Waxaa intaa ka dib xigsatay muxaadaro ku saabsanayd waajibaadka muslimka ku nool Galbeedka taas oo uu jeediyey sh. Cisman X. Yusuf isaga oo tilmaamay waajibka ka saaran ruuxa muslimka ah inuu ku toosnaado diintiisa kana fogaado wax walba oo ka fogaynaya ku toosnaantaas taaso ay ugu horraysa beenta la caadaystay ee Yurub lagu joogo Waxaa qasab noqonaysa inuu ruuxu isaga tago dhulkan hadduu arko in nusqaani ku socoto ku dhaqankiisa diinta ayna jirto meel u dhaanta halkaan. inagoo halkaan aan ku soo koobi karin ayaa waxay ahayd muxaadarada sheekha mid ay aad ula dheceen dadkii halkaa isugu yimid.

waxaa taa xigtay muxaadaro uu soo jeediyey sh. Bashir amaan oo uu ku faaqiday riyada iyo rabitaanka in dalkii lagu laabto iyo joogitaanka muuqda inaan inta badan dadku socon wuuna bixiyey tusaalooyin laga xanuunsado oo ay ka mid ahayd noqosho aan qorshe saxan ku dhisnayn taasoo ku dhamaatay ilmihii oo gacanta ka baxday waxbarashadoodii taasoo dhashay inay gacanta ka baxaan halkanna reera badan ku soo laabteen. waxaa kaloo si kulul u tilmaamay inay xaaraan tahay waxa loo yaqaano separatea iyo isa sheega la'aanta reerka taasoo uu sheegay inay ka dhigayso reerkii kuwa aan xalaal kuwada joogin sida ay qabto shareecadu culimo badanna fatwoodeen.

waxaa gabagabadii timid aqoon isweydaarsi ay ka qayb galeen Sh. Xuseen Jaamac, Sh. Rashiid Maxamed iyo Sh.C/qadir C/shakuur Taasoo looga hadlay Qoyska Soomaaliyeed iyo Barbaarinta carruurta. Wuxuu Sh rashiid si diirran oo dadweynihii soo jiidatay uga hadlay barbaarinta caruurta, fahamka gurracan ee diinta iyo sida ay khalad u tahay cunidda hilbaha culimada. waxuu tilmaamay sh. Rashiid inay khalad tahay in marka adduunyo joogtana aan qaddar la sheegin oo lacagta xusulduub lagu raadiyo laakiin markii aakhiro iyo diinta timaado lagu gabbado waa qoran tahay waxaan ku danbayn lahaa iyadoo riziqa qofkuba qoran yahay!!.

Waxay ugu danbayn u muuqatay mawduucyada shirka looga hadlay kuwa markii ugu horraysay si geesinnimo leh loo tilmaamay isdaba marinta faraha badan ee bulshada Somaaliyeed ee galbeedka ku baahday inay tahay wax khaldan, xaaraan ah, ay tahayna in bulshada Soomaaliyeed ee muslimka ah isaga fogaato waxyaalaha ay ka midka yihiin separate-ka iyo been ku risqi raadsiga ka fogaysay dadka waddadii qumanayd, dishana sumcadda islaamka oo ay ahayd in akhlaaqdooda qumani u horseeda dadyawga kale inay jeclaadaan islaamka amaba galaan.

WD Cabdulqadir Warsame

bayle19@hotmail.com 

Sept 8, 2002 | Faafin sept 9, 2002

AFEEF: Aragtida qoraalkan waxaa leh qoraaga ku saxiixan 

WARARKA KALE AGOOSTO  | WARARKii  July» GUJI
» June |  MAY APRIL | MARCH | FEBRAAYO | Janaury 2002 | Wararkii 1999-2001  em@spam.com