|
Guddoomiyaha Golaha Midnimada
Mudulood Dr Abdi Mohamed Ulusso oo shalay ku qaabilay magaalada London
Jaaliyadda Beesha Celi Cumar.
Shirkan oo oo ahaa shir weyne
Beesha Celi laguna qabtay magaalada London eyna soo qaban qaabiyeen dhalinyarada
ku nool London, UK oo uu ugu firfircoonaa Axmed Nunne, eyna ka soo qeyb galeen
jaaliyadda beesha ee degan waddanka Ingiriiska. Shirkan oo daba socday shir ey
beesha Celi horey loogu qabtay magaalad Katrineholm ee waddanka Sweden
taariikhdu markey aheyd 8dii Luulyo 2002, uuna Dr Ulusso ka qeybgalay.
Ujeedadu waxey aheyd in beesha
Celi ey si wada jir ah ey uga qeyb qaadan lahaayeen xaaladda siyaasadeed, tan
bulsho iyo mid ganacsi ahba, iyo sidii la isugu xiri lahaa dhamaan shaqsiyaadka
ku nool dibeddaha iyo gudaha. Waxaa leysla gartay iney lama huraan tahay in ey
beeshu ka shaqeyso sidii loo heli lahaa midnimada Mudulood oo fura u ah xal u
helidda dhibaatada ka taagan waddanka oo ah nabadgelyo xumo, sidaas daraadeed in
lagu dadaalo sugidda nabadgelyada degaanka mudulood iyadoo lala shaqeynayo cid
walbo oo nabad daneyneyso.
Shirkan waxaa ka soo qeyb galay
shaqsiyaad aan degeneyn waddanka Ingiriiska oo ey ka mid ahaayeen Eng. Maxamed
Celmi Cossoble (Col. Cossoble) oo ka yimid Holland, Dr. Maxamuud Xasan (Dr
Ingiriis) UAE, Cabdullahi Axmed Maxamed (Qorey) Norway, Dahir Ibrahim Wasuge
Denmark iyo Guddoomiyaha Golaha Midnimada Mudulood Dr Abdi Mohamed Ulusso
(Black) Canada. Shirkan waxaa leysla meel dhigay leyskuna afgartay in Guddi
maamul lagu dooto, guddoomiyana loo doortay Prof. Abukar Hassan Yare iyo
guddigii soo qaban qaabiyey iyagoo xilka sii heyn doonno muddo sanad ah inta
shirka kale laga qaban doono.
Shaqsiyaadkii ka hadlay waxaa
ka mid ahaa Dr Xasan Basey ahna rugcaddaa siyaasi ah oo ku nuuxnuuxsaday in
shacabka Soomaaliyeed u baahan yahay Nabad waarta iyo siddii looga saari lahaa
dhibaatooyinka jira shaqsi walbana laga rabo dadaalka dhanka uga aadan.
Laxiriir: Abdirahman Omar Osman | yarisow70@hotmail.com Waraysigii
Cali Jarmal - Agoosto 26, 2002
August 26, 2002 | SOMALITALK.COM
WARARKA KALE
AGOOSTO | WARARKii
July» GUJI
»
June | MAY
APRIL |
MARCH | FEBRAAYO |
Janaury 2002
| Wararkii
1999-2001
.
| 
