|
Hay'adaha INXA, COGWO
iyo JOINT oo kulan ay kaga hadlayaan shirka Kenya ku qabtay hotel The
PanAfrican
Waxaa caawa ka dhacay hotel
the PanAfrican oo ku yaalla magaalada Nairobi shir ay soo qabanqaabiyeen
hay'adaha INXA, COGWO iyo JOINT. Shirkaas waxaa isugu yimid dad ka kala socda
siyaasiyiin, ganacsato, waxgarad, odoyaal iyo aqoonyahanno.
Shirkan waxaa looga hadlay
talo soo jeedin (proposal) ay diyaariyeen hay'adahaasi, kaas oo kula talinayey
Guddiga farsamada shirka Kenya inay dedejiyaan nidaam dowladeed oo laga dhiso
Soomaaliya.
Qoraalka ay soo saareen
hay'aduhu waxaa kale oo uu ku talinayey qabanqaabiyaasha shirka in Golaha
Baarlamaanka ee la habeynayo uu noqdo 450. Talooyinkaas waxaa ka muuqday in
hay'adahaasi ay hamuun badan u qabaan inay shirka door cad ku yeeshaan.
Xiriiriyaha hay'adda INXA, Avv.
Cumar Maxamed Cabdulle (Dhegey) ayaa sharraxaad kooban ka siiyey ka soo qayb
galayaasha shirka qodobbada ku qoran qoraalka talo soo jeedintooda oo ku
dhowaad 10 bog ka koobnaa.
Cumar Dhegey waxa uu sheegay
inaysan ka soo horjeedin in hoggaamiyeyaasha kooxuhu ay shirka ka soo qayb
galaan, hase ahaatee aaraada qaar ka mid ah dadkii shirka ka hadlay ayaa
muujiyey inaysan ku qanacsanayn ka soo qayb galka hoggaamiyeyaasha kooxaha.
Qaar kale oo ka mid ahaa
aqoonyahannadii iyo waxgaradkii ka soo qayb galay ayaa sheegay in hirgelinta
iyo fulinta shirka Kenya ay ku xiran tahay hoggaamiyeyaasha kooxaha.
Saciid Siyaad Shirwac oo ah
ganacsade Nairobi deggan ayaa u sheegay ka soo qayb galayaasha in dadka qaar ay
hoggaamiyeyaasha kooxuhu u yihiin madaxdooda sharciga ah, qaar kalena ay
arrintaas diiddan yihiin.
Haween ka soo qayb galay
shirka ayaa iyaguna sheegay in haweenka Soomaaliyeed ay jecel yihiin inay
kaalin ku yeeshaan shirka, iyagoo ku eedeeyey ragga inay wax walba iyagu
qaateen.
Dadka
Soomaalida Ma yihiin Wadaniyiin?
Waa doo ay ka qeyb galeen dhageystayaasha Soomaaliyeed ee isugu jira rag
iyo dumar kuna nool Atlanta. Waxaa doodaas qaban qaabiyey Radio Sagal.
Waxaana soo jeedinaya werriye C/lahi Nur Kolombo oo ka tirsan bahda Radio
Sagal Riix
Halkan |
Xuseen Dhimbil Warsame ayaa
isagu sheegay in talo soo jeedinta hay'adaha ee ku wajahan shirka Kenya ay
qodobbo badan qaladaad ay ku jiraan, sida qodob aan qeexnayn oo sheegaya in
dastuur cusub la sameeyo. "Halkee looga tagayaa kii Carta" ayuu yiri
Xuseen Dhimbil.
Shirka ayaa ku soo gaba
gaboobay iyadoo hay'adahaasi ay ballan qaadeen inay wax badan ka qaadan doonaan
fekradihii ay u soo jeediyeen ka soo qayb galka shirkaas.
Maxamed Xaaji (Ingiriis)
Nairobi, Kenya
E-mail: Ingiriis@yahoo.com
DOODFURAN: Suxufiyiinta
ee Sharciga Saxaafada ee DKG
SomaliTalk | Oct 2, 2002
Reer
Galbeedka oo soo dhoweeyay Dawlad laga dhiso Soomaaliya
Doblamaasiyiin reer
galbeed ah oo u waramayay saxaafada dalka Kenya ayaa GUJI..
Saxaafada
Xorta ah oo Qaadacday DKG
Tan
iyo markii uu golaha shacabka kmg ah ee soomaaliya uu ansixiyay sharci
xakamaynaya Saxaafada Xorta ah ayaa GUJI..
DOODFURAN: Dadweynaha
ee Sharciga Saxaafada ee DKG
DIGNIIN:
VIRUS HALIS AH
Bulgaria
iyo Romania oo Mucaawinaya Som.
u qaybsanaha
arimaha gobolka Baalkanka ee DKMG ,
ahna safiirka Soomaaliya u fadhiya Liibiya ayaa GUJI..
Wararka
kale ee Maanta waxaa kamida
»» Urur Islaami ah oo Booqday
Soomaali Kuxiray Minnesota GUJI
»» Sharci liddi ku ah saxaafada Xorta ah oo kasoobaxay DKG GUJI
»» Qoxootiga Bantuga oo gudniinka ku boobsiinaya gabdhohooda GUJI
»» Israa wa Al-Micraaj & Shacbaan oo soo dhow GUJI
»» Kalfadhiga Islaamiga ee 5aad oo laguqabanayo Ottawa GUJI
Wararkaas
oo dhan ka akhri halkan
Afeef: Aragtida qoraalka waxaa leh qoraaga ku saxiixan
WARARKA
SEPTEMBER - GUJI
» AGOOSTO
| JULY
| JUNE | MAY
| APRIL | MARCH
| FEBRAAYO | Janaury
2002 | Wararkii 1999-2001
em@spam.com
| 
