Dilkii Kaiser oo Maxkamadi Xukuntay inuu Kama' ahaa

Mohamud Yusuf Garre
London, UK

Wiil 15 jir ah ayey maxkamad ku taala magaalada London ku xukuntay inuu si aan ula kac aheyn u dilay wiil Soomaaliyeed oo lagu magacaabo Kaiser Osman.

Wiil kale oo 11 jir ah oo falka dilka ah ku caawiyey dembiilaha ayey maxkamadu xukuntay inuusan wax dembi ah laheyn.

Dilkan oo dhacay lix bilood kahor ayaa dembiilaha iyo ina adeerkii isugu tageen Kaiser kadibna midi kuwa hilibka lagu jar jaro ah wadnaha dareen, halkaasoo uu ku naf baxay wiilka Soomaaliyeed oo reerkoodu kasoo qaxeen colaadii Soomaaliya sanadkii 1989.

Waalidka Kaiser aabe Abdul Osman iyo hooyo Maryan oo maxkamada fadhiyey maalintaas ayey ka muuqatay murugo, waxeyna warbixin laga akhriyey maxmakada horteeda ku sheegeen: "Waa arin murugo leh, waxaan kasoo cararnay colaad inagoo soo raadsanay nabadgelyo balse nabad aan helno iska daaye wiilkeenii ayaa la dilay".

Waalidka Kaiser oo leh afar kale oo caruur ah ayaa sheegay in dowlada iyo ciidmada amaanka aaney xil weyn iska saarin badbaadinta dhalaanka.

Dembiilaha ayaa la sheegay inuu yahay maangaab, isagoo caqligiisa IQ-giisa cabiray 52 keliya. Waxaa kaloo la sheegay inuu yahay silic ku kor ay tuureen waalidkii, iyagoo kasoo diray wadanka ku yaala bartamaha America ee lagu magacaabo Jamaica una soo diray magaaladan London si uu ula soolaado qaraabo halkan u degen.

Xeer beegtidii dacwada la socotay ayey ku qaadatay labo maalmood iney go'aan kaga gaaraan dacqada iyagoo xukumay in dilku ahaa mid aan ula kac aheyn.

Waalidka Kaiser ayaa muujiyey iney ku qanceen qaabka dacwada u dhacday.

Waxaan weli xabsi lagu xukumin dembiilaha waxaase la filayaa in dhowaan xaakimka maxkamadu xukumi doono waqtigii uu dembiiluhu dhex fadhin lahaa xabsi.

Mohamud Yusuf Garre
yusuf22@lycos.com 
United Kingdom

SOMALITALK | 29.9.2002

WARARKII AGOOSTO  | WARARKii  July» GUJI
» June |  MAY APRIL | MARCH | FEBRAAYO | Janaury 2002 | Wararkii 1999-2001  em@spam.com

I I D H E H