WIIL YAR OO QALLIIN DEGDEG AH U BAAHAN
Xiidmihiisii
dibada ayuu yaal
Bahda SomaliTalk ee Australia waxay dadweyanaha
Soomaaliyeed iyo caalamka kaleba u soo bandhigayaan wiilka yar oo gargaarka
aadamino u baahan.
Cumar Maxamed Muse waa wiil 3 sano jir ah, kuna
dhashay dhulka la magac baxay Puntland. Cumar wuxuu dhashay isaga oo aan lahayn
meesha laga saxaroodo. Ilaahay amarkiisna meesha saxaradu ka soo baxdo maaney
furayn. Sidaas darteed, ayaana dhakhtar gaar ah (private) ku samayey qaliin,
nasiib darose meeshi loo furay si dhakhso ah ayey isugu dhegtey. Haatana waxaa
saxaradu ka timaadaa xiidmihiisa oo loo soo saaray dibada. Sida sawirka ka
muuqatan, xiidmihiisu dibada ayuu yaal, halkaas ayuuna saxarada ka dhigaa.
Wiilkaas Somaliyeed wuxuu u baahan yahay qaliin deg deg ah. Waxaana lagu talo
jiraa in lagu qalo magaalada Melbourne, ee dalka Australia. Somalida degan
Melbourne oo loo gudbiyey sawirkiisa dhawrkii asbuuc ee la soo dhaafay ayaa u
qalqaalisay in halkaas la keeno. Waxaana ay ku guuleysteen in ay u helaan
dhakhtar arimaha noocan oo kale ah ku takhasusay oo Cumar qalidoona sida ugu
dhakhsaha badan, kadib marka la keeno.
Iyada oo taasi jirto ayaase loo bahan yahay dhaqaale arimaha Cumar lagu fuliyo.
Waxaa loo baahan yahay lacag dhan US$10,000,00 oo kharjkiisa (qaliinka,
safarkiisa, daaweyntiisa, iwm.) oo dhan daboolikarta. Baahidaas dhaqaalena waa
mid aanay daboolikarin, Jaaliyada Somaliyeed ee Melbourne degan keligood. Sidaas
darteed, waxaa laga codsanayaa dhamaan dadka Somaliyeed, meel kasta ha joogeene,
in ay ka qayb qaataan caawimida Cumar Maxamed Muse. Waxaana jaaliyadaasi
codsanayesaa in lagala qayb qaato badbaadinta wiilkaas yar, fadliga bishan
Ramadaan darteed.
Sababta oo ah Cumar Maxamed Muse caafimaadkiisu aad iyo aad ayuu marba marka ka
danbaysa uga soo liidanayaa. Hadii aan dhowaan arinkiisa wax laga qabana,
noloshiisu halis ayey ku jirtaa. Sida aad argtaana, xiidmihiisii dibada ayuu
yaal, jirooyin dheerad ahna in uu qaado waa suurta gal. Arinkaasina keeno
dhaawac uu qabo oo hurguma, kadibna keena jiro aad u xun oo deg deg naftiisa
khar gelinkarta
Ilaa hadeer, dad ka mid ah jaaliyada Somalida ee degan Melbourne ayaa isu
xilsaaray arinkan, dhaqaale wixii awoododa ahna ururiye. Waxaana arinkan hormood
ka ah Sheekh Ciise Cabdo iyo Ciise Maxamud Dhollowaa oo asbuucaan wiilka
arimihiisa dhakhaatiirta u geynayey.
Cidii jecel in ay sadaqo la baxdo, fadlan haku soo direen cinwaanka hoos ku
qoran sida ugu dhakhsaha badan;
Commonwealth Bank;
(BSB): 06 3102
Account: 10153965
Ciidii kale ee jecel in ay isticmaasho xawaaladaha (Dahabshiil, Dalsan, Amal,
iwm.) Somaliyeed waa ay samaynkaraan. Han ku soo qoreen, magac Sheekh Ciise
Cabdo.
Waxaan kujiraa bishii barakaysnayd ee sadaqadda
ee fadlan ka qayb qaado gargaarka wiilkaas yar ee tabaalaysan.
Wixii tafaasiil ah oo dheerada ah, fadlan kala xiriira emailka ah; Ciise Maxamud Dhollowaa. Tel: 61 415 172 025
(Australia) ama Email: imfarah@students.latrobe.edu.au
Hoos waxaa ku qoran
Qoraalkii dhakhaatiirta Boosaaso ku arkay wiilka yar
MEDICAL REPORT
![](a11.jpg)
Ciise Maxamud "Ciise Dhollowaa"
Phone; 0415 172 025 (in Australia)
61 415 172 025 (outside of Australia)
imfarah@students.latrobe.edu.au
Waxaa isku soo dubaridey
Maxamed Cali (SomaliTalk Editor-in-chief)
Minneapolis, Minnesota, USA
FAAFIN: SOMALITALK.COM | Nov 19, 2002 |
sixid: Nov 20, 2002
BOGGA
GARGAARKA CARRUURTA EE DOLLOWAA
com
|