DIGNIIN: »» Virsuka Halista ah ee Goldfish »» Virus cusub oo cinwaano badan wata »» Virus cusub oo lagu magcaabo OPASOFT »» Taxadarka Emailada ka imanaya nayjeeriya »» Xusuusin waalidka ee carruurta iyo Internetka  Dhammaan ka akhri halkan

"Breaking News" | Oct 3, 2002

Warar aan ka helay suxufiyiin joogta Muqdisho ayaa ii xaqiijiyey in saakay oo Khamiis ah salaaddii subax markii laga soo baxay ay Baydhabo qabsadeen Sheekh Aadan Madoobe iyo Xaabsade oo ay taageerayaan Isbahaysiga Dooxada Juba.

Shaargaduud wuxuu warku sheegayaa inuu magaalada ka baxay dhanka Buurhakaba sida uu ii sheegay xogogaal jooga Muqdisho oo aan la xiriiray.lnkastoo ay jiraan warar kale oo sheegaya inaan la ogeyn dhanka uu uga baxay magaalada iyo halaka uu ku sugan yahayba. Khasaaraha soo gaarey labada dhinac ee is haya iyo dadweynahaba ayaan cadeyn ilaa iyp hada.

Shirkasta oo dib-u-heshiineed oo kooxaha Soomalida loo qabto ayaa waxaa badanaaba ka soo hormara dagaalo lagu hoobto oo ay hogaamiyo kooxeedyadu ku muujiyaan awooda ay leeyihiin.

Guled, Abdulhakim Ahmed

Borlänge, Sweden  
guledhakim@yahoo.com  

Isha: Xogogaal iyo Suxufiyiin Joogta Muqdisho 

<><W><A><R><K><A><><K><A><L><E><>

Baydhabo Oo Gacanta U gashay Sh. Aadan Madoobe Iyo Xaabsade

Dagaal subaxnimada saaka ah dhexmaray ciidamada daacadda u ah Shaati Guduud iyo kuwii ka soo horjeeday ee Sh. Aadan Madoobe Iyo xaabsade, oo soconayay qadar saacada ah, sida ay sii daysay idaacad u dhow isbahaysiga dooxada Juubba, ayaa lagu soo waramayaa in magaalada Baydhabo ay gacanta ugu dhacday dagaal yahaniinta u dagaalamaya Sh. Aadan Madoobe iyo Xaabsade.

Ilaa iyo hadda lama xaqiijin karo xaaladda dhabta ah ee halkaa ka jirta, maadaama ay go'antahay dhamaan isgaarsiintii Baydhabo ay la lahayd gobolada kale ee dalka.

Isbahaysiga SNA oo maanta xusaya 3-da October

 

I  I  D  H  E  H

Dad weyne aad u fara badan oo isugu jira dumar, caruur odoyaal iyo dhalin yaro, oo  wata sawirada General Maxamed Faarax Caydiid, iyo boodhadh waaweyn ayaa maanta lagu arkayay wadooyinka magaalada Muqdisho.

Idaacadda taageerta Xuseen Maxamed Caydiid, oo ah wiil uu dhalay Allaha ha naxariistee Janankii geeryooday, ayaa shalay iyo maantaba laga sii daynayay barnaamijyo quseeya weynaynta 3-da October, oo ay ku tilmaameen inay tahay maalintii guusha.

Idaacadda Codka Shacabka, ayaa dhamaan ku war galisay taageerayaasha Isbahaysiga SNA, inay isugu yimaadaan Villa Somalia oo hadda xarun u ah ururka SNA.

3-da October ayaa ahayd maalin uu dagaal kharaari dhex maray ciidamadii huwanta ahayd ee UNOSOM ee uu horkacayay Maraykanka iyo waliba dagaal yahaniintii General Maxamed Faarax Caydiid, oo maalintaas si geesi nimo leh uga hortagay ciidamdadii sida aadka ah u tababarnaa ee loo yaqaanay Rangers-ka, Delta Force Iyo waliba kuwii Mariniska. dagaalkan ayaa wuxuu soconayay 16 saac oo xiriir ah, iyadoo halkaana ay ku naf waayeen in ka badan boqolaal Soomaaliyeed kuwa kalena ay ku dhaawacmeen.

Dhinaca Marayka waxaa maalintaa laga soo riday 4 diyaaradood oo ah kuwa loo yaqaan Black Hawk, waxaana laga gubay ugu yaraan 4 Bebe iyo baabuur kale oo aad u fara badan oo ay ciidamadoodu isticmaalayeen, waxaa isla goobtaas looga dilay ciidamadii Maraykanak ilaa 28 askari, inkastoo uu maraykanku qirtay ilaa iyo 18 asakari oo kaliya.

I    I    D    H    E    H

Mac-Hadka  ASAL ee Barashada Computerka iyo Xisaabaadka Ganacsiga:   km-5 Mogadishu

Dagaalyahaniintii Soomaalida oo maalintaas si aad ah u dagaalamay ayaa gacanta ku dhigay mid ka mid ah duuliyayaashii diyaaradihii dhulka la soo dhigay, duuliyahaas oo lagu magcaabo Michel Durant, ahaana Kornayl ka soo qayb galay dagaalkii gacanka inkastoo la sii daayay isagoo bed qaba. Dhaawaca soo gaaray ciidamda Maraykanaka, ayuu ku sheegay Admiral Johnaton Howe, in ay gaarayeen 96 asakari.

Admiral Howe oo markaa madax ka ahaa ciidamadii UNOSOM ee ka hawl galayay gudaha Somalia, dhalashadiisuna ahayd Maraykan, ayay ugu danbayntii lagu dhaliilay sidii wax u dhaceen, waxaa is casilay sarkaal Maraykan ah, oo isna madax ka ahaa cutubyo ka mida ciidamda Maraykanka oo ku sugnaa magaalada Muqdisho.

Dagaalkan ayaa keenay in ugu danbaytii ay golaha ammaanka ee qaramada midoobay ay ka laabtaan go'aankoodii ahaa in la soo qabto Jeneraal Caydiid, ka dib markii taageerayaasha ururka SNA ay gaashaanka u daruureen ayna hor istaageen qabashadii Jeneral Maxamed Faarax Caydiid.

Hawlgalkii UNOSOM, ayaa ugu dambaytii ku dhamaaday guul daro waxayna gabi ahaanba UNOSOM faaruqiyeen dalka Somalia sanadkii 1995-kii, Intii ay ciidamAda UNOSOM joogeen dalka Somaaliya, ayaa waxaa soo baxaya tacadiyo dhan ka ah dadka Soomaaliyeed oo ay geysteen ciidamadii UNOSOM, sida fara xumayno, Jirdil iyo boob hantiyeed oo ay kula kaceen dadkii Soomaaliyeed ee ay u soo gurmadeen.

Mogadishu Weekly Reporter A. D.

weekly@somalitalk.com   
Muqdisho, Soomaaliya