Markii lugu dhawaaqay DKMG ayaa waxaa si aan kala har laheyn usoo dhaweeyay dhamaan shacabka Soomaaliyeed meel kasta oo ay joogaanba laakiin waxey noqotay rajadii ay shacabku ka sugayeen dowladda hal bacaad lugu lisay kadib markii ay waxba ka qaban waaysay nabad galyda bulshada xataa dhulalkii laga taageersanaa.

II  I  D  H  E  H

waxaa taas kasii daran iyadoo mar waliba awoodeeda u isticmaasha dhibka danyarta oo kaliya iyadoo iska indha tireysa dambiilayaasha, tusaale ahaan qaxootigii deganaa xaruntii hore ee xisbiga ayaa awood looga saaray, halkii ay dhaxanta iyo kuleylka ka gali jireen iyadoo aaney dowladu dadkaas meelna dajin xilna iska saarin kadibna waxaa xarun looga dhigay golayaasha xukuumada iyo baarlamaanka iyadoo ay ku jiraan xarumihii rasmiga ee dowlada sida madaxtooyada iyo xaruntii golaha shacabka hogaamiye kooxeedka xuseen Ceydiid oo aan marna dowlada laga maqal halmarna iyadoo leh waa inuu ka baxaa hadii kale talaabo ayaa laga qaadayaa.

taa waxaa kasii daran goobo ay dowladu ka talin jirtay oo ay kasoo saareen hogaamiye kooxeed yada Maxamed Dheere iyo Muuse Suudi in aaney isku dayin inay dib ulasoo noqoto intaasi iyadoo ay jirto ayaan markale ka maqalnay madaxweynaha DKMG Dr: C/qaasin qudbadii uu ka jeediyey munaasabadii furitaanka dugsiga hoose/Dhexe ee madiino warsame isagoo leh waxaan u qabanay dadka qaxootiga ah ee degan goobihii waxbarashada mudo 30 maalmood ah inay uga guuraan intaa wixii ka dambeeya ciidamada waxaan amar ku siinay inay awood uga bixiyaan.

maxuma inlaga bixiyo waana sax laakiin miyaanan sharciga loo sineyn kan awooda leh iyo kan awooda yar mise waxaa jirta maahmaahdii soomaaliyeed ee aheyd miskiin ayaa leh miska la buurto.

hadaba waxaan idiin xasuusinayaa xadiiskii nabiga (csw) oo ahaa {waxaa halaagay dadkii idinka horeeyay hadii uu dambi galo qof awood leh waa iska dhaafayeen hadii uu dambi galo qof aanan awood laheyna wey ciqaabi jireen}

hadaba waxaan leeyahay dowlada waxaad kusocotaan sunadaa xun ee dadku sharciga ha u sinaado ama masaakiinta iska daaya.

w / qoray ibraahin macalin

 ibraahiim4@yahoo.co.uk

Afeef: Aragtida qoraalkan waxaa leh qoraaga ku saxiixan

SOMALITALK Sept 13, 2002

WARARKA KALE AGOOSTO  | WARARKii  July» GUJI
» June |  MAY APRIL | MARCH | FEBRAAYO | Janaury 2002 | Wararkii 1999-2001  em@spam.com