kuraastii wax Barasho eey dowlada Yemen ugu deeqi jirtay arday soomaaliyeed ee kasoo Baxa iskuuladeeda oo la kordhiyey: halkii ey ka ahaayeen 10 kursi hada laga dhigay 20 kursi.

 W.D.Abuukar Yaasiin Xaaji | Sanca Yemen

Wadanka yemen oo ah wadanka ey ku nool yihiin soomaalida ugu badan Wadamada carabta ayaa waxaa ka shaqeysto dad badan oo soomaali ah Kuwaasoo intooda badani ey macalimiin ka ahaayeen dugsiyada wadankaan Gaar ahaan kuwa dowlada, waxaase sanadihii danbe soo food saaray arimo Adag oo ey ugu weyneyd ayadoo shaqadii laga fariisiyay in badan oo kamid Ah macalimiintii shaqeyneysay, hase ahaatee sanadakan oo la filaayay in Dowlada Yemen ey dhinto 25% macalimiinta ajaanibta ah ee u shaqeyo Ayaan cidna laga rukhseyn ama aan shaqada laga fariisin macalimiintii Soomaaliyeed ee sanadkii hore shaqeyneyay oo tiradoodu dhameyd 160 Macalin.

Arintaan ayaa ku timid kadib markii safiirka soomaaliyeed ee sanca Mudane: C/salaan Macalin Aadan uu ka codsaday dowlada yemen in aan Macalimiinta soomaaliyeed cidna shaqada laga fariisin ee lawada qaato, taasoo Ey ka aqbaleen masuuliyiinta Yemen, isla markaana waxaa hadda uu safiirku Dadaal ugu jiraa in la shaqaaleeysiiyo macalimiin gaareyso 40 macalin oo aan Sanadkii hore shaqeyn.

Sidoo kala waxaa uu safiirku ku guuleeystay in la kordhiyo kuraastii wax Barasho eey dowlada Yemen ugu deeqi jirtay arday soomaaliyeed ee kasoo Baxa iskuuladeeda oo halkii ey ka ahaayeen 10 kursi hada laga dhigay 20 kursi, taasoo eey ka faa iideeysteen arday badan oo soomaaliyeed oo ka Qalin jabiyay iskuulada wadankaan yemen.

FAAFIN: Sept 24, 2002 | SOMALITALK  

WARARKII AGOOSTO  | WARARKii  July» GUJI
» June |  MAY APRIL | MARCH | FEBRAAYO | Janaury 2002 | Wararkii 1999-2001  em@spam.com