Waxaan dhamaan dadweynaha ogeysiinayaa in war been ah oo kusoo baxey maanta 28/7/02 websiteka ku caanka ah beenta ee Ruunkinet islamarkaan uu kasii xigtey websiteka hiiraan online ee horadhiciisu ahaa in Muuse Suudi Iyo Cumar Finish eey isi soo hor fariisteen ayaa ahaa war beena oo xaqiiqdana ka fog.

 

Waxuu caadeystey Cabdullahi Macalin faax oo ah xildhibaan u shaqeeyo cabdi qaasim kooxdiisa ahna tifatiraha Ruunkinet inuu war aan sugneyn markasto ka sheego dadka walaalaha ah ee Mudulood isagoo danta uu ka leeyahey la eg tan uu ka leeyahey Cusmaan Caato  oo ah ninka uu isagu ugu adeego webkaas kuna tilmaamo saaxiib wanaagsan.

 

Waxaan markasto ku faraxsanahey dadaal nabdeed oo laga dhex abuuro dad walaalo ah oo dagaalamey, saxaafdana waxaa ku haboon iney sheegaan waxi dhacey Xaajiga oo ka qeybgalo kulan noocaasna waa wax aduunka laga sheegi lahaa mana uusan noqon laheyn mid Ruunkinet kaliya uu helo.

 

Anagoo tixraaceyna qoraalka Ruunkinet ayaan la xiriieney xarunta Alxaaji ee xaafad Madiina iyo saraakil ku dhow Walaalkey Cumar Yare, intaas kadib waxey noo xaqiijiyeen in Xaajigu uusan ka qeyb galin kulankaas balse uusan marnaba ka horjeedin in nabad la gaaro dadka walaalaha ahna eey is gacan qaadaan.

 

Waxaan si gaara uga codsanayaa Hiiraan Online si hoose iyo si sareba in warkaas eey hubiso cadeysana haddii eey u heyso wax cadeyna kana duwan dulmilayaasha Ruunkinet, intaas kadibna kasaarto beejkeeda kana sameeso cudur daar warka beenta ah aana marna mudneyn in la soo xigto.

 

Ruunkinetsa  iyo Cabdullahi Faxna waa kuwa aan mudneyn in cudur aan ka codsado waayo dambigooda maahan mid iyo labo.

 

Mahadsanidiin.