodu.
Kaaliyaha Xoghayaha arrimaha Dibedda ahna wakiilka
Golaha wadatashiga Soomaaliyeed u jooga Talyaniga
C/casiis Cali Ibrahim "Xildhiban"
xildhiban@hotmail.com
