Waxaa u baahan in la xuso, joogitaankeena qurbaha inoow toban jirsaday(soomaalida badankeed), taasina eey la imaan doonto saameeyn badan dhinacyada nolosha ee dadka qurbaha jooga iyo weliba dalkii oon saameeyn xoogleh aan ku yeelan doono sanadaha soo socda. Dhinaca qoraalkani ka hadlayo, marka loo kuurgalo waxaad arkeeysaa laba shaqsi (oo soomaali ah) oo xiriir ahaan aan isku xumeeyn ee hadana ka tirsan laba xisbi oo aragti ahaan aad u kalla fog. Ma waan la oran karin caruurta geeljiraha, ee hadaan soomaali nahay u badan nahay, waxbadan baan ka faa`iidnay W-yurub gaar ahaan dalkan Sweden, maadaama ayagoo kalla fikir duwan eeysan is naceeyn oo xiriiri karaan, kuna tartami karaan ineey fakarkoda u helaan jaalayaal la wadaaga. Ha hilmaamin taasi suuragal kama aha geeljirayaalka(ka soo jeeda asalka dhaqankeena oo geela iyo beertu asaas u yihiin) dalkiina ku sugan, taas macnaheedu waxeey tahay, qasab maaha in aniga iyo adiga aan wax walba isku raacno hadii kalle aan dhibaato isu geeysano, waa la kalla duwanaan karaa isla mar ahaantaana la wada shaqeeyn karaa dhinacya badan oo nolosha aadanaha u asal ah. Ogoobeey cidaan aqbalin waxa aadanaha kale eey ku kalla duwan yihiin inaan asagana la aqbaleeyn, taasina waxeey ku danbeeyn dhaqanka awoowayaasheen dhiniciisa xun ee ahaa: ninkii xoogleh ayaa ceelka cabi……….nin xoogleh ayeey xaaja u toostay iwm.

Gunta qoraalkaan hadii aan u soo dhowaado, een bal eegno dalkan waxa uu uga duwan yahan kuwa kale ee soomaalidu ku nooshahay. Dalalkii soomaalidu eey u soo hayaameen, oo ayagoo aan soo sahansan, sahayna so qaadan, sida habayaca leh eey isaga daba yimaadeen(ayagoo nabad, naxariis, horumar iyo nolol raadis ah) waxeey ka siman yihiin mid: waxeey ku dhaqmaan nadaamka dimoqoraadiyadda: Canada, USA, Europe, Australia, marka laga reebo dalal kaloo badan. Ayadoo taasi dhab tahay, isla markaana soomaalida dalalkaas ku nooli eey wax farqi oo eey ku kala duwan yihiin eeysan jirrin(oo laga yaabo in walaalkaa, walaashaa, xaaska/odayga walaakeed--walaashiis, saaxiibkii/tii qaaliga ahaa iwm eey ku nool yihiin wadamadaas), ayaan hadana mararka qaar loo kuurgelin farqiga asalka ah ee u dhaxeeya xaga fakarka soomaalida ku kalla nool dalalkaas, sababtu waa fududahay, waayo dhibka maalmihii hore oo weliba goorka uu naga haraa eeysan dhoweeyn ayaa u badan in la xaliyo kan dhaqan-dhaqaale, baahida aasaasiga ahna la daboolo, markaa ka dib een qurbaha degenaano malahaa 25- 30-sannadood ayeey weeydiinta ah maxaa laga faa`iiday dalalkaa kala duwan waqti loo heli doonaa? oo soomaalida wadamadaas ku nooli eey ku kala duwan yihiin? arimo badan oon is leeyahay in loo fiirsadaa waa muhiim ayaad moodaa ineey soo ifbaxayaan, oo dadka garaadka iyo aqoonta gaarka ah u lehi ineey u fiirsadaan eey muhiim tahay.

Soomaalida sweden degani ma aha dad kaga firfircoon si gaar ah soomaalida kale arimahaas,oo caruurta geeljiruhu waxeey wadan walba tageen ayagoo qaxaya, qaar gaar loo soocay oo meelgaara la dejiyeyna ma jiraan, ha yeeshee arimaha suura gelinaya waa mid aan soomaalida ku xirneeyn ee dalkan sweden uu sabab u yahay.

Hadaba Sweden, soomaalida ku nool aad beey uga qeeybgalaan, kana mid noqdaan xisbiyada siyaasadeed, mardhow laga yaabee ineey soomaali badani soo galaan golayaasha kala duwan ee xeer maamulku ka soo baxo (heer degmo, gobol, iyo wadanba).

Saaxiibo USA ku nool baan mararbadan ka maqlay in mareykankamadoow eey aad ugu fiican yihiin xaga siyaasada iyo sharciga hadal heeyntiisa, kooda hela fursadna uu noqdo mid ku reeba taariikh USA, sababna waxaa looga dhigaa shaqsigu marka uu dhiban yahay wuxuu raadiyaa

inuu hello fursad uu ku balaariyo saameeynta uu ku leeyahay bulshada uu ku dhex nool yahay, si naftiis eey u hesho qanacsanaan, una dareemo inuu yahay qof qiimo ku fadhiya.

Ma lahaa arinkeena hadaan nahay reersweden sidaa ayuu ku dhow yahay, nalama adoonsan, ha yeeshee ma fogeeyn markii dadka wadankan u badani eey shaqsi madoow wada shaqeeyeen, wada hadleen, meel wax ka wada cuneen iwm. Markaa waad garan kartaa farqiga noo dhaxeeya annaga iyo shaqsiga soomaaliga ah ee degan USA, England, holland iwm.

Dadka heeysta qalabka lagu cabiro “dimoqoraadiyada” wadamada eey isleeyihiin in la cabiro weey u qalmaan marmar beey eegaan, waxeeyna helaan cabiro kalla duwan, hadaan marka aqoontooda ka deeynsado, waxeey isku raacsan yihiin, in tusaale ahaan USA marwalba cabirkeedu ka hooseeyo Sweden. Markaa waxaad iiga marag kici in uu jirro halbeeg lagu cabiro dimoqraadiyada, hadaba markaas meesha soomaalidu degen tahay saameeyn beey ku yeelan doontaa fakirkooda shaqsi iyo koox ahaanba, sida eey u arkaan: fakarka xorta ah, saxaafada xorta ah, ururada xorta ah, xaquuqda dadka tabarta daran, kan caruurta, iwm.

Hadaba anigoo dareemaya inaan hubo ineey jiraan wadama badan oo Sweden la mida amaba ka daba dhow xaga xoriyada insaanka, kaliya waxaan rabay inaan xuso arin xasaasiya oo soomaalidu aad uga warqabtay maalmahan, ee ah 3-dhalinyaro ah ee soomaaliya oo lagu daray liiska argagixisada dunida, dadbadan baa waxeey aaminsan yihiin in hadii eeysan Sweden ku noolaan laheeyn, oo bulshada rayidka ahi u qeeylin laheeyn, oo wasaarada arimaha dibada eysan u muujin laheeyn xaquuqda insaanka ineeysan yareeysan ,in weli eey ku jirri lahaayeen liiska argagixisada. Taasoo macnaheedu yahay shaqsiga aad buu u yahay wax qiimo badan ilaa aan laheeyn wax cadeeya dhinaca kale oo muujinaya dambigiisa. Sweden bulshadeedana waa lagu barbaariyey ineey isu gaashaanbuursadaan xaquuqul insaanka,aad beeyna u adag tahay, ineey aqbalaan wax dadka ka qaadaya xoriyadda waayo asaga ineey dhibaatadu ku soo fidi doonto ayuu aaminsan yahay.

Si hadaba aan u tilmaamo meelo laga eegi karro arimaha u fududeeynaya qof kasta ee ku nool

Sweden inuu fahmo, hello dariiq uu ku saameeyn karro bulshada uu ku dhex noolyahay, si qofwalbaa u dareemo in qiimaha dadnimadiisa, fikirkiisa, xaquuqdiisa iyo waajibaadkiisa(oo ah aasaaska dimoqraaidyada) bal ila eeg dhoowrkan dhibcood:

Waa dal aad loo sahlay, in qofwalbaa noqdo xogogaal, looguna tala galay qof walba inuu fahmi karo sida wax u socdaan, isla markaasna eey qasab tahay in agagaarkaaga waxa ka dhacaya in lagu wargeliyo, saameeyna aad ku yeelan kartid. (waa asalka Dimoqraadiyada, ha yeeshee wadamada aduunku isku heer kama joogaan).

Sweden, waxeey ka mid tahay dalalka aduunka hogaaminaya dhinacyada ururada bulshada, ururada bulshadu waa ka badan yihiin 10- milyan, tirada dadkuna waa ka yar thay 9-milyan, halkaa baa laga qiyaas qaadan karaa.

Waa dal aad dadkiisu u yaryahay marka loo barbardhigo dalka weeynaantiisa, taasina waxeey sahleeysaa xiriirka iyo ka warqabka.

Waxaa jira sababo kaloo badan oon halkan lagu koobi karin.

Tiro aan yareeyn oo soomaaliya ayaa ka tirsan xisbiyada siyaasada ee wadankan sweden.

Xisbiyada siyaasada ee soomaalidu aad ugu badan yihiin waxaa ka mid ah: The social D. party (waa xisbiga eey ugu badan yihiin soomaalidu), The conservative party(the right-wing),

iyo xisbiyo kale oo dhoowr ah. Waxaa muuqata sanadkan in soomaali dhoowr ah loo soo sharaxay golaha degmooyinka, kan goboladda, iyo kan wadankaba.

FAAFIN: Agoosto 30, 2002 | SOMALITALK.COM

AFEEF: Aragtida qoraalkan waxaa leh qorayaasha ku saxiixan 

.

Dhadhtar ka tirsan cisbitaal kamida cisbitaalada ugu weyn Maraykanka ayaa sheegay in Soomaalida uu kusoo badanayo cudurka kaadi-sonkorowgu, warbixintaas iyo calaamadaha lagugarto kaadi-Sonkorowga
KA AKHRI HALKAN GUJI....

Shirka Eldoret oo Qabsoomidoona 16ka Sept

Baaq Xabad Joojin, Dagaal Joojin & Nabad