PRESS STATEMENT

Xuseen Cilmi: "Nolosheyda Khatar ayey ku jirtaa."

Shaleyto Khamiistii oo taariikhdu aheyd 12 Sep. 2002 , saacadduna ahayd 1:56 , anigoo jooga meel ku dhow iridka Portal Coffee oo u dhow Masjika Jaamica Nairobi ayaa waxaa meel 3 tallaabbo ii jirta gaari soo dhigtay 5 nin oo ka mid Gangistarada loo kireyso dadka siyaasad ahaan la damacsan yahay in shirqool lagu dilo ,waxey ahaayeen dhammaantood kuwo timo xiiran oo dhaldhalaal uu ka muuqdo , waxeyna labisnaayeen Suut qaalli ah .

II  I  D  H  E  H

Gaariga ay wateen waa Volvo kala jiidan,midabkiisuna waa Cagaar , plate No: ***-***.[Kalaxiriiri qoraaga]

waxey shaqo ka dhigteen muddo aan ka yareen 10 daqiiqo iney indhaha ka buuxsadaan qof ahaan wajigeeyga sida uu u eg yahay,si ay arintan ugu sahasho inaan dadka kale aan kaga khaldamin markey isu soo diyaariyaan iney idilaan,dabadeed waxey dhaqaaqeendhankaHotel 680.

Aniga & saaxiibadii goobta ila joogay waxaan qornay nambarka gaariga si aan ugu gudbinno ciidanka Booliska, 5 dadiiqo ka dib meeshii aan taagnaa ayey dib ugu soo laabteen waxey sidii hore oo kale billaabeen iney muqaalkeyga qof ahaan indhaha ka buuxsadaan muddo 10 daqiiqo ah ,dabadeed waxey u dhaqaaqeen dhinaca Koonfureed ,waxaa la igula taliyey in durbaba aan goobtaasi isaga tago , dabeed dhanka waqooyi ayaan u dhaqaaqay waxaan kireystay Tax xaafadda EASLIEGH ayaan dib ugu soo laabtay.

Isku day shirqool dil ah inuu yahay dhabbada keliya ee u harsan kooxda Carta waxaan ku sheegay shirkii Jaraa'id ee aan qabtay Jannaayo 2002 ,markii EEBBE iga badbaadiyey afduubkii 9kii Janaayo,2002 ee la damacsanaa in inta Muqdisho la i geeyo oo Suuqa Bakaaraha la igu daldalo , iyagoo ay la aheyd iney taasi aargoosi u tahay xiritaankii shirkadda AL-Barakaat oo uu wargeyska Assiyaasa in badan uu ka qoray shirkaddaasi inuu BinLaadin leeyahay.

Waamo Information Center iyo wargeyska Assiyaasa si aan gabasho laheyn ayey wax uga qorayeen Isbaheysiga Argagixisada Soomaaliya sida :kooxda Catra, AL-Barakaat ,AL-Itixaad & AL-Islaax 3dii sano ee ugu dambeeyey ,dhowr jeer ayaa la isku dayey in la i af duubo ama waxyeello la ii geysto si loo baajiyo xaqiiqooyinka dhabta ah ee kooxaha argagixisada aan ka qorno , waxaa caado u ah kooxaha argagixisada iney afduubaan ama ay shirqool ku dilaan ciddii wax ka qorta , sidii ay Pakistan ugu dileen wariyihii wargeyska Wall Street Journal oo kale , waxaana ugu wacan ayagoo xurriyadda Saxaafadda col la ah aawadeed.

Sidii aan ugu ballanqaadnay Ummadda Soomaaliyeed inaan ka badbaadino afkaaraha khaldan ee lagu marin habaainaayo ,si ay u noqdaan dad aan dantooda garaneyn oo u shaqeeya argagixisada, waan sii wadeynaa sheegidda xaqqa ka xishoonmeyno, kana baqi meyno caga jugleynta cadowga Ummadda Soomaaliyeed ka hortaagan iney hesho xukuumad Federaal oo xur ah,dagaalkuna waan sii wadeynaa hadduu Alle idmo ilaa aan ka xaqiijinno iney ummadda Soomaaliyeed heshay waxa ay doonayaan .

Inta baaritaanka ay wadaan Kenya Booliis & International Police (Inter Pol ), haddii ay wax igu dhacaan waxaa loo raacanayaa dadka magacyadooda ay hoos ku qoran yihiin .

[halkaan waxaa ku qoraa 15 magac, waxaana magacyadaas lagala xiriiri karaa qoraaga cinwaankiisa hoose]

Xuseen Cali Cilmi .
Chairman OF Somali Human Right & Cheif Editor of Assiyaasa NewsPapers .Tel:254-722723344  Email: xuscalcilmi@yahoo.com 

September 13, 2002

 AFEEF: Aragtida qoraalkan waxaa leh qoraaga ku saxiixan, kana tarjumi maayo aragtida SomaliTalk