|
Hase yeeshee marka la fiiriyo Somaliya AI
shaqadeedii ma qaban umana hadlin dadka dulman ee Soomaaliya in badan.
Anigoo aanan dafirayan inay dhowr goor ka hadleen ama tababaro siiyeen dad
Soomaaliya ayaan haddana leyahay hawshaasi waa 10% intii loo baahnaa.
Labo iyo tobankii sano ee u danbeeyay Soomaaliya ma
lahayn dawlad ka wada mas’uul ah dalka oo dhan oo ilaalisa nidaamka iyo
sharciga iyo xuquuqda bulshada. Dalku wuxuu galay dagaal sokeeye iyo bur bur
iyo dawlad la’aan. kumanaan qof bay dileen kooxo iska soo horjeeda oo
hubaysan malyanna waa qixiyeen. falalka loo gaystay dadka Soomaaliyeed waxaa
ka mid ahaa dil, dhac, ciqaab, qaxooti la xumeeyay, kufsi la kufsaday haween
iyo gabdho caruur ah intaba, dad la waayay, iyo qafaalasho ama madax-furasho.
Amnesty International waxay samayn kartay inay
isku daydo inay joojiso ama ka hortagto ku tumashada xuquuqda aadanaha ee
ka dhacaysay Soomaaliya ama cod dheer adduunka ku gaarsiiso waxa halkaas
ka dhacaya hase yeeshee indhaha ayay ka qabsatay sidaas darted ayay dadka
Soomaaliyeed maanta ku tiriyaan Amnesty International taariikhda bogga
madaw. Inkastoo ay AI jirtay ilaa 1961 haddana xaggee jirtay markii dadka
Soomaaliyeed ay u baahnaayeen?. Dadka Soomaalida waa ay ka bixi doonaan
dhibaatada dawlad la’aantu keentay waana ay kala garan doonaan kuwii wax
taray iyo kuwii ka seexday!.
AI haddii ay rabto inay muujiso inay ka naxayso
dhibaatada dadka Soomaaliyeed soo gaartay ama ay u hadasho dadka codkeeda
u baahan ma ahan inay qas iyo hanjabaad la tagaan shirka dib u
heshiisiinta Soomaaliyeed ee ka socda Eldoret, Kenya, halkaas oo uu ka
socdo dadaal wayn oo ah dib u heshiinta umadda Soomaaliyeed. Hanjabaadaas
oo loo arki karo is tus-tus ee waa inay muujiso waxqabad dhab ah iyo inay
u hadasho dadka Soomaaliyeed ee dhibaataysay oo xuquuqdooda lagu xad gudbo
had iyo goor hana ka bilowdo inay xabsiga ku booqdaan afarta qof ee
Soomaalida oo lagu hayo xabsiga Mombasa, Kenya
Afartaas qof oo la yiri dalka Kenya ayay sharci
darro ku soo galeen ( Soomaaliya weli dawlad ma leh dagaalona waa ka
dhacaan dadkana waa ka qaxaa) ayagoo xabsiga ku jirana ayay argagixiso
qarxisay hotel ay lahaayeen Israa’iiliyiinta oo Mombasa ku yaalay
gantaalna ku tureen diyaarad ay leedahay Israa’iil oo ka duulaysay
Mombasa isla markaasna 12 qof ayaa lagu eedeeyay oo la xiray hase yeeshee
labadii qof ee United States ka soo jeeday si dhaqso ah ayaa loo siidaayay
ka dib markii ay dawladdoodii u hadashay. Afartan qof ee Soomaalida ah
inkastoo ay xirnaayeen markii amuurtu dhacaysay haddana dawlad u hadasho
ma leh Amnesty International ayay waajib ku tahay inay doorkeeda qabsato.
Mahamoud Nur Wardere | mnwardere@yahoo.com
Former Minneapolis, Minnesota Mayoral Candidate
USA
Faafin Ciid Fidri 2002
<><><>
Soomaalida
Minnesota, USA iyo Maalmaha Ciidul Fidriga
Shalay oo ciid ahayd iyo maanta oo
Jimce ah waxay Soomaalida labada magaalo ee St.Paul/Minneapolis u ahayd
maalmo farxad gaar ah u leh, warbixin arintaas ku saabsan
Ka.Akhri.Halkan
Soomaalida
Sweden oo Wadjir u Ciidey
Waxaa markii ugu horeysay damaashaadyo ay si wada
jir ah u soo wada abaabuleen labbada Masaajid ee Soomalida iyo GUJI..
Cumar
Yare oo Loo Qaadi Doono Australia
Cumar oo ah 3jir xiidmuhu
dibada yaalaan ayaa 18ka December la keenidoonaa Melbourne si loogu qalo,
laakiin Guji
SALAAN ISU-DIRID CIIDA: Eidmubarak
| EidMubarak.2
| Eid
card
Sida
Looga Ciiday Doha
Sida looga ciido dalkaan(Qatar)
ayaa gabi ahaan kaduwan ciidaha kugu soo marijirey Africa, gaar ahaan....
GUJI..
CIID
MUBAARAK
Bahda SomaliTalk waxay dhammaan Muslimiinta ku dhaqan daafaha dunida ugu
hambalyay-nayaan ciida barakaysan ee "Ciidul Fidriga" sannadkan
1423 oo kubeegan December 5 .. GUJI...
/11com
| 
